Kópavogsbær

Veðrið lék við bæjarbúa á hátíðarhöldum á þjóðhátíðardaginn í Kópavogi.

Haldið var upp á þjóðhátíðardaginn með skrúðgöngu og skemmtiatriðum á tveimur hátíðarsvæðum, við Rútstún og Versali.
Venju samkvæmt leiddu skátarnir og Skólahljómsveit Kópavogs skrúðgönguna sem hófst við MK og lauk á Rútstúni.

Fjallkona Kópavogs var í ár Ósk Gunnarsdóttir fjölmiðlakona og steig hún á svið á Rútstúni.

Kynnar voru Eva Ruza og Hjálmar Örn á Rútstúni en Saga Garðarsdóttir og Snorri Helgason við Versali. Þau sem komu fram voru Bríet, Úlfur Úlfur, Solla stirða og Íþróttaálfurinn, Væbræðurnir og Leikhópurinn Lotta.

Við þökkum fyrir komuna!

🥳Kópahvoll stækkar

👏60 leikskólapláss bætast við í Kópavogi þegar nýtt húsnæði leikskólans Kópahvols verður tekið í notkun.

🏠Húsnæðið stendur við Skólatröð, framkvæmdir ganga vel og er stefnt að því að þeim ljúki í nóvember.

🫶Halla Ösp Hallsdóttir, leikskólastjóri og Stefanía Herborg Finnbogadóttir, aðstoðarleikskólastjóri Kópahvols, kíktu við í Skólatröð á dögunum ásamt Sigrúnu Huldu Jónsdóttur deildarstjóra leikskóladeildar og Önnu Birnu Snæbjörnsdóttur sviðsstjóra menntasviðs.

🌺Flott viðbót í leikskólaflóruna – áfram leikskólar í Kópavogi 😊

💚Við erum stolt af því að hjá Kópavogsbæ hefur verið þróuð lausn að stafrænu innra mati leikskólanna í bænum.

🥳Það þýðir að núna er samstundis hægt að nálgast niðurstöður, vinna úr gögnum og skoða tölfræði sem aftur auðveldar upplýsta ákvarðanatöku og tengingu matsins við umbótaverkefni og starfsáætlanir.

👏Verkefnið er unnið í samvinnu leikskóladeildar, skrifstofu menntasviðs og skrifstofu umbóta og þróunar sem þróuðu og prófuðu lausnina sem nýtt er fyrir matið. Þá tóku fjórir leikskólar þátt í því að prufukeyra verkefnið á vormisseri, Dalur, Núpur, Baugur og Grænatún.

🙏Stafrænt mat verður innleitt í alla leikskóla í haust.

Áfram leikskólar í Kópavogi – til hamingju öll

Umhverfisviðurkenningar Kópavogs eru veittar ár hvert og nú er leitin hafin að fallegum görðum, húsum og öðru sem prýðir umhverfið okkar í bænum.

Hægt er að tilnefna einstaklinga, fjölskyldur, fyrirtæki, stofnanir eða félagasamtök, sem og einstök hús eða lóðir, sem hafa skarað fram úr í að bæta umhverfi sitt og annarra

Sólarhelgi framundan og tilvalið að fá sér göngutúr um Kópavog og skoða umhverfið.

Tilnefningar sendar inn á vef Kópavogsbæjar.

Dagana 25.–30. maí fóru stjórnendur félagsmiðstöðva í Kópavogi, ásamt verkefnastjóra og deildarstjóra frístundadeildar, í starfsþróunarferð til Dublin á vegum Erasmus+.

Í ferðinni heimsótti hópurinn meðal annars Youth Work Ireland og þrjár félagsmiðstöðvar, þar sem fengin var dýrmæt innsýn í alþjóðlegt frístundastarfs barna og ungmenna. Sérstaklega vakti athygli öflugt stuðningshlutverk starfseminnar, breiður aldurshópur þátttakenda og sterk fagmennska starfsfólks.

Ferðin var afar lærdómsrík og mun nýtast vel til áframhaldandi þróunar og eflingar frístundastarfs í Kópavogi 🌱

Allt að gerast á nýjum Arnarnesvegi sem óðum tekur á sig mynd.

Fyrsti fundur nýrrar bæjarstjórnar var haldinn þriðjudaginn 9.júní.

Ellefu er í bæjarstjórn Kópavogs og eru kjörnir aðalfulltrúar þau Ásdís Kristjánsdóttir, Hjördís Ýr Johnson, Andri Steinn Hilmarsson, Elísabet Berglind Sveinsdóttir, Guðmundur Jóhann Jónsson og Hildur Einarsdóttir, Sjálfstæðisflokki. Orri Vignir Hlöðversson, Framsóknarflokki, Jónas Már Torfason og Eydís Inga Valsdóttir, Samfylkingu, María Ellen Steingrímsdóttir, Viðreisn og Einar Jóhannes Guðnason, Miðflokki.

Áður er fundur hófst var smellt í myndatöku af hópnum en þess má geta að Karen Rúnarsdóttir varabæjarfulltrúi tók sæti Hjördísar í gær. Fimm flokkar eiga fulltrúa í bæjarstjórn og oddvitana má sjá saman á mynd.

Á fundinum var samþykkt að endurráða Ásdísi Kristjánsdóttur sem bæjarstjóra, málefnasamningur meirihluta Sjálfstæðisflokks og Framsóknar kynntur og kosið í ráð, nefndir og stjórnir þar sem Kópavogur hefur fulltrúa.

Til hamingju öll

Nánar 👇