12/11/2026
ریسکیو 1122 ایبٹ آباد
ڈسٹرکٹ ایمرجنسی آفیسر حفیظ رحمٰن سے اُن کے دفتر میں ڈی ایس پی موٹروے پولیس نسیم اور انسپکٹر موٹروے پولیس نے ملاقات کی۔ ملاقات کے دوران دونوں اداروں کے درمیان باہمی تعاون، روڈ ٹریفک حادثات میں بروقت ریسپانس، آگ سے بچاؤ اور ایمرجنسی صورتحال سے نمٹنے کے حوالے سے تفصیلی گفتگو کی گئی۔
اس موقع پر ریسکیو 1122 اور موٹروے پولیس کے درمیان مشترکہ فرضی مشقوں کے انعقاد پر بھی اتفاق کیا گیا تاکہ حادثات کی صورت میں فوری اور مؤثر امدادی کارروائیوں کو مزید بہتر بنایا جا سکے۔ دونوں اداروں کے افسران نے اس عزم کا اظہار کیا کہ شہریوں کی جان و مال کے تحفظ کے لیے ہر ممکن تعاون جاری رکھا جائے گا۔
ترجمان ریسکیو 1122 ایبٹ آباد