What are the opening hours?

Monday 08:30 - 16:00 Tuesday 08:30 - 16:00 Wednesday 08:30 - 16:00 Thursday 08:30 - 16:00 Friday 08:30 - 16:00

Madagascar National Parks

Home
Madagascar
Antananarivo
Madagascar National Parks

Call Directions Website Contact the organization

Gestionnaire de 49 Aires Protégées reparties sur une surface de plus de 3,3 millions d'hectares dont 7 classées sites Patrimoine Mondial, 5 sites RAMSAR.

11/11/2026

🎥 𝗩𝗔𝗟𝗔𝗡-𝗗𝗥𝗘𝗦𝗔𝗞𝗔 𝗡𝗜𝗔𝗥𝗔𝗛𝗔𝗡𝗔 𝗧𝗔𝗠𝗜𝗡’𝗡𝗬 𝗠𝗣𝗔𝗡𝗔𝗢 𝗚𝗔𝗭𝗘𝗧𝗬

Mihantona ny Fanintsiana ny saram-pidirana eny amin’ny Valanjavaboahary - Madagascar National Parks mihaino ary manome lanja ny fifampiresahana sy ny fiaraha-miasa.

👉 Tontosa anio 11 Novambra teo anivon’ny Ministeran’ny Tontolo Iainana sy ny Fandrosoana Lovainjafy Ministère de l'Environnement et du Développement Durable ny valan-dresaka ho an’ny mpanao gazety. Manamafy ny Madagascar National Parks fa misokatra hatrany amin’ny fihainoana sy ny fifampidinihana amin’ireo mpisehatra rehetra voakasiky ny fitantanana ny Valanjavaboahary.

Fanapahan-kevitra lehibe noraisina ny nampihantona ny fampiharana ny fanitsiana ny saram-pidirana, mba hanomezana sehatra ny fifanakalozana sy handinihana miaraka ireo sosokevitra samihafa.

✅ Nohamafisina ihany koa ny maha zava-dehibe ny mangarahara amin’ny fitantanana sy ny fampiasana ireo loharanom-bola ho an’ny fiarovana ny harena voajanahary sy ny fampandrosoana eny ifotony ary nitondra fanazavana mahakasika izany ny Madagascar National Parks, izay manana fenitra sy fanaraha-maso entitra.

Tsiahivina moa fa tsy mijanona ho an’ny Madagascar National Parks irery ny vola azo avy amin’ny Saram-pidirana amin’ny Valanjavaboahary fa zaraina toy izao: 65 % ho an’ny fiarovana, ny fanaraha-maso sy ny fisafoana; 20 % ho an’ny vondrom-piarahamonina eny ifotony; 10 % ho an’ny fotodrafitrasa sy ny fitaovana ary 5 % ho an’ny fitantanana.

🌱 Mitohy hatrany ny fanohanana ireo vondrom-piarahamonina manodidina ny Valanjavaboahary, indrindra amin’ny alalan’ny tetikasa sosialy sy fampandrosoana ary ny fanamafisana ny fiaraha-miasa amin’ireo rafitra sy tompon’andraikitra eny ifotony.

🤝 Hisy atsy ho atsy ny fihaonana an-databatra boribory iarahan’ny Solombavambahoaka, ny MEDD, ny MNP, ny Ben’ny Tanana, ireo mpisera-dia ary ireo mpiara-miombon’antoka, mba hanohizana ny fifanakalozan-kevitra sy hitadiavana vahaolana iombonana sy maharitra.

🌳 Andraikitra iombonana ny fiarovana ny harena voajanahary. Ny fifampihainoana sy ny fiaraha-mientana no antoky ny lova voajanahary maharitra ho an’ny taranaka ankehitriny sy ny ho avy.

🤝 Mamerina ny fisaorana ho antsika rehetra amin’ny soso-kevitra. Raisinay an-tanan-droa izany.

🟠 For Life

10/11/2026

📚 𝗩𝗮𝗹𝗮𝗻𝗷𝗮𝘃𝗮𝗯𝗼𝗮𝗵𝗮𝗿𝘆 𝗦𝗮𝗵𝗮𝗺𝗮𝗹𝗮𝘇𝗮-Î𝗹𝗲𝘀 𝗥𝗮𝗱𝗮𝗺𝗮 : 𝗠𝗮𝗻𝗼𝗹𝗼𝗮𝗻𝗮 𝗻𝘆 𝗳𝗮𝗻𝗮𝗺𝗯𝘆 𝗲𝗼 𝗮𝗺𝗶𝗻’𝗻𝘆 𝗳𝗮𝗻𝗮𝗯𝗲𝗮𝘇𝗮𝗻𝗮, 𝗺𝗮𝗻𝗱𝗿𝗮𝘆 𝗮𝗻𝗷𝗮𝗿𝗮 𝗺𝗮𝘃𝗶𝘁𝗿𝗶𝗸𝗮 𝗮𝗺𝗶𝗻’𝗻𝘆 𝗳𝗮𝗻𝗮𝘁𝘀𝗮𝗿𝗮𝗻𝗮 𝗻𝘆 𝗳𝗼𝘁𝗼𝗱𝗿𝗮𝗳𝗶𝘁𝗿𝗮𝘀𝗮 𝗶 𝗠𝗮𝗱𝗮𝗴𝗮𝘀𝗰𝗮𝗿 𝗡𝗮𝘁𝗶𝗼𝗻𝗮𝗹 𝗣𝗮𝗿𝗸𝘀

🏗️Napetraka ny vato fototry ny fananganana sekoly vaovao tao amin’ny Kaominina Ambanivohitra Maromandia, Fokontany Andamoty, Marovato Sud, ny alatsinainy 09 Novambra 2026 lasa teo.

Tonga nanotrona ny fotoana ny Mpanjaka Be Prince Arana IV de Maromandia, ny Mpanjaka Lahy, ny Ben’ny Tanàna, ny filoha mpanolontsaina ao amin’ny kaominina Maromandia, ny Chef ZAP, ny talen-tsekoly sy ireo mpampianatra, ny orinasa izay hanatanteraka ny asa ary ny solontenan’i Madagascar National Parks.
Nialoha ny fananganana ny vato fototra dia notanterahina ny fomba amam-panao notarihin’ny Mpanjaka Be sy ireo Zafin-tany, ho mariky ny fanajana ny kolontsaina sy ny soatoavina ao an-toerana.

🌿 Amin’ny alalan’izao fotodrafitrasa izao, Madagascar National Parks dia manamafy fa ny fiarovana ny harena voajanahary dia miara-dalana amin’ny fampandrosoana ny vondron’olona eny ifotony. Ny fanohanana ny fanabeazana, toy izao fananganana sekoly izao, dia fampiasam-bola ho an’ny hoavin’ny taranaka sy ho an’ny fampandrosoana maharitra eto Madagasikara.

🌳 Satria ny akon’ny fiarovana dia tsy hoe hita soritra eny anaty Valanjavaboahary irery ihany, fa mipaka makany amin'ny vondrom-piaraha-monina amin’ny fiainany andavanandro mihitsy.

🟠For Life

09/11/2026

🚨 EFA VOAFEHY NY AFO TAO AMIN’NY VALANJAVABOAHARY ZOMBITSE VOHIBASIA ! 🌳🔥

Nahitana trangan’afo tao amin’ny faritra atsimon’ny Valanjavaboahary Zombitse Vohibasia androany. Na dia tsy fantatra mazava aza ny antony marina niteraka izany, dia naneho firaisan-kina ny vondrom-piaraha-monina!

🤝 Niroso avy hatrany ny mponina tao Andranomaitso nanome tan-tsoroka ny ekipan’ny Madagascar National Parks (MNP). Noho io fiaraha-mientana io dia voafehy haingana tao anatin’ny ora iray ny afo ary efa maty tanteraka tokony ho tamin’ny 2 ora sy sasany tolakandro!

👏 Misaotra feno ireo mponina rehetra nifanampy niady tamin’ny afo.

⚠️ TSY MAINTSY MITANDRINA ISIKA! Entanina ny rehetra mba ho mailo hatrany. Aza atao tsirambina ny manodidina antsika!

📞 Raha mahita trangan’afo na loza mitovitovy amin’izany ianao dia antsoy haingana ny laharana maitso: 955

💪 Arovy ny Valanjavaboaharintsika! Andraikitry ny tsirairay ny miaro ny tontolo iainana!

09/11/2026

🌿 𝗖𝗢𝗠𝗠𝗨𝗡𝗜𝗤𝗨É 𝗢𝗙𝗙𝗜𝗖𝗜𝗘𝗟 – 𝗥𝗘𝗟𝗔𝗧𝗜𝗙 𝗔𝗨𝗫 𝗗𝗥𝗢𝗜𝗧𝗦 𝗗’𝗘𝗡𝗧𝗥É𝗘 𝗗𝗔𝗡𝗦 𝗟𝗘𝗦 𝗔𝗜𝗥𝗘𝗦 𝗣𝗥𝗢𝗧É𝗚É𝗘🌿

👉🏻 L’application de la révision des droits d’entrée au sein des Aires Protégées gérées par Madagascar National Parks est suspendue jusqu’à nouvel ordre, afin de privilégier le dialogue et les concertations entre les différentes parties prenantes.

🟠 For Life

09/11/2026

🌿 𝗙𝗔𝗡𝗔𝗠𝗕𝗔𝗥𝗔𝗡𝗔 𝗢𝗙𝗜𝗦𝗜𝗔𝗟𝗬 - 𝗠𝗢𝗠𝗕𝗔 𝗡𝗬 𝗦𝗔𝗥𝗔𝗠-𝗣𝗜𝗗𝗜𝗥𝗔𝗡𝗔 𝗘𝗡𝗬 𝗔𝗠𝗜𝗡’𝗡𝗬 𝗩𝗔𝗟𝗔𝗡𝗝𝗔𝗩𝗔𝗕𝗢𝗔𝗛𝗔𝗥𝗬 🌿

👉🏻 Ahantona aloha ny fampiharana ny fanitsiana ny saram-pidirana eny anivon’ireo Valanjavaboahary tantanin’ny Madagascar National Parks, mba hanomezan-danja ny fifampiresahana an-databatra boribory.

🟠For Life

09/11/2026

🚧 𝗩𝗮𝗹𝗮𝗻𝗷𝗮𝘃𝗮𝗯𝗼𝗮𝗵𝗮𝗿𝘆 𝗧𝘀𝗶𝗺𝗮𝗻𝗮𝗺𝗽𝗲𝘀𝗼𝘁𝘀𝙚 : 𝗳𝗮𝗻𝗮𝘁𝗮𝗻𝘁𝗲𝗿𝗮𝗵𝗶𝗻𝗮 𝗳𝗮𝗺𝗽𝗮𝗻𝗱𝗿𝗼𝘀𝗼𝗮𝗻𝗮 𝗲𝗻𝘆 𝗶𝗳𝗼𝘁𝗼𝗻𝘆 𝗮𝗼 𝗔𝗺𝗽𝗶𝘁𝗮𝗻𝗮𝗸𝗲

🌿 Natomboka ny asa fananganana ny hady fototra ho an’ny EPP ao Ampitanake izay ahitana efitrano fianarana miisa 2 , Kaominina Ambanivohitra Itampolo, Distrikan’Ampanihy Andrefana.

👉🏻Dingana lehibe amin’ny fanatanterahana ny tetikasa ity fanombohana ny asa ity, izay mikendry ny hanatsara ny fotodrafitrasa fanabeazana sy hanomezana tontolo fianarana mendrika kokoa ho an’ny mpianatra eny an-toerana.

Mitohy araka izany ny drafitry ny asa, ary antenaina hitondra tombontsoa maharitra ho an’ny fiarahamonina ny fahavitan’ity fotodrafitrasa ity. 🏫✨

🌱 Miroso hatrany ireo tetikasa fampandrosoana ho an’ny vondrom-piarahamonina manodidina ny Valanjavaboahary izay tantanin’ny Madagascar National Parks, ho fanamafisana ny fifandraisan’ny fiarovana ny zavaboahary sy ny fampandrosoana maharitra eny ifotony.

🤝 Isaky ny mitsidika Valanjavaboahary ianao dia mandray anjara amin’ny fanohanana ireo hetsika fampandrosoana ho an’ny mponina manodidina ny saram-pidirana izay efainao

🟠For Life

08/11/2026

🏥🌿 𝗩𝗔𝗟𝗔𝗡𝗝𝗔𝗩𝗔𝗕𝗢𝗔𝗛𝗔𝗥𝗬 𝗡𝗢𝗦𝗬 𝗛𝗔𝗥𝗔 : 𝗠𝗜𝗧𝗢𝗛𝗬 𝗡𝗬 𝗔𝗦𝗔 𝗙𝗔𝗠𝗣𝗔𝗡𝗗𝗥𝗢𝗦𝗢𝗔𝗡𝗔 𝗛𝗢 𝗔𝗡’𝗡𝗬 𝗩𝗢𝗡𝗗𝗥𝗢𝗠-𝗣𝗜𝗔𝗥𝗔𝗛𝗔𝗠𝗢𝗡𝗜𝗡𝗔 𝗘𝗡𝗬 𝗜𝗙𝗢𝗧𝗢𝗡𝗬

✅ Mitohy hatrany ny asa fampandrosoana tanterahina eny anivon’ireo Valanjavaboahary tantanan’ny Madagascar National Parks, ho fanatsarana ny fari-piainan’ireo vondrom-piarahamonina manodidina.

📍 Ao amin’ny Valanjavaboahary Nosy Hara, dia miroso ny asa fananganana tobim-pahasalamana CSB II ao Befotaka, Kaominina Ambanivohitra Mahalina, Distrikan’Antsiranana II.

🏗️ Ahitana trano fitsaboana sy lavadrano ity fotodrafitrasa ity izay mbola eo an-dalam-pananganana, izay hahafahan’ny mponina maherin’ny 500 avy amin’ireo tanàna manodidina ny Valanjavaboahary misitraka tolotra ara-pahasalamana sy rano.

🌱 Manana anjara toerana lehibe amin’ny fanatanterahana ireo asa fampandrosoana eny ifotony ny vola azo avy amin’ny saram-pidirana amin’ireo Valanjavaboahary.

🤝 Ny fiarovana ny Valanjavaboahary dia mitondra tombontsoa ho an’ny mponina sy ny taranaka ho avy.

🟠 For Life

07/11/2026

✅ Manome lanja manokana ny fiaraha-miasa amin’ireo mpisehatra rehetra ny Madagascar National Parks, ary vonona mandrakariva hihaino ny hevitry ny tsirairay : ireo matihanina amin’ny fizahantany, mpitari-dia, vondrom-piarahamonina eny ifotony, mpiara-miombon’antoka ary ireo manampahefana.

🙏 Andraikitra iombonana ny fiarovana ny Valanjavaboahary. Amin’ny alalan’ny firaisankina sy ny fahafoizan-tena no ahafahantsika miantoka ny faharetan’izany fiarovana izany, ho tombontsoan’ny taranaka ankehitriny sy ny ho avy.

🟠For Life

07/11/2026

🌿 𝗙𝗮𝗻𝗼𝗵𝗮𝗻𝗮𝗻𝗮 𝗻𝘆 𝗳𝗶𝗮𝗿𝗼𝘃𝗮𝗻𝗮 𝗻𝘆 𝘁𝗼𝗻𝘁𝗼𝗹𝗼 𝗶𝗮𝗶𝗻𝗮𝗻𝗮 𝘀𝘆 𝗻𝘆 𝗳𝗮𝗺𝗽𝗮𝗻𝗱𝗿𝗼𝘀𝗼𝗮𝗻𝗮 𝗶𝗳𝗼𝘁𝗼𝗻𝘆 𝗮𝗼 𝗮𝗺𝗶𝗻’𝗻𝘆 𝗩𝗮𝗹𝗮𝗻𝗷𝗮𝘃𝗮𝗯𝗼𝗮𝗵𝗮𝗿𝘆 𝗖𝗮𝗽 𝗦𝗮𝗶𝗻𝘁𝗲-𝗠𝗮𝗿𝗶𝗲

👉Notanterahina tao amin’ny biraon’ny Madagascar National Parks ao Bevazoa misy ny Valanjavaboahary Cap Sainte-Marie ny hetsika fanolorana fitaovana natokana entina hanamafisana ny fiarovana ny tontolo iainana sy hanohanana ny asa fiveloman’ny mponina eny ifotony.

✅ Tamberim-bidy avy amin'ny saram-pidirana ao amin’ny Valanjavaboahary moa no nahafahana nanatanteraka izany. Nisy ny fanolorana tafo fanitso sy jiro mandeha amin’ny herin’ny masoandro ho an’ireo mponina. Teo ihany koa ny fanolorana lakana sy harato fanjonoana ho an’ny fikambanan’ny mpanjono, ho fanohanana ny asa fiveloman’izy ireo ary koa ho fitsinjovana ny fampiasana maharitra ny harena an-dranomasina.

👥 Nanatrika ity lanonana fanolorana fitaovana ity ireo solontenam-panjakana sy tompon’andraikitra isan-tsokajiny avy ao amin’ny Distrikan’i Tsihombe, Faritra Androy, izay samy naneho ny fiaraha-mientana amin’ny fampandrosoana maharitra ny faritra.

🌿 Marihina fa tsy eto amin’ny Valanjavaboahary Cap Sainte Marie ihany no efa anatanterahana ireo tetikasa vatsian’ny saram-pidirana, fa efa miroso ihany koa izany any amin’ireo valanjavaboahary maro manerana an’i Madagasikara.

🟠For Life

06/11/2026

✅ Madagascar National Parks accorde une importance particulière au partenariat avec l’ensemble des acteurs et reste pleinement à l’écoute : professionnels du tourisme, guides, communautés locales, partenaires et autorités.

🙏 La préservation des Aires Protégées est une responsabilité partagée. C’est ensemble, dans un esprit de solidarité et d’engagement, que nous pouvons garantir sa pérennité au profit des générations présentes et futures.

🟠 For Life

Address

B. P. 1424-Ambatobe
Antananarivo
103

Opening Hours

Monday	08:30 - 16:00
Tuesday	08:30 - 16:00
Wednesday	08:30 - 16:00
Thursday	08:30 - 16:00
Friday	08:30 - 16:00

Telephone

261324940010

Website

http://www.parcs-madagascar.com/

Alerts

Be the first to know and let us send you an email when Madagascar National Parks posts news and promotions. Your email address will not be used for any other purpose, and you can unsubscribe at any time.