Village Council Saikot LG&RDD Karak

13/08/2026

29/07/2026

📢 عوامی اطلاع
دفتر ویلج کونسل سائیکوٹ

پاک صاف و شفاف خیبرپختونخواہ صفائی پروگرام کے تحت ویلج کونسل سائیکوٹ کے جینٹرز (خاکروب)شدید گرمی کے باوجود پوری محنت، لگن اور ذمہ داری کے ساتھ اپنی ڈیوٹی سرانجام دے رہے ہیں تاکہ ہمارا علاقہ صاف ستھرا اور خوبصورت رہے۔
صفائی ٹیم درج ذیل شیڈول کے مطابق کام کر رہی ہے:
🔹 پیر: زنگانہ سائیکوٹ،شوبلے بانڈہ، دوڑان بانڈہ اور شیخان بانڈہ
🔹 منگل: سائیکوٹ اور اس کے تمام ملحقہ علاقے
🔹 بدھ: مستن خیل سائیکوٹ
🔹 جمعرات: زڑہ گانڈی اور اس کے گرد و نواح کے علاقے
🔹 جمعہ: پلوسکی بانڈہ سے زنگانہ سائیکوٹ تک، تمام روڈ کے ساتھ نالیاں، خصوصاً سائیکوٹ مارکیٹس اور دکانوں کے سامنے صفائی
🔹 ہفتہ: ڈاگری بانڈہ، سپیروشہ احمد آباد،موسم خان کورونہ احمدآباد اور ڈگرے کورونہ پلوسکی بانڈہ
تمام معزز عوام سے گزارش ہے کہ صفائی عملے کے ساتھ اچھا اور باعزت رویہ اختیار کریں۔ اگر آپ کے علاقے کے نالیوں اور گلیوں میں کہیں گندگی موجود ہو یا صفائی کے حوالے سے کوئی کمی بیشی نظر آئے تو براہِ کرم اس مقام کی نام، لوکیشن اور تصویر واٹس ایپ نمبر 0344-9804737 پر ارسال کریں۔ آپ کی نشاندہی کو ہماری صفائی پلان میں شامل کرکے متعلقہ مقام کو جلد از جلد صاف کیا جائے گا۔
آج کے شیڈول کے مطابق صفائی کا کام مستن خیل سائیکوٹ میں جاری ہے۔
آئیں! مل کر اپنے گاؤں کو صاف، سرسبز اور مثالی بنائیں۔

زیرِ نگرانی:عمرریاض سیکرٹری ویلج کونسل سائیکوٹ محکمہ بلدیات ضلع کرک

06/07/2026

ویلج کونسل سائیکوٹ میں شدید آندھی اور طوفان سے بڑے پیمانے پر نقصانات
آج سہ پہر کے بعد آنے والی شدید آندھی اور طوفان نے ویلج کونسل سائیکوٹ کے مختلف علاقوں میں بڑے پیمانے پر تباہی مچائی۔ پلوسکی بانڈہ، زرہ گانڈی، سائیکوٹ بارات خیل، مستن خیل اور خونشا خیل سمیت متعدد مقامات پر مکانات، چار دیواریاں، درخت، جانور اور دیگر املاک متاثر ہوئیں۔
ابتدائی سروے کے مطابق سہیل مارکیٹ پلوسکی بانڈہ میں ایک متاثرہ خاندان کے 6 کمرے تقریباً 50 فیصد تباہ ہوئے جبکہ تقریباً 300 فٹ چار دیواری بھی منہدم ہو گئی۔ دوست علی سکنہ پلوسکی بانڈہ کے 2 کمرے مکمل جبکہ 2 جزوی طور پر متاثر ہوئے اور چار دیواری کو بھی نقصان پہنچا۔ اسی طرح عمر علی، سکنہ پلوسکی بانڈہ کی ایک گائے ہلاک ہو گئی، جبکہ زوجہ دوست علی کمرہ گرنے سے زخمی ہوئیں۔ دیگر علاقوں بصرائیل خان کی 3 بکریاں دیوار گرنے سے مرگئی اور متعدد گھروں کی چار دیواریاں گر گئیں اور مختلف نوعیت کے مالی نقصانات رپورٹ ہوئے۔
بطور چیئرمین ڈیزاسٹر مینجمنٹ ویلج/نیبرہڈ کونسل (DM VC/NC)، عمر ریاض، سیکرٹری ویلج کونسل سائیکوٹ نے فوری طور پر متاثرہ علاقوں کا دورہ کیا، نقصانات کا جائزہ لیا، متاثرہ خاندانوں سے ملاقات کی اور انہیں یقین دہانی کرائی کہ نقصانات کی تفصیلی رپورٹ بروقت متعلقہ ضلعی انتظامیہ اور اعلیٰ حکام کو ارسال کی جائے گی تاکہ متاثرین کو جلد از جلد ممکنہ امداد اور ریلیف فراہم کیا جا سکے۔
تصویری شواہد منسلک ہیں۔

17/06/2026

https://www.facebook.com/share/r/18pLzyb18a/

25/05/2026

اہم اعلان برائے صفائی مساجد و عیدگاہ

ویلج کونسل سائیکوٹ کے وہ تمام مساجد اور عیدگاہ جہاں نمازِ عید الاضحیٰ ادا کی جائے گی، انشاء اللہ ویلج کونسل سائیکوٹ کی "پاک صاف و شفاف خیبرپختونخواہ صفائی مہم کے اہلکار" زیرِ نگرانی سیکرٹری ویلج کونسل صفائی کے فرائض انجام دیں گے تاکہ عوام کو صاف ستھرا اور پاکیزہ ماحول میسر آسکے۔

اسی سلسلے میں آج مورخہ 25/05/2026 کو:• جامع مسجد سائکوٹ• جامع مسجد مستن خیل سائیکوٹ میں صفائی کا عمل مکمل کیا گیا۔

انشاء اللہ کل بھی ویلج کونسل کے باقی تمام مساجد ، جہاں نمازِ عید ادا کی جائے گی، صفائی مہم جاری رہے گی۔

اہلِ علاقہ سے گزارش ہے کہ صفائی برقرار رکھنے میں عملے کے ساتھ تعاون کریں۔

منجانب:عمر ریاض سیکرٹری ویلج کونسل سائیکوٹ محکمہ بلدیات ودیہی ترقی ضلع کرک

15/05/2026

For Eid Ul Adha 2026 "Cleanliness Compgain "