Viðreisn

30/10/2026

Viðreisn í Kópavogi 🧡

Þingmenn Viðreisnar hittu fulltrúa okkar í Kópavogi og ræddu bæjarmálin, verkefnin framundan og hvernig ríki og sveitarfélög geta í sameiningu bætt þjónustu við íbúa. Síðan heimsótti hópurinn Hjálparsveit skáta í Kópavogi og Sunnu frjósemi.

Það var virkilega gaman að sjá fagmennskuna og metnaðinn hjá Hjálparsveit skáta í Kópavogi. Að baki starfinu er öflugur hópur sjálfboðaliða sem leggur mikinn tíma í þjálfun og undirbúning til að geta brugðist við þegar á þarf að halda. Sveitin er komin í glæsilegt nýtt húsnæði sem heldur vel utan um starfið og skapar góða aðstöðu fyrir búnað og þjálfun. Áhuginn á að ganga til liðs við sveitina er svo mikill að færri komast að en vilja.

Hjá Sunnu frjósemi fengum við innsýn í mikilvægt starf við að aðstoða fólk við að eignast börn. Þar ræddum við meðal annars hvernig mætti bæta lagaumgjörðina til að styðja betur við starfsemina og ólíkar þarfir fólks sem þangað leitar.

Þessar heimsóknir skipta máli. Við þurfum að heyra hvað gengur vel og hvar þarf að liðka fyrir svo við getum unnið að breytingum sem nýtast fólki og fyrirtækjum.

Takk fyrir góð samtöl og hlýjar móttökur! 🧡

29/10/2026

Tíu ár á Alþingi 🇮🇸

Á þessum degi árið 2016 voru fyrstu sjö þingmenn Viðreisnar kjörnir á Alþingi, aðeins fimm mánuðum eftir stofnun flokksins. Við lögðum af stað með skýra hugsjón um samfélag þar sem almannahagsmunir ganga framar sérhagsmunum, að fólk hafi frelsi til að vera það sjálft og tækifæri til að láta til sín taka.

Þessi hugsjón hefur fylgt okkur síðasta áratuginn, í ríkisstjórn og stjórnarandstöðu. Margt hefur breyst og hópurinn stækkað, en ástæðan fyrir því að við lögðum af stað er sú sama. Saga Viðreisnar er saga fólksins sem hefur byggt flokkinn upp, haft kjark til að fara nýjar leiðir og trúað því að hægt sé að breyta samfélaginu til hins betra.

Í dag þökkum við öllum sem hafa lagt okkur lið og treyst okkur fyrir atkvæði sínu. Við höldum áfram, saman. 🧡

27/10/2026

Með Viðreisn í ríkisstjórn er einföldun regluverks og betri opinber þjónusta við atvinnulífið í skýrum forgangi. 🧡

Hanna Katrín, atvinnuvegaráðherra, vinnur að breytingum sem munu auðvelda fyrirtækjum reksturinn og bæta hag neytenda. Þar eru sameiningar stofnana og endurskoðun regluverks í forgrunni.

Grein í fyrstu athugasemd

Við í Viðreisn höfum lagt ríka áherslu á að ganga rösklega til verks. Með Viðreisn í ríkisstjórn er einföldun regluverks og betri opinber þjónusta við atvinnulífið í skýrum forgangi.

Í atvinnuvegaráðuneytinu vinn ég að breytingum sem munu auðvelda fyrirtækjum reksturinn og bæta hag neytenda. Þar eru sameiningar stofnana og endurskoðun regluverks í forgrunni.

Grein í athugasemd hér að neðan.

25/10/2026

Það vantaði hvorki kraftinn né góða skapið á sveitarstjórnaþingi Viðreisnar! 🧡

Fulltrúar okkar í sveitarstjórnum um allt land komu saman á dögunum, deildu reynslu og ræddu verkefnin framundan. Ný stjórn sveitarstjórnarráðs var einnig kjörin. Í henni sitja:

- Gylfi Þór Þorsteinsson, formaður
- María Ellen Steingrímsdóttir
- Jón Guðni Guðmundsson
- Margrét Rós Sigurjónsdóttir
- Júlíus Andri Þórðarson

Aldrei fyrr hefur Viðreisn átt jafn fjölmennan og öflugan hóp í sveitarstjórnum landsins. Við hlökkum til að takast á við verkefnin framundan í sameiningu! 🧡

24/10/2026

Kommentakerfið 🤝🧡

23/10/2026

Þetta skiptir máli 🤝

Hanna Katrín, atvinnuvegaráðherra Viðreisnar, er að einfalda rekstur fyrirtækja. Hún er að einfalda regluverk fyrir betra viðskiptalíf, efla samkeppniseftirlit og neytendavernd. Samhliða því er hún líka búin að sameina MAST, Fiskistofu, verðlagsstofu skiptaverðs og matvælaeftirlit heilbrigðisnefnda í Stofnun atvinnuveganna.

Með sameiningunni nýtum við sérþekkingu betur og drögum úr tvíverknaði. Þannig getum við veitt fyrirtækjum betri þjónustu og tryggt öflugt og samræmt eftirlit um land allt.

Sá sem rekur lítið fyrirtæki hefur nóg að gera, óþarfa flækjur við bókhald og ársreikninga taka tíma og kosta peninga. Hanna Katrín hefur því lagt fram frumvarp sem myndi fjölga félögum sem teljast til örfélaga um 3.700 og opna fyrir einfaldari ársreikningsskil hjá fleiri litlum fyrirtækjum. Örfélög fengju jafnframt rýmri skilafrest.

Þetta skiptir meðal annars máli fyrir iðnaðarmenn, einyrkja og fólk sem rekur minni verslunar- og þjónustufyrirtæki. Næsta skref er endurskoðun bókhaldslaga með áherslu á rafrænt bókhald og einfaldari reglur fyrir minni félög.

Viðreisn lofaði að einfalda kerfið.
Við erum byrjuð og höldum ótrauð áfram.🧡

22/10/2026

Sveitarfélög eiga að njóta sanngjarnra tekna af orkumannvirkjum í heimabyggð. 🤝

Sandra Sigurðardóttir, þingmaður Viðreisnar, spurði innviðaráðherra hvort flýta megi frumvarpi um afnám undanþágu orkumannvirkja frá fasteignamati og leggja það fram fyrir janúar.

Viðreisn vill koma þessu máli áfram. Það er mikilvægt fyrir sveitarfélög á landsbyggðinni að þessar breytingar verði að veruleika sem fyrst. 🧡

22/10/2026

Ingvar Þóroddsson, þingmaður Viðreisnar í Norðausturkjördæmi, hefur hefur mælt fyrir frumvarpi sem myndi heimila sölu lausasölulyfja í almennum verslunum. 🤝

Markmiðið er að bæta aðgengi og auka samkeppni sem getur stuðlað að lægra lyfjaverði. Með breytingunni yrði hægt að kaupa til dæmis lúsasjampó, ormalyf og ofnæmislyf í matvöruverslunum og á bensínstöðvum. Það gæti sparað fólki sérstaka ferð í apótek og auðveldað því að nálgast lyf þegar apótekið er lokað. Einnig myndi þetta einfalda aðgengi íbúa landsbyggðarinnar að lausasölulyfjum ásamt því að styrkja rekstrargrundvöll verslana í smærri plássum.

Viðreisn leggur áherslu á að einfalda regluverk og auka samkeppni í þágu neytenda 🧡

22/10/2026

Góð tíðindi fyrir íslenskt atvinnulíf frá Víetnam 🇮🇸🇻🇳

21/10/2026

Ráðherrar, þingmenn og starfsfólki Viðreisnar klæðast bleiku í dag. 🩷 Með því sýnum við samstöðu og stuðning við einstaklinga sem greinst hafa með krabbamein og aðstandendur þeirra. 🤝