BNGRC

10/11/2026

BNGRC | MANAMAFY NY FIOMANANA MANOLOANA NY LOZA SY NY TRANGA EL NIÑO

10/11/2026

𝙈𝘼𝙃𝘼𝙅𝘼𝙉𝙂𝘼 : 𝙁𝙄𝙊𝙁𝘼𝙉𝘼𝙉𝘼 𝙈𝙊𝙈𝘽𝘼 𝙉𝙔 𝙁𝙄𝙏𝘼𝙉𝙏𝘼𝙉𝘼𝙉𝘼 𝙉𝙔 𝙆𝙍𝙄𝙕𝙔 𝙎𝙔 𝙉𝙔 𝙑𝙊𝙉𝙅𝙔 𝙏𝘼𝙄𝙏𝙍𝘼 𝙀𝙊 𝘼𝙉-𝙏𝙊𝙀𝙍𝘼𝙉𝘼

09-13 𝑛𝑜𝑣𝑎𝑚𝑏𝑟𝑎 2026 - 𝑀𝑎𝒉𝑎𝑗𝑎𝑛𝑔𝑎

🤝 Taorian’ny fandalovan’ny rivodoza Fytia sy ny fisian’ny valanaretina Mpox dia nosafidiana manokana ny Faritra Boeny nanaovana ny atrikasa fizarana traikefa momba ny fitantanana ny krizy eny ifotony sy ny fanamafisana ny fahaiza-manaon’ny "Centre Opérationnel-CO" hoentina miatrika ny taompahavaratra 2026-2027, karakarain’ny BNGRC, niarahana amin’ny Croix Rouge Malagasy sy ny Croix Rouge Française amin’ny alalan’i PIROI Center izay notohanan’ny Agence Française de Développement. Ity hetsika ity dia atao ho fanatsarana ny fandrindrana ny asa mandritra ny fotoanan’ny hamehana, indrindra eo amin’ny lafiny fifandraisana sy fampitana vaovao.

📚 Omena lanja manokana ny fampitandremana mialoha, fifandraisana amin’ny mponina sy ny fampahalalam-baovao ary fitantanana ny tsaho sy ny vaovao diso.
Didinihina manokana ihany koa ny mety hisian’ny valanaretina, indrindra ny Mpox, ao anatin’ny fiatrehana ireo krizy vinavinaina hitranga ao an-toerana.

🚨 Hofaranana amin’ny fanazaran-tena an-tsehatra na SIMEX (Exercice de Simulation) ny fiofanana izay miompana amin’ny fiomanana ara-tserasera amin’ny hamehana ka andraisan’ny mpilatsaka antsitrapo an’ny Croix Rouge Malagasy eny ifotony anjara. Ny tanjona dia ny hitsapana ny fahaiza-manaon’ireo mpisehatra isan-tsokajiny eo anivon’ny Foibe Fandrindrana ny Hamehana, indrindra ho an’ireo mpiantsehatra ao amin’ny Faritra Boeny.

BNGRC
Croix-Rouge Malagasy
Croix-Rouge française
AFD - Agence Française de Développement

06/11/2026

𝘽𝙉𝙂𝙍𝘾 | 𝙁𝘼𝙍𝙄𝙏𝙍𝘼 𝘼𝙏𝙎𝙄𝙉𝘼𝙉𝘼𝙉𝘼 : 𝙉𝘼𝙉𝘼𝙈𝘼𝙁𝙔 𝙉𝙔 𝙁𝘼𝙃𝘼𝙄𝙕𝘼-𝙈𝘼𝙉𝘼𝙊𝙉’𝙄𝙍𝙀𝙊 𝙈𝙋𝙄𝙎𝙀𝙃𝘼𝙏𝙍𝘼
𝙈𝘼𝙉𝘿𝙍𝘼𝙁𝙄𝙏𝙍𝘼 𝙉𝙔 𝙑𝙊𝙉𝘿𝙍𝙊𝙉𝘼 𝙁𝙄𝘼𝙍𝙊𝙑𝘼𝙉𝘼 𝙈𝘼𝙉𝘿𝙍𝙄𝙏𝙍𝘼 𝙉𝙔 𝙇𝙊𝙕𝘼

4–6 𝑁𝑜𝑣𝑎𝑚𝑏𝑟𝑎 2026, 𝐹𝑜𝑢𝑙𝑝𝑜𝑖𝑛𝑡𝑒 - 𝐴𝑡𝑠𝑖𝑛𝑎𝑛𝑎𝑛𝑎

📍Ho fiomanana amin’ny vanim-potoanan’ny fahavaratra 2026–2027 ao amin’ny faritra Atsinanana, nirosoana ny fanamafisana ny fahaiza-manaon’ireo mpisehatra mandrafitra ny Vondrona Fiarovana na ny Groupe Sectoriel Protection. Nandritra izany, nojerena manokana ny lesona azo avy amin’ny fiatrehana ny rivodoza GEZANI, izay nahitana ny filàna fanatsarana ny fiomanana sy ny fandrindrana ny asa.

🎯 Tanjona ny hanamafisana ny fahaiza-manao ara-teknika sy ny fomba fiasa, mba hanatsarana ny fiomanana, ny fandrindrana ary ny famaliana ireo filàna ara-piarovana mialoha, mandritra ary aorian’ny voina.

📌 Anisan’ny lohahevitra nodinihina ny fiomanana amin’ny vonjy taitra sy ny hetsika mialoha ny loza, ny fandrindrana ny sehatra, ny fitantanana sy fanangonana vaovao, ny fanaovana tatitra ary ny rafitra fampifandraisana ireo olona mila fanampiana amin’ny tolotra fiarovana.

🤝 Ny BNGRC, DRPS Atsinanana, miaraka amin’ny UNICEF sy Save the Children, no niaraka nisalahy amin’ny fanatanterahana ny atrikasa , izay mikendry ihany koa ny famolavolana ny drafitra laharam-pahamehana ho fiomanana amin’ny vanim-potoanan’ny rivodoza 2026–2027.

05/11/2026

𝙇𝘼 𝙍𝙀𝙐𝙉𝙄𝙊𝙉 : 𝙉𝘼𝙉𝘿𝙍𝘼𝙔 𝘼𝙉𝙅𝘼𝙍𝘼 𝙏𝘼𝙈𝙄𝙉’𝙉𝙔 𝙎𝙀𝙈𝙄𝙉𝙀𝙍𝘼 “𝘾𝙔𝘾𝙇𝙊𝙉𝙀𝙓” 𝙃𝙊 𝙁𝘼𝙉𝙊𝙈𝘼𝙉𝘼𝙉𝘼 𝙉𝙔 𝙁𝙄𝘼𝙏𝙍𝙀𝙃𝘼𝙉𝘼 𝙉𝙔 𝙁𝘼𝙃𝘼𝙑𝘼𝙍𝘼𝙏𝙍𝘼 𝙄 𝙈𝘼𝘿𝘼𝙂𝘼𝙎𝙄𝙆𝘼𝙍𝘼

𝑆𝑎𝑖𝑛𝑡-𝐷𝑒𝑛𝑖𝑠, 𝐿𝑎 𝑅é𝑢𝑛𝑖𝑜𝑛 | 02–03 𝑁𝑜𝑣𝑎𝑚𝑏𝑟𝑎 2026

🌍 Notanterahina ny Talata 03 Novambra 2026 tao Saint-Denis, La Réunion, ny seminera « CYCLONEX », ho fiomanana amin’ny taom-pahavaratra 2026–2027 eto amin’ny faritra atsimon’ny Ranomasimbe Indiana. Nitarika ny delegasiona Malagasy Andriamatoa Velonjara RAKOTONANDRASANA, Minisitry ny Atitany sy ny Fitsinjaram-pahefana, notronin'ny Talen’ny Lahasa eto anivon’ny BNGRC sy ny Kômandy faharoan’ny Vondrona Vonjy Voina (CPC).

🤝 Ny 02 Novambra, nitsidika ny Foibe Fitantanana ny Vonjy Voina (CODIS) ny delegasiona Malagasy ary nihaona tamin’ireo firenena dimy mpikambana ao amin’ny Kômitin’ny Ranomasimbe Indianina (COI), mba hanamafisana ny fiaraha-miasa. Nandritra ny seminera dia natao jery todika ny taom-pahavaratra 2025–2026 sy ny fahavononan’ireo mpiara-miombon’antoka amin'ny fiatrehana ny ambana voajanahary ary nodinihina ny fomba fifanampiana raha misy loza lehibe.

📍Ny fandraisana anjara toy izao dia vokatry ny fiaraha-miasa mafonja amin’ireo mpiara-miombon’antoka toy ny Programme Alimentaire Mondial ny COI ny SDIS 974 sy ny maro samihafa.

🛡️ Manoloana ireo loza mety hitranga, toy ny haintany, ny tsy fanjarian-tsakafo ary ny tondra-drano, izay vinavinaina hihamafy noho ny tranga El Niño, dia zava-dehibe ny fanamafisana ny fiaraha-miasa sy ny fifampizaràna traikefa toy itony eo amin’ireo firenena aty amin’ny faritra.

Minisiteran'ny Atitany sy ny Fitsinjaram-pahefana - Pejy ofisialy

05/11/2026

𝙁𝘼𝙆𝘼𝙉-𝙆𝙀𝙑𝙄𝙏𝙍𝘼 𝙉𝘼𝙎𝙄𝙊𝙉𝘼𝙇𝙔 𝙃𝙊 𝙁𝘼𝙉𝘼𝙑𝘼𝙊𝙕𝘼𝙉𝘼 𝙉𝙔 𝘽𝙊𝙆𝙔 𝙏𝙊𝙍𝙊𝙇𝘼𝙇𝘼𝙉𝘼 𝙈𝙊𝙈𝘽𝘼 𝙉𝙔 𝙁𝙊𝙈𝘽𝘼 𝙁𝙄𝘼𝙎𝘼𝙉'𝙉𝙔 𝙏𝘼𝙃𝙄𝙍𝙄𝙈-𝘽𝙊𝙇𝘼-𝙋𝙄𝙍𝙀𝙉𝙀𝙉𝘼 𝙃𝙊 𝘼𝙉'𝙉𝙔 𝙃𝘼𝙈𝙀𝙃𝘼𝙉𝘼 (𝙁𝙤𝙣𝙙𝙨 𝙉𝙖𝙩𝙞𝙤𝙣𝙖𝙡 𝙙𝙚 𝘾𝙤𝙣𝙩𝙞𝙣𝙜𝙚𝙣𝙘𝙚-𝙁𝙉𝘾)

05, 06 𝑛𝑜𝑣𝑎𝑚𝑏𝑟𝑎 2026 - 𝐴𝑛𝑡𝑎𝑛𝑎𝑛𝑎𝑟𝑖𝑣𝑜

📑 Manatanteraka dingana fanavaozana ny Boky Torolalana momba ny Fomba Fiasa ny FNC, ny BNGRC, mba hanatsarana ny rafitra fitantanana sy hanamafisana ny fahombiazan’ny fampiasana ireo loharanom-bola natokana ho an’ny fiatrehana ny loza sy ny tandindon-doza eto Madagasikara.

📌 Ny atrikasa izay haharitra roa andro dia miainga amin’ny lesona azo nandritra ny fandalovan'ny rivodoza FYTIA sy GEZANI, ary koa ireo tolo-kevitra sy tatitra samihafa mamaritra ireo karazana loza azo andraisana andraikitra, ireo mpisehatra afaka misitraka ny famatsiam-bola ary ireo hetsika mendrika hotohanana ao anatin’ny FNC.

🤝 Tanterahina miaraka amin’ny fanohanan'ny Firenena Mikambana, amin'ny alàlan'ny Programan’ny Firenena Mikambana momba ny Sakafo (PAM), sy ny fanohanan’ny fandaharanasa REPAIR, izay vatsian’ny Banky Iraisam-pirenena vola ary ny fandraisan’anjaran’ireo minisitera, sampan-draharaham-panjakana, mpiara-miombon’antoka isan-tsokajiny ity fihaonana ity.

Minisiteran'ny Atitany sy ny Fitsinjaram-pahefana - Pejy ofisialy
Foibe Famantarana ny toetry ny andro
Programme Alimentaire Mondial
UNICEF Madagascar
FAO Representation - Madagascar Comores Maurice Seychelles
Banque mondiale
International Federation of Red Cross and Red Crescent Societies
Croix-Rouge Malagasy
Start Network

05/11/2026

⚠️ 𝙁𝘼𝙈𝙋𝙄𝙏𝘼𝙉𝘿𝙍𝙀𝙈𝘼𝙉𝘼 𝙉𝙊𝙃𝙊 𝙉𝙔 𝙃𝘼𝙈𝘼𝙁𝙄𝙉’𝙉𝙔 𝙍𝙄𝙑𝙊𝙏𝙍𝘼 | 05 𝙉𝙤𝙫𝙖𝙢𝙗𝙧𝙖 2026 ⚠️

FAMPITANDREMANA NOHO NY HAMAFIN’NY RIVOTRA | 05 Novambra 2026

⚠️💨 Ho mafy ny fitsokan’ny rivotra any amin’ny morontsirak’i Androy sy Anosy. Tombanana hahatratra 55 km/ora ny hamafin’ny rivotra.

▶️FE-POTOANA :

✓Manomboka anio Alakamisy 05 Novambra 2026 atoandro.

▶️FIANTRAIKANY :

➢ Fahasarotan’ny fifamoivoizana sy faharendrehana an-dranomasina;
➢ Fikorontanan’ny asa fihariana andavanandro.

▶️FARITRA VOAKASIKA :

📕📕 Fampitandremana miloko mena: Tanjona Vohimena hatrany Taolagnaro.

❌❌Entanina ny rehetra mba hanaraka ny toromarika atolotry ny tompon’andraikitra eny ifotony. ❌❌

🔑 Météo Madagascar

Ministère des Transports et de la Météorologie de Madagascar

30/10/2026

𝘼𝙈𝘽𝙊𝘿𝙄𝙃𝘼𝘿𝙔-𝘼𝙈𝘽𝙊𝙃𝙄𝙈𝘼𝙉𝘼𝙍𝙄𝙉𝘼 𝙉𝘼𝙈𝙋𝘼𝙃𝘼𝙁𝘼𝙉𝙏𝘼𝙍𝙄𝙉𝘼 𝙉𝙔 𝙈𝙋𝙊𝙉𝙄𝙉𝘼 𝙉𝙔 𝙇𝙊𝙕𝘼 𝙈𝘼𝙉𝘼𝙈𝘽𝘼𝙉𝘼 𝘼𝙈𝙄𝙉'𝙉𝙔 𝙈𝙀𝙏𝙔 𝙃𝙄𝙎𝙄𝘼𝙉'𝙉𝙔 𝙁𝙄𝙃𝙊𝙏𝙎𝘼𝙃𝘼𝙉𝘼 𝙈𝘼𝙉𝙊𝘿𝙄𝘿𝙄𝙉𝘼 𝙉𝙔 𝙀𝙎𝙋𝘼𝘾𝙀 𝙎𝙀𝙉𝙎𝘼𝙎.

𝐴𝑛𝑡𝑎𝑛𝑎𝑛𝑎𝑟𝑖𝑣𝑜, 29 𝑂𝑘𝑡𝑜𝑏𝑟𝑎 2026.

📌 Loza manambana no sady loza mitatao ho an'ireo mponina manodidina ny espace SENSAS ny fisian'ny hantsana izay misy vatobe efa ahitana fahavakisana.

👉Taorian'ny fijerena ny zava-misy herinandro lasa izay dia nidina teny an-toerana fanindroany ny avy amin'ny BNGRC sy ny kaomina Antananarivo renivohitra, nilaza ny zava-misy tamin'ireo mponina manodidina ary nanentana ny amin’ny tokony hataon'izy ireo mba tsy hanafaingana ny fihotsahana.

📍Tapaka fa hanamboatra lakandrano hafa tsy mandalo akaikin'ity toerana ahiahiana ity ny mponina, ka hanao tantsoroka izao ny kaomina. Tsy tokony hisy araka izany ny fanorenana manakaiky ny hantsana mba hisorohana ny loza ho aterany.

30/10/2026

𝘽𝙉𝙂𝙍𝘾 : 𝙈𝘼𝙉𝘼𝙈𝘼𝙁𝙔 𝙉𝙔 𝙁𝘼𝙉𝘿𝙍𝙄𝙉𝘿𝙍𝘼𝙉𝘼 𝙉𝙔 𝙁𝘼𝙈𝘼𝙇𝙄𝘼𝙉𝘼 𝙉𝙔 𝙏𝙊𝙀-𝙅𝘼𝙑𝘼𝙏𝙍𝘼 𝙈𝘼𝙄𝙆𝘼

26–27 𝑂𝑘𝑡𝑜𝑏𝑟𝑎 2026 | 𝐼𝐿𝑂 𝐻𝑜𝑡𝑒𝑙, 𝐴𝑛𝑜𝑠𝑖𝑎𝑙𝑎

📍Nanatanteraka atrikasa famolavolana ny Standard Operating Procedure ( SOP) nasionaly ireo teknisianina Sy tompon’andraikitra ao amin’ny Birao Nasionaly misahana ny Loza sy ny Tandindon-doza (BNGRC).

Ny SOP dia antontan-taratasy mamaritra mazava ny dingana arahina, ny andraikitry ny tsirairay, ny fomba fifandraisana ary ny fandrindrana ny asa rehefa misy loza na voina mitaky vonjy taitra.

🎯 Ny tanjona ny hametraka fomba fiasa mazava sy mirindra ho an’ny BNGRC amin’ny fitantanana ny loza sy ny tandindon-doza, manomboka amin’ny fiomanana sy ny fampitandremana mialoha, mandritra ny famaliana vonjy taitra, ka hatramin’ny fanarenana aorian’ny loza. Izay mifototra amin’ny Drafitra Nasionaly fiarovana (Plan de contingence) sy ny vinavinan’ny toetr’andro ho an’ny vanim-potoana 2026–2027 .

Nifantoka tamin’ireto lafiny lehibe ireto ny atrik’asa:

🔹 Famaritana mazava ny andraikitry ny sampana sy ny tomponandraikitra tsirairay, manomboka amin’ny J-7 ka hatramin’ny J+7.

🔹 Fanatsarana ny fifanakalozam-baovao, ny fandefasana tatitra ary ny fampandrenesana ny vahoaka.

🔹 Fampidirana ireo hetsika mialoha ny fisian’ny loza (Actions Anticipatoires).

🔹 Fitsapana ny drafitra amin’ny alalan’ny fanazaran-tena mifototra amin’ny toe-javatra mety hitranga eny an-kianja.

📌 Ny lesona noraisina nandritra ny vanim-potoana 2025–2026 no fototra hanatsarana ity fomba fiasa ity, ho fanamafisana ny fiomanan’ny BNGRC.

30/10/2026

𝘽𝙉𝙂𝙍𝘾 : 𝙈𝘼𝙉𝘼𝙈𝘼𝙁𝙔 𝙉𝙔 𝙁𝘼𝙉𝘿𝙍𝙄𝙉𝘿𝙍𝘼𝙉𝘼 𝙉𝙔 𝙎𝙀𝙍𝘼𝙎𝙀𝙍𝘼 𝘼𝙈𝙄𝙉’𝙉𝙔 𝙁𝙄𝙏𝘼𝙉𝙏𝘼𝙉𝘼𝙉𝘼 𝙉𝙔 𝙇𝙊𝙕𝘼 𝙎𝙔 𝙉𝙔 𝙏𝘼𝙉𝘿𝙄𝙉𝘿𝙊𝙉-𝘿𝙊𝙕𝘼

26–27 𝑂𝑘𝑡𝑜𝑏𝑟𝑎 2026 | 𝐼𝐿𝑂 𝐻𝑜𝑡𝑒𝑙, 𝐴𝑛𝑜𝑠𝑖𝑎𝑙𝑎

📍Sehatra iray lehibe amin’ny fiomanana sy ny fiatrehana ny loza sy ny tandindon-doza ny fampitana vaovao mazava, marina ary ara-potoana. Antony nanatanterahina ny atrik’asa fandrafetana sy ny fankatoavana ny fomba fiasa iombonana na ny atao hoe Standard Operating Procedure ( SOP) momba ny serasera, eo anivon’ny GTTC-Ifandray na Vondrona Teknika misahana ny Serasera momba ny Loza sy ny Tandindon-doza. Isany nandray anjara tamin’izany ny Birao Nasionaly misahana ny Loza sy ny Tandindon-doza (BNGRC), niaraka tamin’ireo ministera sy sampan-draharaham-panjakana voakasika, ireo vondrona teknika ary ireo mpiara-miombon’antoka amin’ny asa mahaolona.

🎯 Ny tanjona ny hampifandrindra ny serasera sy ny fampitam-baovao eo amin’ireo mpisehatra, mba hahazoan’ny mponina hafatra mirindra sy azo itokisana, indrindra mandritra ny fiomanana sy ny fiatrehana ny loza.

👉Nifantoka tamin’ny famaritana ny andraikitry ny mpisehatra tsirairay, ny fampirindrana ireo hafatra fototra, ny fanamafisana ny serasera eny ifotony, ny fandraisana ny fanehoan-kevitra sy ny fitarainan’ny mponina, ary ny fanatanterahana fanazaran-tena an-databatra hitsapana ny fomba fampitana vaovao ny asa natao.

🤝 Dingana lehibe amin’ny fanamafisana ny fiaraha-miasa sy ny fandrindrana ny serasera ity atrikasa ity, ho fanomanana ny vanim-potoanan’ny rivodoza 2026–2027.
Ny serasera mirindra sy ara-potoana dia antoky ny fiomanana mahomby sy ny fiarovana ny mponina manoloana ny loza.


Croix-Rouge Malagasy
Programme Alimentaire Mondial
Welthungerhilfe Madagascar - WHH
Handicap International - Humanity & Inclusion
UNICEF Madagascar

28/10/2026

𝘽𝙉𝙂𝙍𝘾 – 𝙐𝙉𝙁𝙋𝘼 : 𝙈𝘼𝙉𝘼𝙈𝘼𝙁𝙔 𝙉𝙔 𝙁𝙄𝙊𝙈𝘼𝙉𝘼𝙉𝘼 𝙎𝙔 𝙉𝙔 𝙁𝙄𝘼𝙍𝙊𝙑𝘼𝙉𝘼 𝙉𝙔 𝙑𝘼𝙃𝙊𝘼𝙆𝘼 𝙈𝘼𝙉𝙊𝙇𝙊𝘼𝙉𝘼 𝙉𝙔 𝙁𝙄𝙊𝙑𝘼𝙊𝙑𝘼𝙉’𝙉𝙔 𝙏𝙊𝙀𝙏𝙍’𝘼𝙉𝘿𝙍𝙊

29 𝑂𝑘𝑡𝑜𝑏𝑟𝑎 2026

🌦️ Ho fanamafisana ny fiomanana amin’ny vanim-potoanan’ny rivodoza 2026–2027, ny Birao Nasionaly misahana ny Loza sy ny Tandindon-doza (BNGRC), ny Tahirin’ny Firenena Mikambana misahana ny Mponina (UNFPA), ny Minisiteran’ny Mponina ary ny Minisiteran’ny Fahasalamam-bahoaka dia miara-mandinika ny tatitra momba ny fanombanana ny faharefoan’ny mponina manoloana ny fiovaovan’ny toetr’andro eto Madagasikara.

🤝 Ny fanadihadiana notanterahin’ny kabinetra MANISA dia mifantoka amin’ny fiantraikan’ny tranga EL NIÑO eo amin’ny fahasalamana, ny zo ara-pananahana, ny VIH ary ny herisetra mifototra amin’ny miralenta. Ity atrikasa ity dia natao handinihana sy hanatsarana ny vokatra azo, hamantarana ireo vondron’olona marefo sy ny filàny manokana, ary hamolavolana tolo-kevitra azo ampiharina amin’ny fisorohana sy ny fiatrehana ny loza.

📌 Ireo vokatra ireo dia handray anjara amin’ny fanatsarana ny drafitra vonjy taitra sy ny fandrindrana ny asa, indrindra amin’ny fiantohana ny fitohizan’ny tolotra ara-pahasalamana sy ny fanamafisana ny fiarovana ny mponina mialoha, mandritra ary aorian’ny loza.


UNFPA Madagascar