National Aquaculture Development Authority of Sri Lanka

ජල ජීවී වගා සංවර්ධන අධිකාරියේ නව යළි ජීවී වගා සංවර්ධන නිෂ්පාදන වැඩපිළිවෙළ යටතේ තබ්බොව ධීවර සම්තියට මිරිදිය ඉස්සන් කීටියන් වැඩිදියුණු කිරීමට රු.ලක්ෂ 20 ක් වටිනා කූඩුවක් ලබාදීම පුත්තලම් දිස්ත්‍රික් පා.ම අජිත් ගිහාන් මහතාගේ මූලිකත්වයෙන් සිදුකෙරින..

දිට්වා සුළි කුණාටුවෙන් හානි වූ පුත්තලම දිස්ත්‍රික්කයේ ඉස්සන් වගාකරුවන් ට චෙක්පත් ලබා දීම අද දින ධීවර, ජලජ හා සාගර සම්පත් අමාත්‍ය රාමලිංගම් චන්ද්‍රසේකර් අමාත්‍යතුමා, පුත්තලම් දිස්ත්‍රික් පා.ම. ගරු අජිත් ගිහාන් මන්ත්‍රී තුමා සහ අප අධිකාරියේ සභාපති කිත්සිරි ධර්මප්‍රිය මහත්වරුන්ගේ ප්‍රධානත්වයෙන් හලාවත සුදසුන ශාලාවේ දී සිදු විය.

15 000 Followers 🤝.Thank You

විසිතුරු මත්ස්‍ය කර්මාන්තයට නව පණක්: වගාකරුවන්ට මූල්‍ය සහන සහ ආනයන බාධා ඉවත් කිරීමට පියවර!

මෙරට විසිතුරු මත්ස්‍ය නිෂ්පාදන හා අපනයන ක්ෂේත්‍රයේ පවතින ගැටලු නිරාකරණය කරමින් එම කර්මාන්තය නැංවීම සඳහා වන විශේෂ සාකච්ඡාවක් ධීවර, ජලජ හා සාගර සම්පත් නියෝජ්‍ය අමාත්‍ය රත්න ගමගේ මහතාගේ ප්‍රධානත්වයෙන් ඊයේ (18) අමාත්‍යාංශ පරිශ්‍රයේදී පැවැත්විණි. දිවයිනේ විවිධ ප්‍රදේශ නියෝජනය කරමින් පැමිණි ප්‍රධාන පෙළේ විසිතුරු මත්ස්‍ය නිෂ්පාදකයින් සහ අපනයනකරුවන් පිරිසක් මෙම අවස්ථාවට එක්විය.

කර්මාන්තයේ කඩා වැටීම් වැළැක්වීම සඳහා විනිවිදභාවයෙන් යුතු නව ආනයන ක්‍රමවේදයක් හඳුන්වා දෙන අතර, තහනම් මත්ස්‍ය ලැයිස්තු සංශෝධනය කිරීමේදී විද්වත් කමිටුවක් හමුවේ කරුණු ඉදිරිපත් කිරීමට ව්‍යාපාරිකයන්ට අවස්ථාව සලසා දේ.

‘Ditwah’ සුළි කුණාටුවෙන් පීඩාවට පත්, මත්ස්‍ය ආහාර මිලදී ගැනීමට පවා අපහසුවෙන් සිටින කුඩා පරිමාණ වගාකරුවන්ට රුපියල් 75,000 සහ රුපියල් 50,000 බැගින් වූ මූල්‍ය ආධාර කඩිනමින් පිරිනැමේ.

ක්ෂේත්‍රයේ ගැටලු නිරන්තරයෙන් සොයා බලා විසඳීම සඳහා සෑම මාස දෙක තුනකට වරක්ම කර්මාන්තකරුවන් සහ අමාත්‍යාංශය අතර සෘජු සාකච්ඡා පැවැත්වීමට එකඟතාව පළ විය.

ශ්‍රී ලංකාවේ ඉස්සන් වගා කර්මාන්තයට ඩිජිටල් තාක්ෂණය හා ජෛව ආරක්ෂණ ක්‍රමවේද හඳුන්වා දෙයි: ව්‍යාපෘතියේ සාර්ථක සමාප්තිය අමාත්‍ය රාමලිංගම් චන්ද්‍රසේකර් මහතාගේ ප්‍රධානත්වයෙන්

එක්සත් ජාතීන්ගේ ආහාර හා කෘෂිකර්ම සංවිධානයේ (FAO) සහාය ඇතිව සහ දකුණු කොරියානු
රජයේ මූල්‍ය දායකත්වය මත ක්‍රියාත්මක වූ “ඵලදායී ජෛව ආරක්ෂණය සහ ඩිජිටල්
තාක්ෂණය මගින් ස්මාර්ට් හා තිරසාර ජලජීවී වගාවක්” පිළිබඳ සිව් අවුරුදු
ව්‍යාපෘතියේ සමාප්ති වැඩමුළුව ඊයේ (12) කොළඹදී සාර්ථකව පැවැත්විණි.
මෙම අවස්ථාවට ප්‍රධාන අමුත්තා ලෙස ධීවර, ජලජ හා සාගර සම්පත් අමාත්‍ය ගරු
රාමලිංගම් චන්ද්‍රසේකර් මහතා සහභාගී විය.

මෙහිදී අදහස් දැක්වූ අමාත්‍යවරයා අවධාරණය කළේ, මෙරට ධීවර හා ජලජීවී වගා ක්ෂේත්‍රය
ජාත්‍යන්තර වෙළෙඳපොළේ පවතින ඉහළ තරඟකාරිත්වය ජය ගැනීම සඳහා කඩිනමින් නවීකරණය
විය යුතු බවයි.

“ඉස්සන් වගාව යනු අපේ රටේ ආහාර සුරක්ෂිතතාවට මෙන්ම විදේශ විනිමය උත්පාදනයට සුවිශාල
දායකත්වයක් සපයන ක්ෂේත්‍රයක්. දේශගුණික විපර්යාස සහ රෝග ව්‍යාප්තිය වැනි අභියෝග
හමුවේ වුවද, මෙම ව්‍යාපෘතිය හරහා හඳුන්වා දුන් ඩිජිටල් තාක්ෂණය සහ ජෛව ආරක්ෂණ
පද්ධති භාවිත කරමින් උසස් තත්ත්වයේ නිෂ්පාදන ජාත්‍යන්තර වෙළෙඳපොළට සැපයීමට අපේ
වගාකරුවන්ට දැන් අවස්ථාව උදා වී තිබෙනවා. වගාකරුවන්ගේ ජීවනෝපාය නංවාලීමටත්,
නවෝත්පාදන සඳහා අවශ්‍ය පහසුකම් සැලසීමටත් රජය සැමවිටම කැපවී සිටිනවා,”
යැයි අමාත්‍යවරයා වැඩිදුරටත් පැවසීය.

මෙම ව්‍යාපෘතිය යටතේ අත්පත් කරගත් සුවිශේෂී ජයග්‍රහණයක් වන්නේ 'ජාතික ඉස්සන්
කර්මාන්ත තොරතුරු පද්ධතිය' (Shrimp Industry Information System -
SIIS) ස්ථාපිත කිරීමයි. අමාත්‍යාංශ ලේකම් ආචාර්ය බී.කේ. කෝලිත කමල් ජිනදාස මහතා
මෙහිදී පෙන්වා දුන්නේ මෙය හුදු තාක්ෂණික මෙවලමකට වඩා රාජ්‍ය පාලන
යන්ත්‍රණයේ සිදු කළ ප්‍රගතිශීලී ප්‍රතිසංස්කරණයක් බවයි.
'සෙන්සර්' (Sensors) තාක්ෂණය මගින් වගා බිම්වල ජලයේ ගුණාත්මකභාවය
නිරීක්ෂණය කිරීමටත්, රෝග ව්‍යාප්තිය පිළිබඳ පූර්ව අනතුරු ඇඟවීම් ලබා
දීමටත් මෙමගින් හැකියාව ලැබේ. මීට අමතරව, මුහුදු කකුළුවන්, මුහුදු පැලෑටි සහ
විසිතුරු මසුන් වගාව වැනි අනෙකුත් අංශ සඳහා ද ඉදිරියේදී මෙම ඩිජිටල් තාක්ෂණය
ව්‍යාප්ත කිරීමට සැලසුම් කර ඇති බව ලේකම්වරයා සඳහන් කළේය.

මෙම ව්‍යාපෘතිය යටතේ ඇමරිකානු ඩොලර් 128,000 වටිනා නවීන
විද්‍යාගාර උපකරණ සහ තොරතුරු තාක්ෂණ යටිතල පහසුකම් NAQDA ආයතන වෙත පිරිනමා ඇත.
එසේම නිෂ්පාදකයින් 450ක් සහ රජයේ නිලධාරීන් 190ක් සඳහා විශේෂ පුහුණු වැඩසටහන්
ද පවත්වා තිබේ.

මෙම අවස්ථාවට ශ්‍රී ලංකාවේ දකුණු කොරියානු තානාපතිනි මියොන් ලී (H.E. Miyon Lee)
මහත්මිය, NAQDA සහ NARA ආයතනවල
සභාපතිවරුන් ඇතුළු දෙස් විදෙස් සම්භාවනීය අමුත්තන් පිරිසක් සහභාගී වූහ.

රත්නපුර දිස්ත්‍රික්කයේ ඇඹිලිපිටිය ප්‍රාදේශීය ලේකම් කාර්‍යාලයට අයත් උඩවලව ජලාශේ අද දින (05/10) මිරිදිය මත්ස්‍ය කිලෝ 20,000 අධික ප්‍රමාණයක් වාර්තා විය.

ගම්පහ දිස්ත්‍රික්කයේ දිට්වා සුළි කුනාටුව හේතුවෙන් ජල ගැල්මට ලක්ව හානියට පත් මිරිදිය මත්ස්‍ය වගා පොකුණු වලට අවශ්‍ය පිරිමි තිලාපියා මත්ස්‍ය ඇඟිල්ලන් නැවත තැන්පත් කිරීම 2026.05.08 දින මිනුවන්ගොඩ කොටුගොඩ ඕපාත පිහිටි කුමුදු ගුණවර්ධන මත්ස්‍ය වගා පොකුණු පද්ධතිය තුළ සිදු කරන ලදී..

දැදුරුඔය ජලාශ මලගනේ තොටුපල අස්වැන්න