Veðurstofa Íslands

Home
Iceland
Reykjavík
Veðurstofa Íslands

Call Directions Website Contact the organization

Veðurstofa Íslands mælir, rannsakar og miðlar upplýsingum. Höfuðstöðvar Veðurstofunnar eru að Bústaðavegi 7 í Reykjavík. Sími: 522 6000. Tel +354 522 6000.

Hún hefur eftirlit með ástandi og sendir út viðvaranir vegna veðurs, jarðhræringa, ofanflóða og vatnsflóða. Vefur: www.vedur.is Tölvupóstur: [email protected]. The IMO Headquarters lie on Bústadavegur 7, Reykjavik. Website: en.vedur.is. Email: [email protected].

29/10/2026

Manstu eftir snjónum fyrir ári á suðvesturhorninu? ❄️

Á þessum degi fyrir ári, 29. október 2025, mældist snjódýptin í Reykjavík 40 sentímetrar. Aldrei hafði mælst meiri snjódýpt í október frá upphafi mælinga árið 1921. Fyrra metið, áður en þessi snjókoma hófst, var 15 sentímetrar og hafði staðið í rúma öld.

Á myndinni er Sigríður Magnea Óskarsdóttir, náttúruvársérfræðingur, við mælingar í mælireit Veðurstofunnar á Bústaðavegi þennan morgun.

Við eigum mörg sterkar veðurminningar. Snjór sem lokaði götunni, óveður sem breytti ferðaplönum eða sólardagur sem virtist engan enda ætla að taka. Mælingarnar hjálpa okkur síðan að setja minningarnar í samhengi.

Hvað er þér minnisstæðast frá þessum snjóadögum?

24/10/2026

Gleðilegan vetur! ❄️

Í dag er fyrsti vetrardagur. En vissir þú að vetrarbyrjun er talin hafa markað upphaf nýs árs að fornu?

Í gamla íslenska tímatalinu skiptist árið í tvö misseri, sumar og vetur. Tíminn var gjarnan talinn í vetrum og nóttum fremur en árum og dögum. Veturinn og nóttin voru talin koma fyrst og vetrarbyrjun markaði þannig upphaf nýs árs, eins og Terry Gunnell þjóðfræðingur fjallar um á Vísindavefnum.

Með fyrsta vetrardegi hefst gormánuður. Nafnið tengist sláturtíðinni og vísar til gors, hálfmeltrar fæðu í innyflum dýra. Á haustin var safnað matarbirgðum fyrir veturinn, en óvissan var líka til staðar: Myndu heyfengur og matur endast fram á vor?

Gömlu vetrarmánuðirnir eru s*x: gormánuður, ýlir, mörsugur, þorri, góa og einmánuður. Þeir ná frá fyrsta vetrardegi að hausti fram að sumardeginum fyrsta að vori. Trausti Jónsson veðurfræðingur hefur notað þessa skiptingu í veðurfarsuppgjörum á vef Veðurstofunnar. Í grein hans um veturinn 2013–2014 má til dæmis sjá hvernig hiti og úrkoma skiptust eftir gömlu vetrarmánuðunum.

Vetrinum var fagnað með veisluhaldi og honum fylgdu líka draugar. Á Íslandi voru haldnar veturnætur og á Írlandi og í norðurhluta Skotlands markaði hátíðin Samhain upphaf vetrar. Á þessum tímamótum voru skilin milli heima talin óljós. Draugar og álfar voru á kreiki samkvæmt þjóðtrúnni og fólk taldi sig jafnvel geta skyggnst inn í framtíðina.

Í hefðunum í kringum Samhain liggur hluti af rótum hrekkjavökunnar. Þegar Írar og Skotar fluttust til Bandaríkjanna fylgdu siðirnir með og grasker tóku við af útskornum næpum sem ljós voru sett í. 🎃

Áður leitaði fólk vísbendinga um framtíðina í þjóðtrúnni. Við rýnum í veðurkortin og fylgjumst með því sem veturinn ber í skauti sér.

Við óskum landsmönnum góðs vetrar!

Nánari lestur:

Trausti Jónsson: Meðalhiti íslenska vetrarins
https://www.vedur.is/vedur/frodleikur/greinar/nr/2885

Terry Gunnell: Hverjar eru hefðir og saga hrekkjavöku?
https://www.visindavefur.is/svar.php?id=5367

Guðrún Kvaran: Hvers konar gor er í gormánuði?
https://www.visindavefur.is/svar.php?id=64391

Myndina tók Matteo Sassola

15/10/2026

Lægðin sem gekk yfir landið í gær setti nýtt októbermet í lágum loftþrýstingi. Á Fagurhólsmýri mældust 934,6 hPa og féll þar met sem hafði staðið frá 1963.

Gervitunglamyndin sýnir skýjakerfi lægðarinnar kl. 13:28 í gær. Á vefnum höfum við tekið saman helstu mælingar og upplýsingar um óveðrið.

https://www.vedur.is/um-vi/frettir/laegsti-loftthrystingur-sem-maelst-hefur-i-oktober

13/10/2026

Djúp lægð nálgast landið í nótt

Mjög djúp og kröpp lægð nálgast landið hratt úr suðri í nótt og skil frá henni ganga inn á landið í fyrramálið með austan stormi og talsverðri úrkomu. Möguleiki er á eldingum í skilunum.

Síðdegis á morgun gengur miðja lægðarinnar inn á land og þá dregur úr vindi og úrkomu sunnan- og austanlands. Hins vegar gengur þá í norðan stórhríð á norðvestanverðu landinu.
Annað kvöld og aðfaranótt fimmtudags færist norðanáttin með hríðinni til austurs eftir norðanverðu landinu og einnig yfir á Austurland. Á Norður- og Austurlandi snjóar væntanlega áfram á fimmtudagsmorgun, en síðan dregur smám saman úr norðanáttinni og ofankomu. Síðdegis á fimmtudag ætti veður að vera orðið skaplegt, en nokkuð kalt.

Lesið hugleiðingar veðurfræðings í heild:
https://gottvedur.is/vaktin/djup-laegd-nalgast-landid-med-stormi,-urkomu-og-hrid/

🟡🟠 Gular og appelsínugular veðurviðvaranir hafa verið gefnar út vegna lægðarinnar. Myndin sýnir yfirlit yfir viðvaranirnar, en þær taka gildi á mismunandi tímum eftir landshlutum.

Fylgist með veðurviðvörunum og lagið áformin að aðstæðum. Á viðvörunarsíðunni má velja landshluta og lesa um veðrið, gildistíma og ráðleggingar. Færið tímasleðann til að sjá hvaða viðvaranir gilda á hverjum tíma:
https://gottvedur.is/vidvaranir/

12/10/2026

🌬️ Dregur til mikilla tíðinda í veðrinu á miðvikudag
Spár gera ráð fyrir að mjög djúp og kröpp lægð fari yfir landið með stormi, mikilli úrkomu og stórhríð á hluta landsins. Spáin er sérlega viðkvæm fyrir breytingum á braut lægðarinnar.

Myndin sýnir viðvaranir sem gilda miðvikudaginn 14. október kl. 22.00, meðal annars appelsínugular viðvaranir á Vestfjörðum og Norðurlandi vestra. Viðvaranir geta breyst eftir því sem nýjar spár berast.

Veðurfræðingur fer yfir horfurnar og óvissuna í spánni hér:
https://gottvedur.is/vaktin/dregur-til-mikilla-tidinda-i-vedrinu-a-midvikudag/

Fylgist með nýjustu veðurviðvörunum:
https://gottvedur.is/vidvaranir/

Á viðvörunarsíðunni má færa tímasleðann til að sjá hvaða viðvaranir gilda á mismunandi tímum.

04/10/2026

Í dag, 4. október kl. 00:40, mældist jarðskjálfti af stærðinni 3,4 í Brennisteinsfjöllum. Skjálftinn fannst víða á suðvesturhorni landsins. Í kjölfarið hafa mælst um 15 minni eftirskjálftar. Veðurstofu Íslands hafa borist fjölmargar tilkynningar frá þeim sem urðu vör við skjálftann.

(Orðalag textans hefur verið uppfært)

24/09/2026

Skriðuviðvaranir á s*x svæðum

Veðurstofan hefur gefið út skriðuviðvaranir fyrir norðanverða Vestfirði, Strandir og vestanverðan Húnaflóa, sunnanverða Austfirði, Suðausturland, Suðurland og innsveitir Suðurlands og miðhálendið.

Mikil úrkoma getur valdið vatnavöxtum í ám og lækjum. Grjóthrun og skriður geta orðið skyndilega og truflað samgöngur. Sýnið sérstaka aðgát á vegum og forðist að staldra við undir bröttum hlíðum.

Myndin sýnir hvar skriðuviðvaranir hafa verið gefnar út 24. september. Staðan getur breyst. Á nýjum skriðusíðum Veðurstofunnar má sjá gildistíma og nánari upplýsingar um hverja viðvörun:

https://gottvedur.is/skridur/

Hefur þú orðið var við skriðu eða grjóthrun? Veðurstofan þiggur gjarnan tilkynningar um ofanflóð. Láttu mynd fylgja ef þú getur, ásamt nákvæmri staðsetningu og upplýsingum um hvenær atburðurinn varð eða hvenær hans varð vart.

• Hringdu í 522 6000 á opnunartíma skiptiborðsins. Opnunartíma má sjá hér: https://www.vedur.is/um-vi/hafa-samband/
• Sendu tölvupóst á [email protected]
• Notaðu tilkynningaeyðublaðið: https://ee-eu.kobotoolbox.org/ucSPnWaO

24/09/2026

Veðurstofan var á starfamessu Austurlands í Neskaupstað í dag.
Hlynur Sveinsson, sérfræðingur á mælasviði og í ofanflóðum sem vinnur á starfstöð Veðurstofu Íslands í Neskaupstað, kynnti starfsemi stofnunarinnar og ræddi við ungt fólk um fjölbreytt störf og verkefni sem unnin eru um land allt.

Á meðal starfa sem unnin eru á Veðurstofunni eru störf snjóathugunarmanna, þeir skoða snjóalög, mæla hitastig í snjóþekjunni og gera stöðugleikapróf til að meta snjóflóðahættu svo fátt eitt sé nefnt. Hlynur sýndi myndband um starf þeirra sem upphaflega var gert fyrir tæknidag Verkmenntaskólans Austurlands.

Kynntu þér þetta mikilvæga, áhugaverða og krefjandi starf.

Address

Bústaðavegur 7-9
Reykjavík
105

Telephone

+3545226000

Website

http://www.vedur.is/

Alerts

Be the first to know and let us send you an email when Veðurstofa Íslands posts news and promotions. Your email address will not be used for any other purpose, and you can unsubscribe at any time.