BNGRC

𝗕𝗡𝗚𝗥𝗖 : 𝗛𝗮𝗺𝗲𝘁𝗿𝗮𝗸𝗮 𝗣𝗮𝗶𝗸𝗮𝗱𝘆 𝗩𝗮𝗼𝘃𝗮𝗼 𝗵𝗼 𝗙𝗮𝗻𝗮𝘁𝘀𝗮𝗿𝗮𝗻𝗮 𝗻𝘆 𝗙𝗶𝘁𝗮𝗻𝘁𝗮𝗻𝗮𝗻𝗮 𝗻𝘆 𝗟𝗼𝘇𝗮 𝘀𝘆 𝗻𝘆 𝗧𝗮𝗻𝗱𝗶𝗻𝗱𝗼𝗻-𝗱𝗼𝘇𝗮

🌦️Ho fanamafisana ny fiomanana sy ny fiatrehana ny vanim-potoanan’ny fahavaratra 2026–2027, dia nanatanteraka fikaonandoha ireo tompon’andraikitra eo anivon’ny BNGRC manerana an’i Madagasikara.

🌀 Ny tanjon’ity fikaonandoha ity dia ny hanatsarana ireo paikady entina mitantana ny loza sy ny tandindon-doza. Ohatra akaiky noraisina sy niaingan’ny adihevitra ny fandrindrana natao nandritra ny fandalovan’ny rivodoza FITYA sy GEZANI farany teo.

⚙️ Ankoatra izany, nandinika ireo lafiny mifandraika amin’ny fandaminana anatiny sy ny fanatsarana ny fomba fiasa ihany koa ireo mpandray anjara nandritra ity fikaonandoha ity, ho fanamafisana ny fahombiazan’ny asa sy ny andraikitra sahanin’ny BNGRC.

OLONA MANODIDINA NY 23 270 AVY AMIN'NY COMMUNE 6 INDRAY NO NISITRAKA NY VONJE LONGO TAO AMBOVOMBE SY AMBOASARY .

Ambovombe, 22 Mai 2026.

Mitohy hatrany ny fijerena sy fanampiana ireo olona marefo sy ahiana ho tratry ny tsy fanjarian-tsakafo any amin'ny Distrikan'Amboasary sy ny Distrikan'Ambovombe ao anatin'ilay tetikasa VONJE LONGO izay entin'ny BNGRC hanampiana ireo vahoaka sahirana ka kaomina 6 no voajery manokana dia ny kaomina Mahaly, Tomboarivo, ary Ranobe ho an'ny Distrikan'Amboasary; Ny kaomina Maroalimainty, Ambazoa ary Ambovombe Ambovombe kosa ho an'ny Distrikan'Ambovombe.

Fianakaviana manodidina 4700 na olona manodidina ny 23270 no nahazo tombony manokana tamin' ity indray mitoraka ity izay samy nahazo ny anjara fanampiany avokoa satria dia naterin'ny ekipan'ny BNGRC antanana avokoa ny anjara fanampian'izy ireo.

Izao no natao dia ho fanohizan'ny fitondram-panjakana amin'ny alalan'ny BNGRC ny fiahiana sy ny fandraisana antanana ny mponina mba ahafahan'izy ireo manohy ny asany sy ny fitadiavana izay ataony ho fameloman-tenany.
Minisiteran'ny Atitany sy ny Fitsinjaram-pahefana - Pejy ofisialy
BNGRC

𝗥𝗜𝗩𝗢𝗗𝗢𝗭𝗔 𝗚𝗘𝗭𝗔𝗡𝗜 : 𝗠𝗜𝗧𝗢𝗛𝗬 𝗡𝗬 𝗙𝗔𝗡𝗔𝗠𝗣𝗜𝗔𝗡𝗔 𝗦𝗬 𝗙𝗔𝗡𝗔𝗥𝗘𝗡𝗔𝗡𝗔 𝗧𝗔𝗢 𝗧𝗢𝗔𝗠𝗔𝗦𝗜𝗡𝗔

20 𝑀𝑎𝑖 2026 - 𝑇𝑎𝑚𝑎𝑡𝑎𝑣𝑒

🌪️ Taorian’ireo asa fanampiana sy fanarenana efa notanterahin’ny BNGRC, izay nandrindra ny fanampiana avy amin’ny Fitondram-panjakana sy ireo mpiara-miombon’antoka ho an’ireo sokajin’olona marefo, fikambanana, tobim-pahasalamana ary fiangonana samihafa tao Toamasina, ao anatin’ny fiatrehana ny voka-dratsin’ny rivodoza GEZANI, dia mbola notohizana hatrany izany ezaka izany tamin’ny fanolorana ireo fitaovana voaray, toy ny tafo fanitso sy ireo kojakoja fanorenana isan-karazany ho tantanin'ny UCR.

🏗️ Ny Unité de Coordination pour de la Reconstruction de la ville de Tamatave (UCR) no handrindra ny fizarana sy ny fampiasana ireo fitaovana ireo, ho fanamafisana ny fahombiazan’ny asa fanarenana eny ifotony.

🤝 Etsy ankilany, nomena fitaovana fanohanana amin’ny fanatanterahana ny andraikiny ihany koa ireo hery fiarovana sy filaminana, ahitana ny Zandarimariam-pirenena, ny Polisim-pirenena, ny Tafika Malagasy ary mbola nahazo ny anjarany ihany koa ny Mpandraharahan’ny Fonja.

𝗥𝗜𝗩𝗢𝗗𝗢𝗭𝗔 𝗚𝗘𝗭𝗔𝗡𝗜 : 𝗠𝗜𝗧𝗢𝗛𝗬 𝗡𝗬 𝗙𝗜𝗭𝗔𝗥𝗔𝗡𝗔 𝗙𝗔𝗡𝗔𝗠𝗣𝗜𝗔𝗡𝗔 𝗛𝗢 𝗔𝗡’𝗜𝗥𝗘𝗢 𝗢𝗟𝗢𝗡𝗔 𝗠𝗔𝗥𝗘𝗙𝗢 𝗔𝗠𝗜𝗡’𝗡𝗬 𝗔𝗟𝗔𝗟𝗔𝗡’𝗡𝗬 𝗙𝗜𝗞𝗔𝗠𝗕𝗔𝗡𝗔𝗡𝗔 𝗦𝗬 𝗙𝗜𝗔𝗡𝗚𝗢𝗡𝗔𝗡𝗔

🌪️ Telo volana taorian’ny nandalovan’ny rivodoza GEZANI dia mbola mitohy hatrany ny asa fanarenana ao Toamasina, amin’ny alalan’ny fizarana ireo fanampiana avy amin’ny fitondram-panjakana sy ireo mpiara-miombon’antoka, izay tanterahin’ny BNGRC. Anisan’ireo misitraka izany fanampiana izany ireo olona marefo sy ireo rafitra manampy ny fiarahamonina, toy ny fikambanana mitaiza olona manana fahasembanana, ny fikambanan'ny Be Antitra, ireo tobim-pahasalamana ary ireo fiangonana mandrafitra ny FFKM.

🤝 Ao anatin’ny hetsika fanohanana sy fanampiana notanterahina nandritra ny telo andro, dia nahazo fanampiana ireo fikambanana miisa 11, ireo Fiangonana mandrafitra ny FFKM (Fiangonana Katolika, FJKM, Anglikanina ary FLM), ary ireo toeram-pitsaboana ka ny Fitaleavam-paritry ny Fahasalamananisahana no nisahana ny fandraisana sy ny fizarana ireo entana natolotra. Tafiditra tao anatin’ireo fanampiana nozaraina ny sakafo, akanjo, lamba firakotra ary ireo kojakoja ilaina amin’ny fiainana andavanandro, niaraka tamin’ireo fitaovana fanadiovana sy fidiovana.

BNGRC NANOLOTRA FANITSO 2772 HANAFOANA NY CITÉ UNIVERSITAIRE N'I BARIKADIMY.

Toamasina, 15 mai 2026.

Fanitso Galva manana ny hatevina 0,60 miisa 2772 no natolotry ny BNGRC ho an'ny Oniversiten'i Barikadimy Toamasina ny farany herinandro teo, hanamboarana ny trano fianarana sy ny trano fonenan'ireo Mpianatra ireo izay simba noho ny rivodoza Gezani .
Tsy vitan'izay fa nampiarahina amin'ireo kojakoja ahafahana mametaka azy ireto Fanitso ireto mba tsy hanahirana intsony fa avy hatrany dia mametaka sisa, toy ny silicone, ny teinture anti rouille, cornière na rairay izay mitovy isa amin'ny fanitso,teo ihany koa ny faîtière, ny tôle de rive ary ny fantsika sns.

Vokatry ny fifampresahana teo amin'ny Filoha Lefitry ny Antenimieram-pirenena misahana ny faritra Atsinanana sy ny Tale Jeneralin’ny BNGRC no nanafaingana ny fanomezana an'ireto fanitso ireto taorian'ny Fangatahan'ny Mpianatra.

Fantatra fa ireo Mpianatra ao Barikadimy ireo ihany no handray antanana amin'ny fametahana ireto Fanitso ireto ka 3 herinandro eo ho eo no hanaovan'izy ireo izany.
Minisiteran'ny Atitany sy ny Fitsinjaram-pahefana - Pejy ofisialy
BNGRC

𝗙𝗔𝗡𝗗𝗔𝗛𝗔𝗥𝗔𝗡'𝗔𝗦𝗔 𝗥𝗘𝗣𝗔𝗜𝗥 : 𝗡𝗜𝗥𝗢𝗦𝗢𝗔𝗡𝗔 𝗡𝗬 𝗔𝗧𝗥𝗜𝗞𝗔𝗦𝗔 𝗔𝗙𝗧𝗘𝗥 𝗔𝗖𝗧𝗜𝗢𝗡 𝗥𝗘𝗩𝗜𝗘𝗪 (𝗔𝗔𝗥)

12,13 𝑀𝑎𝑖 2026- 𝐼𝐵𝐼𝑆 𝐴𝑛𝑘𝑜𝑟𝑜𝑛𝑑𝑟𝑎𝑛𝑜

📌Vokatry ny asa ara-teknika sy ara-pitantanana nandritra ny taom-pahavaratra sy ny rivodoza 2025–2026, dia notanterahina androany ny atrikasa After Action Review (AAR) ny fandaharan'asa Regional Emergency Preparedness and Access to Inclusive Recovery (REPAIR). Nanomboka tamin’ny volana Desambra 2025 dia efa in-efatra no nampiharina teto Madagasikara ny rafitra famatsiam-bola an’ny REPAIR, izay nahitana famatsiam-bola mialoha sy aorian’ny fandalovan’ny rivodoza FYTIA sy GEZANI, tamin’ny alalan’ny FID sy FNC.

👉Ity atrikasa ity dia natao handinihana sy hanaovana tombana ireo asa efa vita mifandraika amin’ny tetikasa, mba hanangonana lesona azo tsoahina sy hamantarana ireo lafiny mbola mila fanatsarana. Nohamafisina nandritra izany ihany koa ny maha-zava-dehibe ny fiaraha-miasa sy ny fifampizarana traikefa eo amin’ireo rafitra voakasika, ho fanamafisana ny fahavononana sy ny fahaiza-mamaly manoloana ny loza voajanahary sy ny fiantraikan’ny fiovaovan’ny toetr’andro.

🤝Ny atrikasa dia notanterahina teo ambany fitarihan’ny Minisiteran’ny Toekarena sy ny Fitantanam-bola (MEF), niaraka tamin’ny BNGRC, FID, SOLIDIS sy ireo mpiara-miombon’antoka ara-teknika sy ara-pitantanana ny tetikasa.

𝗦𝗚𝗗 – 𝗕𝗡𝗚𝗥𝗖 – 𝗖𝗢𝗜 : 𝗙𝗜𝗙𝗔𝗠𝗣𝗜𝗭𝗔𝗥𝗔𝗡𝗔 𝗧𝗥𝗔𝗜𝗞𝗘𝗙𝗔 𝗠𝗢𝗠𝗕𝗔 𝗡𝗬 𝗙𝗔𝗠𝗣𝗜𝗔𝗦𝗔𝗡𝗔 𝗗𝗥𝗢𝗡𝗔 𝗔𝗠𝗜𝗡’𝗡𝗬 𝗙𝗜𝗧𝗔𝗡𝗧𝗔𝗡𝗔𝗡𝗔 𝗡𝗬 𝗟𝗢𝗭𝗔

🌍 Ao anatin’ny ezaka fanatsarana ny fitantanana ny loza amin’ny alalan’ny fampiasana teknolojia maoderina, no niantohan’ny BNGRC ny fanehoana an’i Madagasikara nandritra ny atrikasa isam-paritra mikasika ny fampiasana drôna amin’ny fitantanana ny loza sy ny tandindon-doza, nokarakarain’ny Vaomieran’ny Ranomasimbe Indiana (COI) miaraka amin’ny fanohanan’ny Vondrona Eoropeana.

🤝 Firenena efatra toy i Madagasikara, Maurice, Seychelles ary Comores no nandray anjara tamin’ny fifanakalozana traikefa sy fomba fanao amin’ny fampiasana drôna amin’ny fanohanana ny asa vonjy taitra sy ny fanombanana haingana ny fahasimbana.

🛰️ Nandritra ny atrikasa, ny BNGRC dia nizara traikefa mifototra amin’ny fiatrehana ny rivodoza Gezani, indrindra ny fampiasana drôna amin’ny fanangonana vaovao eny an-kianja sy ny fanohanana ny fandrindrana ny asa vonjy taitra. Nasongadina ihany koa ny fisian’ny sous-groupe Drone eto Madagasikara, izay efa miasa ao anatin’ny rafitra nasionalin'ny fitantanana ny loza. Nanasa ireo mpiara-miombon’antoka nasionaly toy ny Vondrona Vonjy Taitra ( Corps de la Protection Civile), ny Mpamonjy Voina (Corps des Sapeurs-Pompiers), ary ny Tafika an’habakabaka ihany koa ny BNGRC, izay samy mandray anjara na mampiasa drôna amin’ny asa vonjy taitra, mba hanamafisana ny fiaraha-miasa sy ny fifampizarana traikefa.

🗺️ Nifarana tamin’ny famolavolana sori-dalana isam-paritra ny atrikasa, mikendry ny hanatsara ny fampiasana drôna amin’ny dingana rehetra amin’ny fitantanana ny loza: fiomanana, fiatrehana ary fanarenana, ary hanamafy ny fiaraha-miasa eo amin’ireo firenena mpikambana ao amin’ny faritra.

𝗔𝗡𝗗𝗥𝗢 𝗜𝗥𝗔𝗜𝗦𝗔𝗠-𝗣𝗜𝗥𝗘𝗡𝗘𝗡𝗔 𝗛𝗢𝗔𝗡’𝗡𝗬 𝗖𝗥𝗢𝗜𝗫-𝗥𝗢𝗨𝗚𝗘, 𝗖𝗥𝗢𝗜𝗦𝗦𝗔𝗡𝗧-𝗥𝗢𝗨𝗚𝗘 : 𝗠𝗜𝗥𝗔𝗬 𝗛𝗜𝗡𝗔 𝗛𝗢𝗔𝗡’𝗡𝗬 𝗠𝗔𝗛𝗔 𝗢𝗟𝗢𝗡𝗔 𝗡𝗬 𝗟𝗢𝗛𝗔-𝗛𝗘𝗩𝗜𝗧𝗥𝗔 𝗔𝗠𝗜𝗡’𝗜𝗧𝗬 𝗧𝗔𝗢𝗡𝗔 𝗜𝗧𝗬

08 𝑀𝑎𝑖 2026, 𝑀𝑎𝒉𝑎𝑚𝑎𝑠𝑖𝑛𝑎

⛑️Isan’ireo mpisehatra anatin’ny fitantanana ny loza sy ny tandidonin-doza ny croix rouge Malagasy izay mankalaza ny andro iraisam-pirenena androany. Fampiratiana tamin’ny trano eva momban’ireo asa iantsorohona niarahana tamin’ireo mpisehatra mitovy andraikitra no nifantohan’ny fankalazana ka tafiditra tao anatin’izany ny Birao Nasionaly misahana ny loza sy ny tandindonin-doza na ny BNGRC.

📌Hiray hina hoan’ny maha olona, araka ny loha-hevitra hoan’ity taona ity ireo mpisehetra rehetra araka ny laha-teny nifandimbiasana androany ary hanamafy ny fiara-miasa efa nisy hatramin’izay.

𝗙𝗜𝗔𝗧𝗥𝗘𝗛𝗔𝗡𝗔 𝗟𝗢𝗭𝗔 𝗩𝗢𝗔𝗝𝗔𝗡𝗔𝗛𝗔𝗥𝗬 : 𝗙𝗔𝗥𝗜𝗧𝗥𝗔 𝗧𝗘𝗟𝗢 𝗡𝗢 𝗛𝗜𝗦𝗜𝗧𝗥𝗔𝗞𝗔 𝗡𝗬 𝗧𝗘𝗧𝗜𝗞’𝗔𝗦𝗔 𝗘𝗖𝗛𝗢 𝗦𝗔𝗜𝗢 𝗛𝗔𝗡𝗔𝗟𝗘𝗙𝗔𝗛𝗔𝗡𝗔 𝗡𝗬 𝗙𝗜𝗔𝗧𝗥𝗔𝗜𝗞𝗔𝗡𝗬

06 𝑀𝑎𝑖 2026, 𝑇𝑎𝑙𝑎𝑡𝑎𝑚𝑎𝑡𝑦

☑️ Paik’ady iray nahitam-pahombiazana hatramin’ny taona 2015 ny « Action Anticipatoire » na ny asa antsoroka hiatrehana ny loza sy tandindonin-doza. Mbola hifantoka amin’izany ny tetik’asa ECHO SAIO ary hiompana betsaka amin’ny tondra-drano sy ny haintany amin’ity.

🌍 Faritra telo no hisitraka ny tetik’asa dia Analamanga, Sava ary Diana. Tanjona ary ezaky ny fitondram-panjakana ny hanapariahana ny tetik’asa tahaka itony ahafahana manalefaka araka izay azo atao ny fiatraikany manoloana ny loza hoy ny tale jeneralin’ny BNGRC.

✍️ Niara-nikaondoha amin’ny hampaombiazana ny tetik’asa ireo rafitra mpisehatra eto Madagasikara, ny BNGRC, ny Météo Madagascar ary ny Vokovoko mena niaraka tamin’ireo mpiara-miombonantoka tahaka ny PAM (Programme Alimentaire Mondial).

🇪🇺 Ny vondrona Eropeana no hamatsy vola ity tetik’asa ity ary roa taona ny faharetany.