Hon Mohamed Mursal Mohamed

Home
Somalia
Garoowe
Hon Mohamed Mursal Mohamed

Directions Website

This my Official page, as Member of Puntland Parliament, serving on the Security and Peace Committee - Hon Mohamed Mursal Mohamed

04/11/2026

Guusha Soomaalida waa sharaf iyo horumar ay wadaagaan dhammaan ummadda Soomaaliyeed.

Waxaan bogaadin iyo hambalyo u dirayaa dhammaan Soomaalida guulaha muuqda ka gaadhaysa goleyaasha sharci-dejinta iyo hoggaaminta siyaasadeed ee caalamka.

Guulahaasi waxay astaan u yihiin kartida, aqoonta iyo dadaalka bulshada Soomaaliyeed, waxayna dhiirrigelin u yihiin jiilka soo koraya, si ay uga dhex muuqdaan fagaarayaasha go’aan-qaadashada adduunka.

Doorashooyinkuna waa saldhigga dimuqraadiyadda, waxaana lama huraan ah in la dhowro rabitaanka shacabka, sinnaanta muwaadiniinta iyo xuquuqda aadanaha, lagana fogaado takoorka ku salaysan midabka, diinta ama asalka qofka.

Soomaalidu waxay leedahay karti, aqoon iyo awood ay kaga mid noqon karto hoggaaminta dunida.

Hon Mohamed Mursal Mohamed

03/11/2026

𝐆𝐚𝐫𝐨𝐨𝐰𝐞, 3 𝐍𝐨𝐯𝐞𝐦𝐛𝐞𝐫 2026

Waxaan maanta qayb ka ahaa Fadhiga 8-aad ee Kalfadhiga 59-aad ee Golaha Wakiillada Dowladda Puntland, kaas oo ajandihiisu ahaa la-xisaabtanka Xukuumadda.

Fadhiga maanta waxaa Golaha hortimid Wasaaradaha Caafimaadka iyo Arrimaha Gudaha, Federaalka iyo Dimuqraadiyadda Dowladda Puntland, si ay Golaha uga horjeediyaan warbixinnada iyo waxqabadka wasaaradahooda.

La-xisaabtanka iyo korjoogtaynta hay’adaha Xukuumaddu waa qayb muhiim ah oo ka mid ah waajibaadka dastuuriga ah ee Golaha Wakiillada.

Hon Mohamed Mursal Mohamed

01/11/2026

𝐆𝐚𝐫𝐨𝐨𝐰𝐞, 1 𝐍𝐨𝐯𝐞𝐦𝐛𝐞𝐫 2026 – Waxaan maanta qayb ka ahaa Fadhiga 6-aad ee Kalfadhiga 59-aad ee Golaha Wakiillada Dowladda Puntland.

Ajandaha kulanka ayaa ahaa la-xisaabtanka Xukuumadda, waxaana Golaha hortimid Wasaaradda Cadaaladda iyo Arrimaha Diinta Dowladda Puntland iyo Taliska Ciidamada Asluubta Puntland, kuwaas oo Golaha ka horjeediyey warbixinno la xiriira waajibaadka iyo hawlaha ay hayaan.

Kulanku wuxuu qayb ka yahay gudashada waajibaadka dastuuriga ah ee Golaha Wakiillada, gaar ahaan kormeerka iyo la-xisaabtanka hay’adaha Xukuumadda.

Hon Mohamed Mursal Mohamed

01/11/2026

إنا لله وإنا إليه راجعون.

Alle ha u naxariisto Marxuum Caaqil Cabdirisaaq Jaamac Cabdille, oo ahaa xildhibaan h**e oo ka tirsanaa Golaha Wakiillada Dowladda Puntland. Alle ha ka waraabiyo Jannatul Firdowsa.

Waxaan tacsi tiiraanyo leh u dirayaa carruurtiisii, qoyskiisii, ehelkiisii, qaraabadiisii iyo guud ahaan reer Jaamac Cabdille.

Waxaan Alle uga baryayaa inuu Marxuumka ku mannaysto naxariistiisa, dambigiisana dhaafo, dhammaan eheladii iyo qaraabadii uu ka baxayna ka siiyo samir iyo iimaan.

Aamiin, Aamiin.

Hon Mohamed Mursal Mohamed

29/10/2026

𝐆𝐚𝐫𝐨𝐨𝐰𝐞, 29 𝐎𝐤𝐭𝐨𝐨𝐛𝐚𝐫 2026

Maanta waxaan ka qayb galay fadhiga 5-aad ee Kalfadhiga 59-aad ee Golaha Wakiillada Dowladda Puntland.

Anigoo ah xubin ka tirsan Guddiga Amniga iyo Nabadgelyada, waxaan xildhibaannada kale ee guddiga kala qayb qaatay soo bandhigidda warbixinta guddiga ee ku saabsan xaaladda amniga iyo nabadgelyada Puntland.

Sidoo kale, warbixinnadooda waxaa Golaha ku soo bandhigay guddiyada kala ah:

1. Guddiga Arrimaha Bulshada, Dhaqanka, Warfaafinta iyo Isgaarsiinta.
2. Guddiga Maaliyadda, Dhaqaalaha iyo Xisaabaadka.

Hon Mohamed Mursal Mohamed

28/10/2026

𝐆𝐚𝐫𝐨𝐨𝐰𝐞, 28 𝐎𝐤𝐭𝐨𝐨𝐛𝐚𝐫 2026

Waxaan maanta qayb ka ahaa Fadhiga 4-aad ee Kalfadhiga 59-aad ee Golaha Wakiillada Dowladda Puntland, kaas oo ajandihiisu ahaa sii wadidda dhageysiga warbixinnada guddiyada Golaha.

Guddiyada maanta warbixinnadooda Golaha la wadaagay waxaa ka mid ahaa:

1. Guddiga Xuquuqda Aadanaha, Haweenka iyo Arrimaha Qoyska.

2. Guddiga Arrimaha Deegaanka iyo Khayraadka Dabiiciga ah.

3. Guddiga Arrimaha Gudaha, Federaalka iyo Dimuqraadiyadda.

4. Guddiga Hawlaha Guud, Gaadiidka, Ganacsiga iyo Kaabayaasha Dhaqaalaha.

Hon Mohamed Mursal Mohamed

26/10/2026

𝐆𝐚𝐫𝐨𝐨𝐰𝐞, 𝟐𝟔 𝐎𝐤𝐭𝐨𝐨𝐛𝐚𝐫 𝟐𝟎𝟐𝟔

Waxaan maanta qayb ka ahaa fadhiga 2-aad ee Kalfadhiga 59-aad ee Golaha Wakiillada Dowladda Puntland, kaas oo looga dooday laguna ansixiyay Ajandaha rasmiga ah ee Kalfadhiga, iyadoo la raacayo Qodobka 42-aad ee Xeer-hoosaadka Golaha.

Ansixinta ajanduhu waxay gogol-xaar u tahay guda-galka hawlaha iyo waajibaadka sharci-dejineed ee Golaha.

Hon Mohamed Mursal Mohamed

26/10/2026

25/10/2026

Waxaa Maanta qayb ka ahaa furitaanka Kalfadhiga 59-aad ee Golaha Wakiillada Dowladda Puntland, kaas oo uu furay Madaxweynaha Dowladda Puntland, Mudane H.E Said Abdullahi Deni

Waxaan rajaynayaa in kalfadhigu ku soo dhammaado natiijooyin wax ku ool ah oo dan u ah shacabka iyo dowladnimada Puntland.

Hon Mohamed Mursal Mohamed

20/10/2026

CAMBAAREYNTA XARIGGA MUWAADIN KAYSE MAXAMED QAYOOF

Waxaan si adag u cambaareynayaa xarigga muwaadin Kayse Miraaf, oo la sheegay in muddo ka badan toddobaad loogu xiray qoraallo uu ka qoray Madaxweyne-ku-xigeenka Puntland, Ilyaas Cismaan Lugatoor.

Qodobka 14aad iyo Qodobka 19aad ee Dastuurka Puntland waxay saldhig u yihiin ilaalinta xorriyadda fikirka iyo madaxbannaanida qofka.

Waxaan hay’adaha amniga Puntland ugu baaqayaa inay sharciga ilaaliyaan, caddeeyaan sababta sharci ee xarigga, lana sii daayo muwaadinka haddii aanay jirin sabab sharci ah oo lagu hayo.

Dhallil laguma cabburiyo xarig, awoodna dastuurka k**a sarreyso. Sharcigu qof walba ayuu ka sarreeyaa!

Hon Mohamed Mursal Mohamed

Address

Garoowe

Website

https://puntlandparliament.com/hon-mp-mohamed-mursal-mohamed/

Alerts

Be the first to know and let us send you an email when Hon Mohamed Mursal Mohamed posts news and promotions. Your email address will not be used for any other purpose, and you can unsubscribe at any time.