https://www.facebook.com/475971232911336/

Kabataan Partylist Quezon City

Home
Philippines
Quezon City
Kabataan Partylist Quezon City

Ang una at tanging sektoral na partido ng kabataan sa Kongreso ng Pilipinas ngayon nasa Quezon City na!

Mag-sign up para maging miyembro: bit.ly/JoinKabataanQC

14/11/2026

𝐑𝐄𝐉𝐄𝐂𝐓, 𝐑𝐄𝐉𝐄𝐂𝐓, 𝐑𝐄𝐉𝐄𝐂𝐓 𝐏𝐀𝐗 𝐒𝐈𝐋𝐈𝐂𝐀!

Ang Pax silica ay isang inisyatibong pinangungunahan ng Imperyalismong US na naglalayong magtayo ng semi-conductor, AI data centers sa mahigit 1,600 ektaryang lupa na syang malaking dagok sa kapakanan ng mga katutubong aeta na pangunahing kabuhayan ay pagsasaka. Lupang ninuno ng mga kapatid nating aeta at mga magsasaka ay lubhang maaapektuhan ng mga itatayong data center na napatunayan ng malaking panganib sa kalikasan, ang mga ito ay mga problemang kanilang hinaharap at haharapin sa mga susunod na taon para lamang iabante ang mga Imperyalistang interest ng US at kita ng mga burukrata kapitalista.

Lingid sa kaalaman ng iba, malaking kasinungalingan ang paniniwalang sagot ang Pax silica sa lumalalang ekonomiya at pangarap na industriyalisasyon ng pamahalaan, sa katunayan ang Pax silica ay nabuo upang samantalahin ang murang paggawa ng mga manggagawang pilipino at kamkamin ang mga yamang mineral na binibili sa murang halaga, ito rin ay parte ng banggaan ng China at US; dalawang naglalakihang imperyalistang kapangyahiran na nagpapa-ligsahan na dominahin ang mundo.

Malinaw na hindi masa ang makikinabang sa inisyatibong ito kundi ang mga dayuhan at iilang malalaking kapitalista't burgesya komprador na patuloy na sinasamantala ang ating mga manggagawa, magsasaka at mga katutubo.

Kaya't kung seryoso ang pamahalaan sa pag-unlad ng bayan, ang Pambansang Industriyalisasyon lamang ang tunay na sagot sa ating pangarap na makabuo ng industriyalisadong bayan, kung saan ang masang pilipino ang magko-kontrol at makikinabang sa mga yamang mineral at malaya sa dominasyon at impluwensya ng mga dayuhang kapitalista.

REJECT PAX SILICA!!!

11/11/2026

𝙏𝙍𝙐𝙈𝙋 𝙊𝙐𝙏❗

Sa darating na Nobyembre 16 ay inaasahang lumapag sa ating bansa ang Presidente ng Estados Unidos na si Donald trump para sa gaganapin na ASEAN Summit kung saan maaaring pirmahan ang Pax Silica na ating mariing tinututulan.

Hindi welcome sa ating bansa ang mga imperyalistang salot ng daigdig gaya ni Donald Trump na numero unong kalaban ng mga manggagawa at magsasaka ng buong mundo at sa pakikipagtulungan nito sa administrasyong Marcos Jr. nananatiling hirap at atrasado ang ating lipunan dagdag pa diyan ang Pax silica na kung sakaling matuloy ay huhubugin ang deka-dekadang kinabukasan ng mga kabataang Pilipino sa hindi magandang pamamaraan; kahirapan, pagkawasak ng ating kalikasan, pagkamkam sa lupang ninuno ng ating katutubo at iba pa. Malinaw na ang kondisyong ito na ating kinakaharap sa kasalukuyan ay lalo lamang lalaki dahil sa sistemang makadayuhan ng ating pamahalaan.

Nanawagan ang Kabataan Partylist - QC sa mga Kabataan na kondenahin at tuligsain ang mga patakarang ng pamahalaan na nagsisilbi lamang sa mga Malalaking kapitalista at dayuhang ganid. Sa mga susunod na pagkilos ay aming kayong inaanyayahan na sumama at buong tapang na ipaglaban ang ating mga demokratikong karapatan at kalayaan mula sa kadena ng mga imperyalista at kamtin ang maka-bayan at maka-masang lipunan.

𝐒𝐮𝐦𝐚𝐥𝐢 𝐬𝐚 𝐊𝐚𝐛𝐚𝐭𝐚𝐚𝐧 𝐏𝐚𝐫𝐭𝐲𝐥𝐢𝐬𝐭 - 𝐐𝐮𝐞𝐳𝐨𝐧 𝐂𝐢𝐭𝐲
🔗 bit.ly/JoinKabataanQC
🔗 bit.ly/JoinKabataanQC
🔗 bit.ly/JoinKabataanQC

20/10/2026

𝐔𝐑𝐈𝐍𝐆 𝐌𝐀𝐆𝐒𝐀𝐒𝐀𝐊𝐀, 𝐏𝐀𝐍𝐆𝐔𝐍𝐀𝐇𝐈𝐍𝐆 𝐏𝐖𝐄𝐑𝐒𝐀!🌾

Tuwing buwan ng Oktubre ay ating ginugunita ang buwan ng mga magsasaka, isa sa pangunahing pwersa na bumubuhay ng ating lipunan, ang mga nagpapakain sa sambayanang Pilipino. Ngunit sa kabila ng kanilang kabayanihang ito, karamihan sa mga magsasaka ay naghihirap pa rin at hanggang ngayon ay wala pa ring sariling lupang sakahan at kung meron man ay sapilitang inaagaw ng mga ganid na kapitalista na siyang kakolabo ng pasistang estado.

Daang-daang magsasaka na nagmula pa sa malalayong probinsya ang tumungo dito sa ating lungsod upang magkampo sa harap ng tanggapan ng Department of Agrarian Reform. Sa halip na pakinggan at kilalanin ang kanilang karapatan sa pagtitipon ay marahas itong binubuwag ng mga tauhan ng QCPD kung saan iligal na dinampot ang isang estudyanteng alagad ng midya.

Malinaw na ang aksyon na ito ay paglabag sa karapatang pantao; bagay kung saan bihasa ang ating mga kapulisan. Matatandaan rin na una ng binuwag ng QCPD ang kampuhan sa harap ng DENR na nauwi sa pansamantalang pag-atras ng mga magsasaka.

Mahalaga ang papel na ginanampanan ng mga kabataan sa pakikibaka para sa lupa at kabuhayan ng mga magsasaka dahil ating nauunawaan na ang mga ito'y ating mamanahin balang araw at hindi tayo dapat magpagapi sa mga naghaharing uri at mga kapitalistang patuloy na kinakamkam ang lupang ipinaglaban ng mga magsasaka at patuloy na ipaglalaban ng mga kabataan para sa mas maunlad at makamasang kinabukasan ng ating bayan.

Kaugnay nito, aming inaanyayahan ang mga kabataan ng Quezon city na makilahok sa darating na Miyerkules, Oktubre 21, patungong Mendiola kasama ang hanay ng mga magsasaka at iba pang sektor.

📆 OCTOBER 21, 2026
⌚️ 9:00AM
📍UST
‼️WEAR RED

Sumali sa Kabataan Partylist - Quezon City
🔗 bit.ly/JoinKabataanQC
🔗 bit.ly/JoinKabataanQC
🔗 bit.ly/JoinKabataanQC

Pwersa

13/10/2026

𝑯𝑼𝑺𝑻𝑰𝑺𝒀𝑨 𝑷𝑨𝑹𝑨 𝑺𝑨 𝑻𝑨𝑻𝑳𝑶𝑵𝑮 𝑲𝑨𝑩𝑨𝑻𝑨𝑨𝑵𝑮 𝑩𝑰𝑲𝑻𝑰𝑴𝑨 𝑵𝑮 𝑷𝑨𝑴𝑨𝑴𝑨𝑹𝑰𝑳!

22/09/2026

𝑵𝑬𝑽𝑬𝑹 𝑨𝑮𝑨𝑰𝑵, 𝑵𝑬𝑽𝑬𝑹 𝑭𝑶𝑹𝑮𝑬𝑻!

Nakiisa ang Kabataan Partylist Quezon City sa paggunita sa ika-limampu't apat na anibersaryo ng pag-deklara ng batas militar ng diktador na Marcos Sr.

Mula sa Kartilya ni Bonifacio kung saan nagtipon — kasama ang mga organisasyon mula sa iba't-ibang sektor, nagsagawa muna ng maikling programa ang sektor ng kabataan, kababaihan, manggagawa at iba pa. Tumulak patungong Liwasang Bonifacio kung saan nagsagawa ng programa, talumpati at pagtatanghal ng mga pangkulturang organisasyon.

Bitbit ang mga panawagan gaya ng: pagtutol sa Pax Silica, pagtaas ng presyo ng langis, nakabubuhay na pasahod nagmartsa tungong Mendiola ang pinagsamang pwersa ng mga kabataan, manggagawa, maralita, estudyante atbp.

Payapa na winakasan ang programa at tagumpay ang pagkilos ng sambayanan sa pagkikita nito ng paninindigan sa mga ating ipinaglalaban at patuloy natin igigiit ang ating demokratikong karapatan para sa lipunang malaya mula sa pananamantala ng mga dayuhan at mga politikong ganid sa yaman at kapangyarihan.

𝐇𝐀𝐍𝐆𝐆𝐀𝐍𝐆 𝐒𝐀 𝐓𝐀𝐆𝐔𝐌𝐏𝐀𝐘!

𝙎𝙐𝙈𝘼𝙇𝙄 𝙎𝘼 𝙆𝘼𝘽𝘼𝙏𝘼𝘼𝙉 𝙋𝘼𝙍𝙏𝙔𝙇𝙄𝙎𝙏 - 𝙌𝙐𝙀𝙕𝙊𝙉 𝘾𝙄𝙏𝙔!
🔗 bit.ly/JoinKabataanQC
🔗 bit.ly/JoinKabataanQC
🔗 bit.ly/JoinKabataanQC

20/09/2026

𝗡𝗘𝗩𝗘𝗥 𝗔𝗚𝗔𝗜𝗡! 𝗡𝗘𝗩𝗘𝗥 𝗙𝗢𝗥𝗚𝗘𝗧!

Sa darating na Lunes ating gugunitain at sasariwain ang pag-deklara batas militar ng diktador na si Marcos Sr. — limampu't apat na taon na ang lumipas mula noong nag-deklara ng batas militar ang diktador na si marcos Sr. — isa ito sa malagim na kabanata ng ating kasaysayan, ang yugto kung saan libo-libong mamamayan ang pinaslang, dinukot, ikinulong ng dahil sa mga gawa-gawang kaso, marahas na pagpapatahimik sa mga organisador, aktibista, mamahayag at iba pa.

Sariwa at hindi parin naghihilom hanggang ngayon ang mga karanasan at pinagdaanan ng mga biktima ng batas militar at pilit itong itinatago at tinatanggi ng mga Marcos at ilang mga kaanib nito mag-pasa hanggang ngayon. Libo-libong biktima ang hindi pa rin naaabot ang hustisya na dekadekada na nilang ipinaglalaban.

Sa kasalukuyan, sa ilalim ng rehimeng US-Marcos Jr. na tila repleksyon ng dating administrasyong Marcos Sr. dahil sa pagiging sunud-sunuran nito sa mga imperyalistang kapangyarihan at dahil rin sa narin sa mga walang habas na pagnanakaw sa kaban ng bayan, pagpapa-yaman sa mga kroni nito, pagpa-pabaya nito sa malawak na masa at iba pa.

Isang taon na rin lumipas mula noong sumiklab ang galit ng sambayanan laban pamahaalan; ng mabunyag ang pagbubulsa ng daang bilyong pondo na inilaan para sa flood control project ng gobyerno na nagresulta sa sunod-sunod na pagkilos ng mamamayan. Salungat sa pilit na ipinapaniwala sa atin ng mga nasa kapangyarihan; na ang mga bagay gaya ng pagnanakaw ng limpak limpak na pondo para sa proyekto na nanggaling sa pinaghirapang salapi ng mga Pilipino ay maidadaan sa payapang pamamaraan bagama't mayroong katotohanan rito.

Ngunit mahalaga na ating ugatin ang pinagmulan ng galit ng masa— dahil hindi lang ang pagnakaw sa pondo ng flood control project ang pinagmulan nito, ito ay maliit na parte lamang ng deka-dekadang pag-iral ng burukrata kapitalismo, pyudalismo at imperyalismo sa ating lipunan na siyang pinakaugat ng pagnanakaw, kariharapan, kawalan ng repormang agraryo, pangangamkam ng lupang ninuno ng mga katutubo at iba pa.

Malaking hamon sa ating mga kabataan na labanan at masig**ong hindi maibabaon sa limot ang mga nagdaang kaganapan at aral ng kasasaysayan ng sa gayon ay hindi na muling maulit o danasin pa ito ng mga susunod pang henerasyon.

Kaya ngayong ika-21 ng Setyembre, makikiisa ang Kabataan Partylist - Quezon City upang bahain ang lansangan ng protesta. Makiisa sa panawagang panagutin ang mga ganid at korap at ipaglaban ang ating demokratikong karapatan.

𝗦𝘂𝗺𝗮𝗹𝗶 𝘀𝗮 𝗞𝗮𝗯𝗮𝘁𝗮𝗮𝗻 𝗣𝗮𝗿𝘁𝘆𝗹𝗶𝘀𝘁 - 𝗤𝘂𝗲𝘇𝗼𝗻 𝗖𝗶𝘁𝘆!
🔗 bit.ly/JoinKabataanQC
🔗 bit.ly/JoinKabataanQC
🔗 bit.ly/JoinKabataanQC

12/09/2026

𝙆𝘼𝙎𝘼𝙍𝙄𝙉𝙇𝘼𝙉 𝙋𝘼𝙍𝘼 𝙎𝘼 𝙈𝘼𝙈𝘼𝙈𝘼𝙔𝘼𝙉, 𝙃𝙄𝙉𝘿𝙄 𝙎𝘼 𝘿𝘼𝙔𝙐𝙃𝘼𝙉!
𝙉𝙊 𝙏𝙊 𝙋𝘼𝙓 𝙎𝙄𝙇𝙄𝘾𝘼!

Noong Setyembre 11, 2026, nakibahagi ang Kabataan Partylist - Quezon City sa Kasarinlan Caravan kasama ang mga progresibong organisasyon mula sa Quezon City patungong Central Luzon.

Mula sa Quezon City, tumulak ang iba't ibang mga progresibong grupo sa Clark, Pampanga upang magsagawa ng kilos-protesta laban sa Pax Silica na malaking banta sa ating pambansang soberanya. Nagpatuloy ang caravan sa Capaz, Tarlac kung saan nagsagawa ng kilos-protesta at mga kultural na pagtatanghal mula sa mga progresibong organisasyong pangkultura.

Isang kasinungalingan ang sinasabing malaki ang magiging benepisyo ng mga mamamayan ng Pilipinas mula sa Pax Silica. Ang katotohanan ay makakamkam ang lupa, tirahan, kabuhayan, at karapatan ng maraming PIlipino habang yumayaman ang dayuhang kapital at ang imperyalismong Estados Unidos.

Kaisa ang Kabataan Partylist - Quezon City sa pagtutol sa Pax Silica at sa patuloy na pananawagan para sa pambansang industriyalisasyon, tunay na reporma sa lupa, at pambansang soberanya!

Mga kabataan sa Quezon City, tuloy-tuloy tayo sa sama-samang paglaban, gamitin ang ating boses para ipanawagan ang:
REJECT PAX SILICA!
NO TO PAX SILICA!
LUPA SA MAGSASAKA, HINDI SA PAX SILICA!

📣 Sumali sa Kabataan Partylist - Quezon CIty
🔗 bit.ly/JoinKabataanQC
🔗 bit.ly/JoinKabataanQC
🔗 bit.ly/JoinKabataanQC

26/08/2026

ANO ANG HALAGA NG PISO MO?

Sa darating na September 11, makikiisa ang Kabataan Partylist -Quezon City sa gaganaping Kasarinlan Caravan upang bitbitin ang panawagang tutulan ang Pax Silica. Mula sa Quezon City tayo ay tutungo sa lugar na nais tayuan ng Pax Silica – Capas, Tarlac. Ang gaganaping People’s Caravan ay pakikiisa sa panawang tutulan ang Pax Silica dahil sa banta nito pagdating sa paninirahan, trabaho, lupa, at batayang karapatan ng mga katutubong naninirahan dito.

Kayo ay aming inaanyayahang makiisa para ihayag ang mapanirang epektong dala ng Pax Silica hindi lamang sa mga katutubong naninirahan kung saan ito nais itayo, kung hindi pati rin sa malaking banta nito sa kalikasan at klima.

Ang bawat PISO na aming makakalap ay mahalagang ambag upang maipakita ang ating sama-samang pagtutol sa banta ng Pax Silica.

Maaaaring ipadala ang inyong tulong sa:
GCash:�09263650644�He****s C.

Sumali sa Kabataan Partylist - Quezon City
🔗 bit.ly/JoinKabataanQC
🔗 bit.ly/JoinKabataanQC
🔗 bit.ly/JoinKabataanQC

18/08/2026

𝙆𝘼𝙋𝘼𝙆𝘼𝙉𝘼𝙉 𝙉𝙂 𝙆𝘼𝘽𝘼𝙏𝘼𝘼𝙉, 𝙋𝘼𝙉𝘼𝙂𝙐𝙏𝘼𝙉 𝙉𝙂 𝙋𝘼𝙈𝘼𝙃𝘼𝙇𝘼𝘼𝙉!

Ang Kabataan Partylist ay masidhi na pinupuna ang Quezon City LGU sa mabagal nitong pag-deklara ng suspensyon ng klase dulot ng bagyo na nagresulta sa sunud-sunurang pag-uwi ng mga mag-aaral, mga g**o at iba pang mga kawani ng mga paraalan sa gitna ng rumaragasang ulan, ito ay nagresulta sa panganib at abala sa mga mag-aaral at g**o na kinailangang gumising nang maaga at makipagbuno sa masamang panahon dulot ng kapabayaan ng ating pamahalaan.

Taon-taon natin itong nararanasan ngunit hindi ito nangangahulugan na dapat nating gawing normal o ipagsawalang bahala ang mga ganitong pangyayari, ang mga pangyayaring ito ay maaaring maiwasan sa pamamagitan ng maagang pagdeklara ng suspensyon o sa pakikinig ng pamahalaan sa rekomendasyon ng mga eksperto sa pagsuri ng panahon. Mas nanaisin na nating ipagpaliban ang isang araw ng klase kaysa itaya ang kaligtasan ng ating mag-aaral at mga g**o.

Panghuli, ang malalang pagbaha sa ating mga komunidad ang syang paalala sa palpak na proyekto ng flood control ng ating gobyerno na nilaanan ng bilyon-bilyong badyet. Muli, tayo ay nanawagan na panagutin ang mga nangurakot sa pera ng taumbayan at mga iba pang sangkot sa likod nito.

Bilang Kabataan, tayo ay naniniwala na ang pagkatuto ay maaring makamtan ng hindi isinaalang-alang ang kaligtasan at kapakanan ng mga mag-aaral at ating ipagpatuloy ang laban para sa maayos at makataong sistemang pang-edukasyon na mapapakinabangan ng mga mag-aaral sa kasalukuyan pati na rin sa hinaharap.

28/07/2026

𝙎𝙊𝙉𝘼 𝙤 𝙎𝘼𝙉𝘼? 𝐒𝐎𝐍𝐀 𝐧𝐠 𝐁𝐚𝐲𝐚𝐧 𝟐𝟎𝟐𝟔

Nakiisa ang Kabataan Partylist - Quezon City sa malawak na kilos-protesta na isinagawa kahapon sa Commonwealth Avenue para sa SONA ng Bayan 2026! Kasama ang maraming hanay ng mamamayan–kabataan, manggagawa, magsasaka, at mamamayan, tayo ay nag martsa sa kahabaan ng Commonwealth upang ipaabot ang mga panawagang pagpapanagot sa rehimeng Marcos Jr.

Sa pagmamartsa, bitbit natin ang mga panawagang pagtaas ng sahod na nakabubuhay para sa mga manggagawa, lupa para sa mga magsasagaka, dekalidad na edukasyon, at ang pagtutol sa Pax Silica na may malaking banta para sa kalikasan at mamamayan ng ating bansa.

Ikinokondena rin ng Kabataan Partylist - Quezon City ang aksyon ng kapulisan sa mga tao. Matindi nitong ginipit ang mamamayan gawa ng maling pag-aresto sa iilang mga mamamayan at bilanggong pulitikal sa Feria 51. Patunay ito na takot ang administrasyong Marcos Jr. sa mga taong nagkakaisa upang ipanawagan ang ang hinain ng mga ito laban sa pasismo, kapabayaan, at pagpapakatuta sa imperyalistang Estados Unidos na may pinsalang dala sa mga tao gaya na lamang ng proyektong Pax Silica!

𝑺𝒖𝒎𝒂𝒍𝒊 𝒔𝒂 𝑲𝒂𝒃𝒂𝒕𝒂𝒂𝒏 𝑷𝒂𝒓𝒕𝒚𝒍𝒊𝒔𝒕 - 𝑸𝒖𝒆𝒛𝒐𝒏 𝑪𝒊𝒕𝒚
🔗 bit.ly/JoinKabataanQC
🔗 bit.ly/JoinKabataanQC
🔗 bit.ly/JoinKabataanQC

Address

Pasong Tamo
Quezon City

Website

facebook.com

Alerts

Be the first to know and let us send you an email when Kabataan Partylist Quezon City posts news and promotions. Your email address will not be used for any other purpose, and you can unsubscribe at any time.