29/10/2026
بتاریخ : 29-10-2026
جنرل سیکریٹری شاہد فراز مہاجر قومی موومنٹ(پاکستان)
نگر پارکر سے پہلے کراچی میں حادثات کے لواحقین کو معاوضہ اداکیا جائے،شاہد فراز
وزیراعلی سندھ کراچی کے ٹیکس کے متعصبانہ استعمال سے گریز کریں،
کراچی SBR کو 97 فیصد ٹیکس اداکرتا ہے،مگر روزانہ حادثات،کو ئی معاوضہ نہیں۔
مہاجر قومی موومنٹ (پاکستان) کے سیکریٹری جنرل شاہد فراز نے کہا ہے کہ کراچی شہر میں روزانہ پیش آنے والے ٹریفک حادثات اور اسٹریٹ کرائم میں جاں بحق ہونے والے افراد کے لواحقین کو معاوضہ فراہم نہیں کیا جاتاجبکہ سندھ حکومت کی جانب سے سندھ نگر پارکے حادثے کا شکارافراد کے لواحقین کووزیراعلی کی جانب سے 20 لاکھ روپے فی کس معاوضے کا اعلان کراچی دشمن اور
متعصبانہ اقدام ہے جسکی پرزور مذمت کرتے ہیں۔چیئرمین آفاق احمد کی رہائشگاہ پر اپنے ایک بیان میں شاہد فرازنے پر زور مطا لبہ کیا ہے کہ اس معاوضہ کی ادایگی سے پہلے کراچی میں حادثات کے متاثرین کی مالی معاونت یقینی بنائے۔کراچی کی آمدنی پر حق جتانے والے غیر مقامی حکمران کراچی کے شہریوں کی قیمتی جانوں کی ذمہ داری بھی قبول کریں۔شاہد فراز نے وزیراعلی سندھ سے کہا ہے کہ وہ کراچی کے ٹیکس کا متعصبانہ، ووٹ بینک کی سیاست سے گریز کریں۔شاہد فراز نے کہا ہے کہ کراچی سندھ بورڈ آف ریونیو (SBR) کو سالانہ ٹیکس کا 97 فیصد ادا کرتا ہے، لیکن افسوس کہ اسی شہر کے شہری ٹریفک حادثات سمیت دیگر سانحات میں اپنے پیاروں کو کھو دیتے ہیں اور متاثرہ خاندان قانون کے مطابق حکومتی معاوضے کے منتظر رہتے ہیں۔انہوں نے کہا آخر کراچی کے ٹیکس ادا کرنے والے عوام کب تک اپنے پیاروں کی جانوں کا نقصان خود برداشت کرتے رہیں گے۔شاہد فراز نے کہا کہ کراچی کے شہریوں کو محض ٹیکس دینے والے نہیں، برابر کے حق دار شہری سمجھا جائے۔
جاری کردہ:شعبہ نشرواشاعت