Xafiiska Warfaafinta Deegaanka Somalida

Home
Ethiopia
Jijiga
Xafiiska Warfaafinta Deegaanka Somalida

Call Directions Website Contact the organization

Kani waa Bogga Rasmiga ah ee Xafiiska Warfaafinta Dowladda Deegaanka Soomaalida.
(1)

09/11/2026

Wasaaradda istaraatiijiyadda Qaran ee JDFI ayaa soo bandhigtay ujeedada 17-ka habraac ee Hirgelinta Adeegga shacabka iyo Hadafka dib-u-habaynta Adeegyada

Wasiiru dowladaha Wasaaradda istaraatiijiyadda Qaran ee JDFI Dr. Seyoum Mekonnen, ayaa sheegay in 17-ka Habraac loo diyaariyay in si guul leh loo hirgeliyo dib-u-habaynta maamulka iyo adeegga dowlada islamarkaana ay door muhiim ah ka qaadanayaan xoojinta awoodda hay'adaha dowladda iyo xaqiijinta qanaca muwaadiniinta.

Wasiiru dowladaha ayaa oo kahadlay madal heer qaran ah oo looga arrinsanayey Habraacyada meel marinta Bayaanka shaqaalaha Dowladda ee Tlr 1353/2017 ayaa xusay in dib-u-habaynta cusub ee adeegga shacabku ay tahay istaraatiijiyad qaran oo kusalaysan hantida, taariikhda, dhaqanka, iyo qiyamka suuban ee jiilalka dalka soo mareen, si loo dhiso Itoobiya xoogan, midnimadeedu sugan tahay, wax-soosaar leh, isla markaana hoggaaminteeda qaaradda Afrika adkaysata 25-ka sano ee soo socota.

Dr. Seyoum ayaa tilmaamay in inkasta oo dib-u-habaynada kala duwan iyo horumarinta habraacyada saktarka adeegga shacabka Itoobiya laga sameeyey 100-kii sano ee la soo dhaafay , ay natiijooyin badan oo togan keeneen, haddana ay weli jiraan shaqooyin badan oo u baahan in laga qabto dhinaca ka jawaabidda baahiyaha iyo qanaca muwaadiniinta.

Sidookale masuulka ayaa xusay in ujeedada ugu weyn ee dib-u-habaynta adeeg bixinta shacabku, ay tahay in hay'adaha lagu maamulo sharci iyo nidaam casri ah, isla markaana ay muwaadiniintu helaan adeeg hufan oo aan dhibaato iyo dib-u-dhac lahayn.

Wasiiru dowladaha Wasaaradda Istaraatiijiyadda Qaran ee JDFI Dr. Seyoum Mekonnen, ayaa cadeeyey in dib-u-habayntu ayna xadaynayn masuuliyadda iyo ka go'naanshaa hay’adaha oo keliya, balse ay u baahan tahay in dhammaan shaqaalaha dowladda laga qaybgeliyo, lana dareensiiyo lahaansho iyo inay milkiile ka yihiin geedisocodka isbeddelka, isagoo carabka ku adkeeyay inay muhiim tahay in habraacyada dib uhabaynta la waafajiyo awaamiirta, siyaasadaha iyo istaraatiijiyadaha, himilooyinka iyo yoolasha istaraatiijiyadeed ee Wadajirka (Medemer).

Xafiiska Warfaafinta Deegaanka Somalida
Wixii Faahfaahin mdheeraad ah, booqo
‎👇
‎https://linktr.ee/Warfaafinta

08/11/2026

Xafiiska Warfaafinta DDS oo kulan la yeeshay bahda Warbaahinta DDS.
‎
‎kulan looga hadlayay sidii loo xoojin lahaa doorka warbaahinta ee qaabeynta waaqica dhabta ah ee deegaanka isla markaana loo horumarin lahaa doorka dhallinyarada hibada iyo hal-abuurka gaarka ah leh ee Warbaahinta ayaa ka ka qabsoomay xarunta deegaanka ee magaalada Jigjiga.
‎
‎Kulankan oo uu soo agaasimay Xafiiska Warfaafinta Dawlad Deegaanka Soomaalida ayaa waxaa ka qaybgalay Wasiirka Xafiiska Warfaafinta DDS, Mudane. Cabdi Axmed Xasan Ph.D, iyo wasir kuxigenka Mudane. Maxamed Khaliif Ibrahim
‎
‎Wasiirka Xafiiska Warfaafinta DDS, Dr. Cabdi Axmed Xasan oo kulankani furay ayaa sheegay in warbaahintu ay door weyn ka qaadato wacyigelinta bulshada, faafinta xogaha saxda ah, dhiirrigelinta hal-abuurka iyo soo bandhigidda waxqabadyo wax-ku-ool ah, Ayan muhiim tahay in loo adeegsado sida ugu habboon iyada oo laraacayo shuruucda saxaafada ee caalamiga ah iyo ta dalkaba.
‎
‎Mudane Cabdi Axmed Xasan, Wasiirka Xafiiska Warfaafinta DDS ayaa bahda Warbaahinta kula dar-daarmay in ay si masuuliyad ku dheehan tahay uga faa'iidaystaan fursadaha tiknoolajiyadda iyo baraha bulshada .
‎
‎Ujeeddada kulankan ayaa ahaa in la kobciyo awoodda iyo hal-abuurka dhallinyarada adeegsata ee dhinaca warbaahinta, lana dhiirrigeliyo kaalinta muuqata ee Warbaahintu ka qaadaneyso gudbinta sheekooyinka, dhaqanka, horumarka iyo sumcadda Deegaanka Soomaalida.
‎
‎Wixii macluumaad dheeraad ah, booqo
‎👇
‎https://linktr.ee/Warfaafinta
Xafiiska Warfaafinta Deegaanka Somalida
Somali Regional State Communication Bureau

08/11/2026

Jigjiga— Mudane Axmed Shide, Afhayeenka Golaha Baarlamaanka JDFI, ayaa lagu soo dhaweeyay garoonka diyaaradaha Garaad Wiil-waal.

Madaxweynaha DDS, Mudane Mustafe Muxummed Cumar, iyo masuuliyiin kale oo heer deegaan ah ayaa Garoonka Diyaaradaha Garaad Wiil-Waal ee magaalada Jigjiga ku soo dhaweeyay wafdi uu hoggaaminayo Afhayeenka Golaha Baarlamaanka JDFI, Mudane Axmed Shide.

Xafiiska Warfaafinta Deegaanka Somalida
Somali Regional State Communication Bureau

07/11/2026

‎Xisbiga Barwaaqo ayaa loo doortay hoggaaminta Hindisaha Xisbiyada Siyaasadeed ee Afrika (APPI).
‎
‎Shirka labaad ee Xisbiyada Siyaasadeed ee Afrika oo kasocda Xarunta Xusuusta Guushii Adwa, kaasoo hal-ku-dheggiisu yahay "Hoggaaminta Koboca: Xisbiyada Siyaasadeed waa Naqshadeeyayaasha Mustaqbalka Dhaqaale ee Afrika" ayaa Xisbiga Barwaaqo (Prosperity Party) loogu doortay inuu hoggaamiyo Hindisaha Xisbiyada Siyaasadeed ee Afrika (APPI).
‎
‎Arrintan ayaa lagu tilmaamay tallaabo muhiim ah oo muujinaysa ka-qaybgalka qaaradeed iyo aqoonsiga uu xisbigu ku leeyahay Afrika.
‎
‎Wixii macluumaad dheeraad ah, booqo
‎👇
‎https://linktr.ee/Warfaafinta
Xafiiska Warfaafinta Deegaanka Somalida

05/11/2026

Shirwaynihii labaad ee xisbiyada siyaasada Afrika oo ka furmay magaalada Addis Ababa.

Waxaa magaalada Addis Ababa ka furmay shirwaynihii labaad ee xisbiyada siyaasadda Afrika, kaas oo ay ka soo qaybgaleen wakiillo ka kala socda dalal kala duwan oo qaaradda Afrika ah. Shirkan oo qayb ka ah dadaallada lagu xoojinayo iskaashiga iyo horumarka qaaradda Afrika ayaa diiradda lagu saarayaa doorka dhalinyarada iyo haweenka ee hogaaminta siyaasadda, ka qaybgalka go’aan qaadashada iyo horumarinta dalalka Afrika.

Intii uu socday kulanku, wasiirka dhalinyarada iyo ciyaaraha Itoobya Dr. Aklilu Tadese oo khudbad ka jeediyay furitaanka madasha ayaa sheegay in dhalinyaradu door muhiim ah ku leedahay dhismaha horumarinta qaaradda, waxa uu carrabka ku adkeeyay baahida loo qabo in dhalinyarada la siiyo fursado ay kaga qaybqaataan dajinta siyaasadda iyo hogaaminta hay’adaha dawladda.

Wasiirku waxa uu iftiimiyay in ka badan 60% bulshada Afrika ay da’doodu ka yar tahay 25 jir, taas oo muujinaysa muhiimadda ay dhalinyaradu u leedahay mustaqbalka qaaradda. Waxa uu intaas raaciyay in dhalinyaradu muhiim u tahay nabadda, hal-abuurka ganacsiga iyo horumarinta dhaqaalaha.

Waxa kale oo uu sheegay in Itoobiya dadaal ugu jirto sidii dhalinyarada loogu abuuri lahaa fursado ay kaga qaybqaataan hogaaminta dalka, isaga oo sheegay in dhalinyaro badan ay hadda xilal kala duwan ka hayaan heerarka kala duwan ee hogaaminta dawladda.

Dhanka kale, waxa dhalinyarada Afrika loogu baaqay in aanay ku koobnaan ka qaybgalka doorashooyinka iyo cod bixinta balse ay qayb ka noqdaan dajinta siyaasadda, go’aannada iyo hogaaminta dawlada. Wasiirka ayaa sheegay in awoodda iyo kartida dhalinyaradu saldhig u tahay awoodda iyo horumarka Afrika, isaga oo ku nuuxnuuxsaday in maalgalinta dhalinyaradu u tahay dhismaha mustaqbalka qaaradda.

Shirkan ayaa la filayaa in uu noqdo shir ay hogaamiyayaasha siyaasadda Afrika kaga wada hadlaan xoojinta ka qaybgalka haweenka iyo dhalinyarada ee dhanka siyaasadda iyo sidii ay door muuqda uga qaadan lahaayeen hogaaminta.

03/11/2026

MAGACAABIS CUSUB.

Xafiiska Madaxwaynaha DDS ayaa maanta magacaabay Hogaaminta Gobolka .

03/11/2026

MAGACAABIS CUSUB :

Xafiiska Madaxwaynaha DDS ayaa maanta magacaabay Hogaaminta cusub ee Gobolka iyo Gobolka .

03/11/2026

Madaxweynaha DDS, Mudane Mustafe Muxummed Cumar, iyo Afhayeenka Golaha Xildhibaannada DDS, Mudane Mubashir Dibad Raage, ayaa ka qaybgalay daahfurka tababar loo qabtay Guddiga Joogtada ah ee Golaha Xildhibaannada DDS.

Tababarkan ayaa diiradda lagu saarayaa dib-u-milicsiga xaaladda siyaasadeed, amni iyo horumarineed ee deegaanka; sooyaalkii taariikheed ee xildhibaannada DDS; kaalinta hoggaamineed ee xildhibaannadu ku leeyihiin dawladnimada, horumarka iyo maamul-wanaagga; iyo jihada shanta sano ee soo socota.

31/10/2026

iyo Shucuubta dalka itoobiya

Shalay oo ku beegneyd 20 Bisha Dirir/Tiqimt 2019 Waxaa xarunta deegaanka ee magaalada Jigjiga si rasmi ah loogu daah-furay udiyaar garowga xuska 21aad ee Maalinta Qoomiyada iyo shucuubta dalka oo ku beegan 29-ka bisha Gudbay/ Hidaar 2019.
‎
‎Xuskan oo sanadkan lagu qabanayo magaalada Jimma ee deegaanka Oromada ayaa halku dhigil looga dhigay "Hodantinimada kala-duwanaanshaneena iyo Asalka wadatashigu waa ilbaxnimada Itoobiya".iyadoo guud ahaan deegaanada dalka laga qaban doonaa munaasabado hordhac u ah xuska Maalinta heerka qaran
‎
‎Wixii macluumaad dheeraad ah, booqo
‎👇
‎https://linktr.ee/Warfaafinta
Xafiiska Warfaafinta Deegaanka Somalida

30/10/2026

MAGACAABIS CUSUB : Hogaaminta Gobolka .

Xafiiska Madaxwaynaha DDS ayaa maanta magacaabay Hogaaminta cusub ee Gobolka Jarar.

Address

In Front Of Sultan Hassan Yabare Referral Hospital, 300M Right Side Of The Main High Way
Jijiga

Telephone

+251252780790

Website

https://www.somalicommunication.gov.et/

Alerts

Be the first to know and let us send you an email when Xafiiska Warfaafinta Deegaanka Somalida posts news and promotions. Your email address will not be used for any other purpose, and you can unsubscribe at any time.