Somali Embassy in Berlin- Germany

Ciid Wanaagsan.

Muqdisho | 26 May 2026

Wasaaradda Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya waxay hambalyo iyo bogaadin diirran u diraysaa shacabka Soomaaliyeed gudaha iyo dibadda, iyo dhammaan ummadda Muslimiinta ah ee caalamka munaasabadda barakeysan ee Ciidul-Adxaa awgeed.

Iyadoo la xusayo munaasabaddan qiimaha weyn leh ee astaan u ah allabari, naxariis, iyo midnimo, waxaan u rajaynaynaa in Ciiddu ay nabad u horseeddo bulshadeenna Soomaaliyeed, isla markaana farxad noqoto qoysaskeenna, sidoo kalana dib u soo nooleeyso rajada mustaqbal.

Ilaahay ha ka dhigo Ciiddaan mid bulshadeena isku garab istaagto, sidoo kale alle ha ka yeelo mi wadata, deeqsinimo, iyo wada noolaansho wanaagsan oo dhex mara dalalka iyo shucuubta caalamka.

Ciid Mubaarak.

Wixii faahfaahin dheeraad ah kala xiriir:
Mohamed Mahmud Allaale
Waaxda Warbaahinta Wasaaradda Arrimaha Dibadda iyo Iskaashiga Caalamiga ah Jamhuuriyadda Federaalka Soomaaliya.
Email: [email protected]
Twitter:
Bogga Af-Ingiriska: Ministry of Foreign Affairs of Somalia

𝐖𝐀𝐑𝐆𝐄𝐋𝐈𝐍 𝐅𝐀𝐒𝐀𝐗

𝐒𝐚𝐟𝐚𝐚𝐫𝐚𝐝𝐝𝐚 𝐉𝐅 𝐒𝐨𝐨𝐦𝐚𝐚𝐥𝐢𝐲𝐚 𝐞𝐞 𝐁𝐞𝐫𝐥𝐢𝐧-𝐉𝐚𝐫𝐦𝐚𝐥𝐤𝐚, waxay ugu hambalyeynaysaa dhammaan Jaaliyadda Soomaaliyeed 𝐦𝐚𝐚𝐥𝐦𝐚𝐡𝐚 𝐂𝐢𝐢𝐝 𝐀𝐥 𝐀𝐝𝐱𝐚.

𝐒𝐢𝐝𝐨𝐨 𝐤𝐚𝐥𝐞 𝐬𝐚𝐟𝐚𝐚𝐫𝐚𝐝𝐝𝐮 waxay ku wargellinaysaa dhammaan Jaaliyadda Soomaaliyeed, inay safaaraddu xiran tahay 𝐦𝐚𝐚𝐥𝐦𝐚𝐡𝐚 𝐈𝐬𝐧𝐢𝐢𝐧𝐭𝐚 illaa 𝐉𝐢𝐦𝐚𝐜𝐚𝐡𝐚 ee 𝟐𝟓 Illaa 𝟐𝟗 𝐌𝐚𝐚𝐣𝐨 𝟐𝟎𝟐𝟔, fasaxaas oo isugu jira fasax guud ee 𝐝𝐚𝐥𝐤𝐚 𝐉𝐚𝐫𝐦𝐚𝐥𝐤𝐚 iyo 𝐅𝐚𝐬𝐚𝐱𝐚 𝐂𝐢𝐢𝐝𝐮𝐥 𝐀𝐝𝐱𝐚.

Safaaraddu waxay shaqada dib u bilaabi doontaa 𝐦𝐚𝐚𝐥𝐢𝐧𝐭𝐚 𝐈𝐬𝐧𝐢𝐢𝐧𝐭𝐚 ee 𝟎𝟏.𝟎𝟔.𝟐𝟎𝟐𝟔.

𝐌𝐚𝐡𝐚𝐝𝐬𝐚𝐧𝐢𝐝𝐢𝐢𝐧.

On 13 May 2026, Somalia’s Ambassador to the Federal Republic of Germany H.E. AbdiAsis Mohamed officially presented credentials to His Excellency Zoran Milanović, President of the Republic of Croatia as non - resident Ambassador to the Republic of Croatia. Marking a historic first in diplomatic relations between the two nations. This milestone opens a new chapter of cooperation, friendship, and partnership, strengthening ties between Somalia🇸🇴 and Croatia 🇭🇷 through diplomacy and mutual respect.

𝟑 𝐌𝐚𝐚𝐣𝐨 𝟐𝟎𝟐𝟔, Danjiraha JFS ee Jarmalka ahna Danjiraha aan deggeneyn ee Soomaaliya u qaabilsan Poland Danjire 𝐀𝐛𝐝𝐢𝐀𝐬𝐢𝐬 𝐌𝐨𝐡𝐚𝐦𝐞𝐝 𝐌𝐨𝐡𝐚𝐦𝐮𝐝 𝐅𝐚𝐫𝐚𝐛𝐚𝐝𝐚𝐧𝐞 ayaa ka qayb galay dabaaldegga Maalinta Qaranka Dastuutka Poland 1791, laguna qabtay Fagaaraha Qasriga (Castle Square).
Danjiraha ayaa sidoo kale qeyb ka ahaa soo dhawayn ay fidiyeen Madaxweynaha Jamhuuriyadda Poland iyo Marwada Koowaad oo ka dhacday Beerta Qasriga Madaxweynaha oo loogu talagalay Danjirayaasha.

Hambalyadda Dabaal-degga Maalinta Shaqaalaha Aduunka ee Wasaaradda Arrimaha Dibadda.

1-da May 2026, Muqdisho.
Munaasabadda Maalinta Caalamiga ah ee Shaqaalaha awgeed, Wasaaradda Arrimaha Dibadda iyo Iskaashiga Caalamiga ah ee Jamhuuriyadda Federaalka Soomaaliya waxay hambalyo iyo bogaadin u direysaa dhammaan shaqaalaheeda iyo diblomaasiyiinta Soomaaliyeed ee ka hawlgala daafaha caalamka, iyadoo qaddarinaysa dadaalkooda iyo adeegga muhiimka ah ay u hayaan qaranka Soomaaliyeed.

Wasaaraddu waxay si gaar ah u xusaysaa kaalinta muhiimka ah ee ay ku leeyihiin matalaadda dalka ee goleyaasha iyo ururrada caalamiga ah sida Golaha Ammaanka ee Qaramada Midoobay, Bulshada Bariga Afrika, Ururka Iskaashiga Islaamka, IGAD, Midowga Afrika, iyo dhammaan fagaarayaasha kale ee caalamiga ah ee Qaranka Soomaaliyeed lagu metelo, taas oo muujinaysa xirfada aqooneyd, daacadnimo iyo joogitaan caalami ah oo sii kobcaya.

Wasiirka Wasaaradda Arrimaha Dibadda iyo Iskaashiga Caalamiga Mudane Abdisalam Ali iyo Madaxda Wasaaradda oo wada jira waxay hambalyo iyo bogaadin u dirayaan mas’uuliyiinta Wasaaradda, diblomaasiyiinta, iyo dhamaan shaqaalaha dowladda ee Jamhuuriyadda Federaalka Soomaaliya, iyagoo ku dhiirrigelinaya inay sii wadaan adeeggooda iyo kaalintooda ku aaddan horumarka Dalka iyo Danaha Qaranka.

Wixii faahfaahin dheeraad ah kala xiriir:
Mohamed Mahmud AllaaleWaaxda Warbaahinta
Wasaaradda Arrimaha Dibadda iyo Iskaashiga Caalamiga ah
Jamhuuriyadda Federaalka Soomaaliya
Email: [email protected]
Twitter:
Bogga Af-Ingiriska: Ministry of Foreign Affairs of Somalia