Xafiiska Horumarinta Xoolo-dhaqatada DDS

Home
Ethiopia
Jijiga
Xafiiska Horumarinta Xoolo-dhaqatada DDS

Call Directions Website Contact the organization

create competitive market-led modern livestock and livestock production system and poverty-free society in the region/Country

30/10/2026

Tababar ku saabsan casriyeynta wax-soo-saarka iyo suuq-geynta calafka xoolaha oo Godey lagu qabtay

Xafiiska Horumarinta Xoolo-dhaqatada DDS oo kaashanaya Mashruuca EU-RESTORE ee Midowga Yurub ayaa magaalada Godey tababar ku saabsan casriyeynta hannaanka wax-soo-saarka iyo suuq-geynta calafka xoolaha ugu qabtay iskaashatooyinka iyo khabiirada calafka xoolaha ee siddeed degmo oo ka tirsan gobollada Afdheer, Shabeelle, Erer iyo Liibaan.

Tababarkan ayaa ujeeddadiisu ahayd kobcinta aqoonta iyo xirfadaha iskaashatooyinka, gaar ahaan haweenka iyo dhallinyarada, ee dhinacyada tabcashada iyo suuq-geynta calafka xoolaha, si ay ugu noqoto fursad shaqo-abuur iyo dakhli-abuur.

Horumarinta wax-soo-saarka calafka xoolaha ayaa door muhiim ah ka qaadanaysa yaraynta calaf-yaraanta, kor u qaadista helitaanka quudinta xoolaha iyo sugnaanta cuntada ee bulshada xoolo-dhaqatada ah, wuxuuna tababarkani ka saacidayaa iskaashatooyinka soo saarista calafka loo baahan yahay.

Xafiiska Horumarinta Xoolo-dhaqatada DDS

24/10/2026

Xafiiska Horumarinta Xoolo-dhaqatada DDS ayaa qaar ka mid ah degmooyinka Gobolka Sitti ee ay saameeyeen xaaladaha cimilada gaadhsiiyay calafka xoolaha ee nafaqaysan (Concentrate Feed).

Iyadoo laga duulayo natiijada daraasad lagu sameeyay saamaynta roob-yaraanta iyo sida ay u saamaysay daaqa xoolaha, xafiisku wuxuu qorsheeyay in 5,000 oo kiintal oo calaf ah la gaarsiiyo lix degmo oo ka tirsan Gobolka Sitti.

Sidoo kale, xafiisku wuxuu Gobolka ka wadaa olole lagu daweynayo cudurrada xoolaha, kaas oo ka socda degmooyinka Shinile, Erer, Deymed, Gablalu iyo Dhunyar, si loo yareeyo saamaynta xaaladaha cimilada ku yeesheen xoolaha.

Xafiiska Horumarinta Xoolo-dhaqatada DDS

20/10/2026

Xafiiska Horumarinta Xoolo-dhaqatada DDS oo kaashanaya Mashruuca EU-RESTORE ee uu maalgeliyo Midowga Yurub, ayaa agab caafimaad oo casri ah, dawooyin iyo mootooyin ku wareejiyay 14 degmo oo ku kala yaalla gobollada Fafan, Jarar, Erer, Siti, Shabeelle, Af-dheer iyo Libaan.

Agabkan oo ku kacaya in ka badan 80 milyan oo birr ayaa loogu talagalay in lagu qalabeeyo 14 xarumood oo caafimaadka xoolaha ah, iyadoo mootooyinkuna ay fududaynayaan in adeegyada caafimaadka xoolaha loo gaadhsiiyo bulshada ku nool deegaannada miyiga iyo goobaha fogfog.

Tallaabadan ayaa la filayaa inay xoojiso adeegyada caafimaadka xoolaha, yarayso khasaaraha ka dhasha cudurrada iyo abaarta, isla markaana kor u qaaddo wax-soo-saarka iyo nolol-maalmeedka bulshada xoolo-dhaqatada ah.

Masuuliyiinta iyo xirfadlayaasha caafimaadka xoolaha ayaa lagu adkeeyay in agabka loo adeegsado si hufan oo masuuliyad leh, si uu door muuqda uga qaato dib-u-soo-celinta adeegyada aasaasiga ah ee deegaannada ay abaaruhu saameeyeen.

Xafiiska Horumarinta Xoolo-dhaqatada DDS

17/10/2026

Wasiir Ku-xigeenka cusub ee Xafiiska Horumarinta Xoolo-dhaqatada DDS, Marwo Farxiya Maxamed Cabdiqaadir, ayaa xilka kala wareegtay Wasiir Ku-xigeenkii h**e, Mudane Maxamed Nuur Gaade oo isna loo magacaabay wasiir ku-xigeenka Xafiiska waxbarashada.

Munaasabadda xil-wareejinta oo ka dhacday gudaha Xafiiska ayaa waxaa goob-joog ka ahaa Waaxda Hantidhawrka Gudaha ee Xafiiska iyo qaar kamid ah agaasinada Xafiiska.

Xafiiska Horumarinta Xoolo-dhaqatada DDS

16/10/2026

Marwo Warsan Cawil Muxumed ayuu Madaxwaynaha DDS, u magacaabay Wasiir Kuxigeenka Xafiiska Horumarinta Xoolo-dhaqatada DDS.

Allaha Ku asturo Xilka culus ee loo magacaabay.

16/10/2026

Hanbalyo Marwo Farxiya Maxamed Cabdiqaadir oo Madaxwaynaha Deegaanku u magacaabay Wasiir Kuxigeenka Xafiiska Horumarinta Xoolo-dhaqatada DDS.

Allaha ku asturo xilka Culus ee loo magacaabay.

15/10/2026

Hanbalyo, DR.Maxamed Gacal oo Madaxwaynaha deegaanku u Magacaabay inuu sii ahaado, Wasiir Kuxigeenka Xafiiska.

Allaha ku Asuro Xilka iyo Waajibaadka loo igmaday.

15/10/2026

Wasiirka Xafiiska Horumarinta Xoolo-dhaqatada DDS ayaa kormeeray mashaariicda horumarineed ee xafiisku ka wado aagga Jigjiga.

Wasiirka Xafiiska Horumarinta Xoolo-dhaqatada DDS Mudane Ibraahim Xasan Cali oo uu weheliyo Wasiir kuxigeenka Xafiiska Mudane Maxamed Nuur Gaade ayaa kormeer shaqo ku tagay mashaariicda horumarineed ee ka socda aagga Jigjiga.
Mashaariicda la kormeeray waxaa ka mid ah dhismaha maxjarka dhoofinta xoolaha ee Camadhle, qodista ceelka biyaha ee Camadhle iyo dhismaha saylada cusub ee magaalada Jigjiga.

Masuuliyiintu waxay qiimeeyeen halka ay marayaan hawlaha dhismaha, iyagoo shirkadaha qandaraaslayaasha ah ku adkeeyay dardargelinta shaqada, ilaalinta tayada iyo dhammaystirka mashaariicda muddadii loogu talagalay.

Mashaariicdan ayaa qayb ka ah dadaallada lagu horumarinayo kaabayaasha dhaqaalaha xoolaha, korna loogu qaadayo suuqgeyntooda, si loo xoojiyo adeegyada bulshada xoolo-dhaqatada ah.

Xafiiska Horumarinta Xoolo-dhaqatada DDS

13/10/2026

Wasiirka Xafiiska Horumarinta Xoolo-dhaqatada DDS oo Kormeer Shaqo ku Tagay Shaybaadhka Xoolaha iyo Xarunta Dhaqashada Casriga ah ee Xaadaw

Wasiirka Xafiiska Horumarinta Xoolo-dhaqatada DDS, Mudane Ibraahim Xasan Cali, oo uu wehelinayay Wasiir Kuxigeenka Xafiiska Dr Maxamed Gacal ayaa kormeer shaqo ku tagay Xarunta Shaybaadhka Xoolaha ee magaalada Jigjiga, halkaas oo uu ku soo indho-indheeyay qaybaha kala duwan ee shaybaadhka iyo habsami-u-socodka hawlaha shaqo.

Intii uu kormeerku socday, Wasiirka ayaa warbixin ka dhegaystay shaqaalaha shaybaadhka oo ku guda jiray baadhitaanno lagu samaynayay muunado laga soo qaaday goobo kala duwan. Shaqaaluhu waxay Wasiirka u sharxeen qaybaha shaqo ee shaybaadhka, qalabka casriga ah ee yaalla iyo doorka ay ka qaataan ogaanshaha cudurrada xoolaha, aqoonsiga jeermiska sababa cudurrada iyo go’aaminta daaweynta ku habboon.

Wasiirku waxa kale oo uu kormeeray dhismaha cusub ee Shaybaadhka Xoolaha oo dhawaan la dhagax-dhigay, kaas oo dhismihiisu marayo heer wanaagsan. Xaruntan ayaa la filayaa inay ka qayb qaadato tayaynta adeegyada baadhista cudurrada xoolaha iyo xoojinta ka hortagga iyo xakamaynta cudurrada.

Dhinaca kale, Wasiirka ayaa booqday Xarunta Dhaqashada Casriga ah ee Xoolaha ee Xaadaw, oo ah xarun ballaadhan oo loogu talagalay in ay tusaale u noqoto bulshada, laguna hirgeliyo habab casri ah oo lagu dhaqo laguna maareeyo xoolaha. Xaruntan ayaa lagu wadaa in lagusoo gabogabeeyo muddo 3 bilood ah sida uu sheegay injineerka gacanta ku haya.

Xafiiska Horumarinta Xoolo-dhaqatada DDS

08/10/2026

Waaxda Caafimaadka Xoolaha ee Xafiiska Horumarinta Xoolo-dhaqatada DDS ayaa tababar ku saabsan nidaamka maaraynta iyo xakamaynta cudurrada digaagga iyo shinnida u qabatay xirfadlayaasha caafimaadka xoolaha

Xirfadlayaasha ka qaybgalay tababarka ayaa laga soo kala xulay Maamullada Magaalooyinka Godey, Dhagaxbuur iyo Qabridaharre, iyo Degmada Qabribridaharre.

Intii uu tababarku socday, xirfadlayaashu waxaa lagu siiyay aqoon iyo faham ku saabsan ka hortagga, ogaanshaha iyo xakamaynta cudurrada ku dhaca digaagga iyo shinnida.

Tababarkan ayaa gacan ka geysanaya kor u qaadista aqoonta xirfadlayaasha iyo xoojinta adeegyada caafimaadka iyo dhaqashada casriga ah ee digaagga iyo shinnida.
Waana mid kamid ah qorshayaasha Xafiiska ee lagu sugayo badqabka Caafimaadka Digaaga iyo shinida.

Xafiiska Horumarinta Xoolo-dhaqatada DDS

Address

Jijiga
795

Telephone

+251257754980

Website

http://www.Srs.comgov.et/

Alerts

Be the first to know and let us send you an email when Xafiiska Horumarinta Xoolo-dhaqatada DDS posts news and promotions. Your email address will not be used for any other purpose, and you can unsubscribe at any time.