Kap. Alma Buenaventura

11/11/2026

📢 MAYNILAD ADVISORY: SCHEDULED WATER INTERRUPTION

Ayon sa Maynilad Water Services, magkakaroon ng pansamantalang pagkaantala ng suplay ng tubig sa ilang bahagi ng Malabon City dahil sa isasagawang network repair activity sa M.H. Del Pilar corner Gov. Pascual Avenue, Malabon City.

Iskedyul ng Water Interruption:
🕛 Mula 12:01 AM hanggang 4:00 AM, Nobyembre 12, 2026 (Huwebes)

Mga Apektadong Lugar:
Acacia, Baritan, Bayan-Bayanan, Catmon, Concepcion, Dampalit, Flores, Hulong Duhat, Ibaba, Maysilo, Muzon, Niugan, Panghulo, Potrero, San Agustin, Santulan, Tañong, Tinajeros, Tonsuya at Tugatog

Pinapayuhan ang mga residente sa mga apektadong lugar na mag-ipon ng sapat na tubig para sa kanilang pangangailangan habang wala pang suplay.

Humihingi ng paumanhin ang Maynilad sa anumang abalang maidudulot nito at nagpapasalamat sa inyong pang-unawa at pakikiisa.

📢 MAYNILAD ADVISORY: SCHEDULED WATER INTERRUPTION

Ayon sa Maynilad Water Services, magkakaroon ng pansamantalang pagkaantala ng suplay ng tubig sa ilang bahagi ng Malabon City dahil sa isasagawang network repair activity sa M.H. Del Pilar corner Gov. Pascual Avenue, Malabon City.

Iskedyul ng Water Interruption:
🕛 Mula 12:01 AM hanggang 4:00 AM, Nobyembre 12, 2026 (Huwebes)

Mga Apektadong Lugar:
Acacia, Baritan, Bayan-Bayanan, Catmon, Concepcion, Dampalit, Flores, Hulong Duhat, Ibaba, Maysilo, Muzon, Niugan, Panghulo, Potrero, San Agustin, Santulan, Tañong, Tinajeros, Tonsuya at Tugatog

Pinapayuhan ang mga residente sa mga apektadong lugar na mag-ipon ng sapat na tubig para sa kanilang pangangailangan habang wala pang suplay.

Humihingi ng paumanhin ang Maynilad sa anumang abalang maidudulot nito at nagpapasalamat sa inyong pang-unawa at pakikiisa.

Para sa mga katanungan at karagdagang impormasyon, maaaring tumawag sa Maynilad Hotline 1626 o bisitahin ang kanilang opisyal na social media accounts.

10/11/2026

Prevent Fire. Save Lives! 👨‍🚒📢

Magandang araw, mga ka-barangay! Hindi lingid sa ating kaalaman na kabi-kabilang sunog ang nagaganap ngayon sa iba't ibang lugar. Kamakailan lamang, sumiklab ang isang sunog sa Barangay San Agustin dito sa ating lungsod at maging sa isang barangay sa Caloocan City na nag-resulta ng pagkasawi ng dalawang katao.

Mga ka-barangay, ang sunog ay isa sa mga pinakamapaminsalang panganib na maaaring dumating nang walang babala. Ngunit alam mo ba na karamihan sa mga sunog ay maiiwasan sa pamamagitan ng tamang kaalaman at maingat na pag-iingat? Narito ang mahahalagang impormasyon at mga hakbang na dapat nating tandaan para mapanatiling ligtas ang ating pamilya at tahanan:

⚡ 1. SURIIN ANG MGA SAKSAKAN AT KURYENTE

- 📌 Suriin ang mga saksakan ng kuryente: Kung ito ay maluwag, mainit hawakan, o may nakikitang pagkasira, palitan agad. Huwag magsaksak ng maraming kagamitan sa iisang saksakan lamang dahil maaari itong maging sanhi ng sobrang pag-init at pagkasunog.
- 📌 Iulat ang mga ilegal na pagkakakabit ng kuryente: Ang mga hindi wastong pagkakakabit ng linya ng kuryente ay lubhang mapanganib. Huwag mag-atubiling ipagbigay-alam sa inyong barangay o sa kaukulang ahensya kung may nakikita kayong ganitong gawain.

☀️ 2. PANGANGALAGA SA MGA SOLAR PANEL

- 📌 Kung mayroon kang solar panels, regular na suriin ang mga ito at ang kanilang mga kable. Siguraduhing walang sira, nakalawit, o nababalot ng mga bagay na maaaring magdulot ng sobrang pag-init. Ang hindi maayos na kondisyon ng mga solar panel ay maaaring maging sanhi ng sunog kung hindi aalagaan nang maayos.

🍳 3. MAG-INGAT SA PAGGAWA SA KUSINA

- 📌 Bantayan ang inyong kalan: Huwag na huwag iiwanan ang kalan habang ito ay nakabukas o may niluluto. Ang pag-iwan sa pagluluto nang walang nagbabantay ang isa sa pinakamadalas na sanhi ng sunog sa tahanan. Siguraduhin ding patayin ang gripo ng gas o kalan pagkatapos gamitin.

📱 4. HUWAG IWANANG NAKA-CHARGE ANG CELLPHONE AT IBA PANG GAMIT

- 📌 Huwag mag-charge nang walang nagbabantay: Huwag iwanan ang inyong mga cellphone, baterya, o iba pang kagamitan na nakasaksak habang natutulog o kapag aalis kayo ng bahay. Ang mga sira na o lumang baterya ay maaaring sumabog o mag-apoy kapag sobrang nag-charge. Palaging bunutin ang saksak pagkatapos magamit.

🧯 5. MAGHANDA NG KAGAMITAN SA PAG-IWAS SA SUNOG

- 📌 Magkaroon ng pamatay-sunog: Hangga't maaari, maglagay ng hindi bababa sa isang pamatay-sunog sa inyong tahanan, lalo na sa kusina o malapit sa mga pinagmumulan ng apoy at kuryente. Alamin kung paano ito gamitin nang wasto bago pa man magkaroon ng panganib.
- 📌 Alamin ang mga pinto at daan na maaaring takbuhan kung sakaling may sunog. Mag-usap ang buong pamilya tungkol sa plano kung paano makakalabas nang ligtas sa oras ng panganib.

💡 TANDAAN:

Ang kaligtasan ay hindi aksidente — ito ay resulta ng tamang kaalaman at maagap na pag-iingat. Ang bawat maliit na hakbang na iyong ginagawa ngayon ay malaking bagay para sa kaligtasan ng iyong pamilya. Huwag maging pabaya — ang sunog ay mabilis kumalat, ngunit mas mabilis itong maiiwasan kung tayo ay magiging handa at maingat.

10/11/2026

📄 NATIONWIDE IMPLEMENTATION OF THE BARANGAY ROAD CLEARING OPERATIONS | 11/09/2026 ✨

Bilang bahagi ng Nationwide Implementation of the Barangay Road Clearing Operations, hinihikayat po natin ang bawat residente, may-ari ng negosyo, at mga nagtitinda na makiisa sa pagpapanatili ng malinis, maayos, at ligtas na mga kalsada sa ating barangay. Hinihiling po natin ang inyong kooperasyon na huwag maglagay ng mga paninda, gamit, sasakyan, at iba pang sagabal sa mga bangketa at kalsada. Panatilihin din po nating malinis ang ating kapaligiran at igalang ang karapatan ng bawat isa na makadaan nang ligtas at maluwag.

Tandaan po natin na ang mga kalsada ay para sa lahat. Ang malayang pagdaan ng mga sasakyan, pedestrian, ambulansya, bumbero, at iba pang emergency responders ay mahalaga upang mabilis na makapagbigay ng tulong sa oras ng pangangailangan.

Ang road clearing ay hindi lamang tungkulin ng barangay, kundi responsibilidad nating lahat bilang isang komunidad.

Sama-sama po tayo para sa isang malinis, ligtas, maayos, at maunlad na Barangay Tañong!

Maraming salamat po sa inyong pakikiisa at patuloy na suporta.

06/11/2026

FOR LOVE OF MOTHER EARTH 🌎♻️

Matagumpay na naidaos ng Mother Earth Foundation ang Project and MOA Orientation kasama ang Juana Zero Express Store na ginanap nitong Huwebes, Nov. 5, 2026 sa Barangay Tañong Hall.

Sa ginanap na MOA signing, nagpahayag ng suporta at pakikilahok ang JZE sa proyektong "JZE Vendo" na naglalayong bawasan ang paggamit ng single-use plastics sa pamamagitan ng paglalagay ng mga water refilling vendo machine sa ating barangay — isang mahalagang hakbang tungo sa layuning Zero-Plastic Waste.

Ang atin pong barangay ay lubos na nagpapasalamat sa Mother Earth Foundation sa pagsusulong ng ganitong proyekto para sa ating kapaligiran na naglalayong matugunan ang plastic waste issue at labanan ang climate change.

Asahan po ninyo na ang ating barangay ay magiging kaagapay ninyo sa programang ito.

04/11/2026

MAGING HANDA! MAGING LIGTAS! MAKIIISA SA EARTHQUAKE DRILL!

Inaanyayahan ang lahat ng mga residente, opisyal ng barangay, kawani, Barangay Tanod, Ladies Volunteer Brigade, mga paaralan at iba't ibang sektor ng ating komunidad na makiisa sa gaganaping:

FOURTH QUARTER NATIONWIDE SIMULTANEOUS EARTHQUAKE DRILL (NSED)

Petsa: Nobyembre 5, 2026 (Huwebes)
Oras: 9:00 ng umaga

Layunin ng gawaing ito na palakasin ang kahandaan ng bawat mamamayan sa panahon ng lindol at matiyak na alam ng lahat ang tamang hakbang upang maprotektahan ang sarili at ang pamilya.

ANO ANG DAPAT GAWIN KAPAG LUMINDOL?

1. DUCK (YUMUKO)

Agad na yumuko upang hindi matumba.

Iwasang tumayo o tumakbo habang lumilindol.

2. COVER (SUMILONG)

Sumilong sa ilalim ng matibay na mesa o kagamitan.

Protektahan ang ulo at leeg gamit ang mga braso.

Lumayo sa salamin, bintana at mabibigat na bagay.

3. HOLD (KUMAPIT)

Kumapit nang mahigpit sa mesa o anumang matibay na panangga.

Manatili sa ligtas na posisyon hanggang matapos ang pagyanig.

PAGKATAPOS NG PAGYANIG:

Maingat na lumikas patungo sa itinakdang evacuation area.

Huwag gumamit ng elevator.

Mag-ingat sa mga nahulog na bagay at posibleng aftershocks.

Makinig sa mga tagubilin ng mga awtoridad at emergency responders.

TANDAAN: ANG KAHANDAAN AY NAGSISIMULA SA ATING SARILI!

Huwag mag-panic. Maging alerto, makiisa at matutong kumilos nang tama.

BARANGAY TAÑONG, CITY OF MALABON

Para sa ligtas, handa at matatag na komunidad.

Tuloy-tuloy na serbisyo para sa Diyos at sa tao.

MAGING HANDA! MAGING LIGTAS! MAKIIISA SA EARTHQUAKE DRILL!

Inaanyayahan ang lahat ng mga residente, opisyal ng barangay, kawani, Barangay Tanod, Ladies Volunteer Brigade, mga paaralan at iba't ibang sektor ng ating komunidad na makiisa sa gaganaping:

FOURTH QUARTER NATIONWIDE SIMULTANEOUS EARTHQUAKE DRILL (NSED)

Petsa: Nobyembre 5, 2026 (Huwebes)
Oras: 9:00 ng umaga

Layunin ng gawaing ito na palakasin ang kahandaan ng bawat mamamayan sa panahon ng lindol at matiyak na alam ng lahat ang tamang hakbang upang maprotektahan ang sarili at ang pamilya.

ANO ANG DAPAT GAWIN KAPAG LUMINDOL?

1. DUCK (YUMUKO)

Agad na yumuko upang hindi matumba.

Iwasang tumayo o tumakbo habang lumilindol.

2. COVER (SUMILONG)

Sumilong sa ilalim ng matibay na mesa o kagamitan.

Protektahan ang ulo at leeg gamit ang mga braso.

Lumayo sa salamin, bintana at mabibigat na bagay.

3. HOLD (KUMAPIT)

Kumapit nang mahigpit sa mesa o anumang matibay na panangga.

Manatili sa ligtas na posisyon hanggang matapos ang pagyanig.

PAGKATAPOS NG PAGYANIG:

Maingat na lumikas patungo sa itinakdang evacuation area.

Huwag gumamit ng elevator.

Mag-ingat sa mga nahulog na bagay at posibleng aftershocks.

Makinig sa mga tagubilin ng mga awtoridad at emergency responders.

TANDAAN: ANG KAHANDAAN AY NAGSISIMULA SA ATING SARILI!

Huwag mag-panic. Maging alerto, makiisa at matutong kumilos nang tama.

BARANGAY TAÑONG, CITY OF MALABON

Para sa ligtas, handa at matatag na komunidad.

Tuloy-tuloy na serbisyo para sa Diyos at sa tao.

02/11/2026

Ngayong Araw ng mga Patay, kasabay ng pag-aalay natin ng mga bulaklak, kandila, at taimtim na panalangin, ating gunitain ang mga mahal natin sa buhay na nauna nang lumisan.

Kahit lumipas man ang mga taon at nagbago ang panahon, ang kanilang mga aral, pagmamahal, at magagandang alaala ay nananatiling buhay at nag-iwan ng malalim na tatak sa ating mga puso. Sila ang ating mga gabay na patuloy na nagbibigay-liwanag sa ating mga landas mula sa langit.

Isang mapayapa at makabuluhang pag-alala sa lahat. Nawa'y patuloy silang mamahinga sa kapayapaan ng ating Lumikha. 🕯️🕊️💐🤍

31/10/2026

Ngayong Araw ng mga Santo, ating ipinagdiriwang ang buhay at halimbawa ng mga dakilang taong nagpakita ng tunay na pagmamahal sa Diyos at sa kapwa.

Sila ang patunay na ang kabanalan ay abot-kamay sa pamamagitan ng pananampalataya, kababaang-loob, at paglilingkod. Nawa'y ang kanilang mga buhay ay magsilbing inspirasyon sa atin na magpatuloy sa mabuting landas, maging ilaw sa ating komunidad, at mamuhay nang may takot at pagmamahal sa Panginoon.

Isang mapagpalang Araw ng mga Santo sa ating lahat!

31/10/2026

Barangay Tañong General Assembly 🖼️📷

31/10/2026

Barangay Tañong General Assembly, Success! ✨💛

Matagumpay po nating naisagawa ang Barangay General Assembly ngayong araw, October 31, 2026 kasama ang ating mga minamahal na mga ka-barangay at iba't ibang samahan at organisasyon sa ating komunidad. Tayo po ay nagbigay-ulat sa mga naging programa ng ating barangay tulad ng mga proyektong pang-kalusugan, pang-kapaligiran, at seguridad. Gayundin, kasama ang bagong Treasurer na si G. Bautista, atin rin pong iniulat ang pananalapi ng ating barangay.

Nakasama din po natin sina Cong. LenLen Oreta at Chef Melissa Oreta ngayong araw at kanilang ibinahagi ang kanilang mga naging programa sa ating barangay tulad ng isinagawang Pogi Medical Mission noong Agosto.

Mga ka-barangay, lubos po ako at ang buong konsehong nagpapasalamat sa lahat ng mga pumunta at nakiisa sa matagumpay na General Assembly ng ating barangay. Asahan pa po ninyo ang mas marami pang programa mula sa ating barangay para sa inyo. Nawa'y huwag po kayong magsawa sa pagsuporta at pakikiisa.

Muli, maraming-maraming salamat po sa inyo.

Love, Kap. Alma 💛✨

31/10/2026

Happening Now: Barangay Tañong General Assembly ✨💛