Sang Eap

ពួតដៃគ្នាធ្វើការងារ 🌿☘️
ឯកឧត្តម សាយ សំអាល់ ឧបនាយករដ្ឋមន្រ្ដី រដ្ឋមន្រ្ដីក្រសួងរៀបចំដែនដី នគរូបនីយកម្ម និងសំណង់ សម្ដែងការស្វាគមន៍ និងពិភាក្សាការងារជាមួយ ឧកញ៉ាសាស្ត្រាចារ្យសមូហកបណ្ឌិត ឡី សុភាព ប្រធានសមាគមសហព័ន្ធយុវជនសេដ្ឋកិច្ចកម្ពុជា និងជាប្រធានសមាគមសហព័ន្ធអភិវឌ្ឍន៍ដីធ្លី និងសំណង់កម្ពុជា ពិភាក្សាសហការគាំទ្រលើ ៣ចំណុចសំខាន់ៗរួមមាន៖
១. កំណត់និងថែរក្សាដំណើរសេដ្ឋកិច្ចលើវិស័យរៀបចំដែនដី នគរូបនីយកម្ម និងសំណង់ (ដ.ន.ស.)
២. អភិវឌ្ឍន៍ជំនាញនិងសមត្ថភាពសម្រាប់បងប្អូនដែលបម្រើការលើវិស័យដ.ន.ស.
៣. ក្រមសីលធម៌វិជ្ជាជីវៈក្នុងវិស័យ ដ.ន.ស.
កាលពីព្រឹកថ្ងៃទី២៨ ខែឧសភា ឆ្នាំ២០២៦

#ក្រសួងរៀបចំដែនដីនគរូបនីយកម្មនិងសំណង់


#យុវជនសេដ្ឋកិច្ចកម្ពុជា
#សមាគមសហព័ន្ធអភិវឌ្ឍន៍ដីធ្លីនិងសំណង់កម្ពុជា

ឧកញ៉ាសាស្ត្រាចារ្យបណ្ឌិត សាង អ៊ាប អញ្ជើញចូលរួមពិធីសម្ពោធដាក់ឱ្យប្រើប្រាស់ជាផ្លូវការ អគារទីស្នាក់ការកណ្តាលថ្មីនៃអគ្គនាយកដ្ឋានពន្ធដារ
...........
នៅព្រឹកថ្ងៃទី ២១ ខែឧសភា ឆ្នាំ ២០២៦ នេះ ឧកញ៉ាសាស្ត្រាចារ្យបណ្ឌិត សាង អ៊ាប ប្រធានគណៈកម្មការអភិវឌ្ឍន៍សេដ្ឋកិច្ចក្រៅប្រព័ន្ធរាជធានី-ខេត្ត, ប្រធានក្រុមប្រឹក្សាភិបាលសមាគមសម្ព័ន្ធភាពកសិកម្ម ជលផល ធនធានទឹក និងបរិស្ថានកម្ពុជា និងជាស្ថាបនិកក្រុមហ៊ុន PSK2005 Cambodia បានអញ្ជើញចូលរួមក្នុងពិធីសម្ពោធដាក់ឱ្យប្រើប្រាស់ជាផ្លូវការនូវ «អគារទីស្នាក់ការកណ្តាលដ៏ប្រណីត» របស់អគ្គនាយកដ្ឋានពន្ធដារ។
​ពិធីដ៏មហោឡារិកនេះ ត្រូវបានប្រារព្ធឡើងក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ការអញ្ជើញចូលរួមរបស់លោកឧកញ៉ាប្រធាន ឆ្លុះបញ្ចាំងពីការគាំទ្រ និងការចូលរួមចំណែកយ៉ាងសកម្មរបស់វិស័យឯកជន ក៏ដូចជាវិស័យសេដ្ឋកិច្ចក្រៅប្រព័ន្ធ ក្នុងការជំរុញការធ្វើទំនើបកម្មរដ្ឋបាលសារពើពន្ធ និងការអភិវឌ្ឍសេដ្ឋកិច្ចជាតិឱ្យកាន់តែរឹងមាំ។
#ឧកញ៉ាសាស្ត្រាចារ្យបណ្ឌិតសាងអ៊ាប

#កសិកម្មខ្មែរ

#ថ្នាក់ដឹកនាំជាន់ខ្ពស់

ឯកឧត្តម នៅ លក្ខណា ទទួលជួបជាមួយថ្នាក់ដឹកនាំសមាគមចំនួន០៣ ដើម្បីពិភាក្សាការងារ
……………………….................
នៅរសៀលថ្ងៃចន្ទ ២កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែឧសភា ឆ្នាំ២០២៦ ឯកឧត្តម នៅ លក្ខណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មការប្រយុទ្ធប្រឆាំងផលិតផលក្លែងក្លាយដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម (គ.ប.ផ.ក.) បានទទួលជួបជាមួយថ្នាក់ដឹកនាំសមាគមចំនួន៣ រួមមានសមាគមអ្នកលក់ឱសថកម្ពុជា, សមាគមសហព័ន្ធសុវត្ថិភាពម្ហូបអាហារកម្ពុជា, និងសមាគមសម្ព័ភាពកសិកម្ម ជលផល ធនធានទឹក និងបរិស្ថានកម្ពុជា។

កិច្ចពិភាក្សានេះបានធ្វើឡើងនៅ បន្ទប់ប្រជុំ៧២៨ នាទីស្ដីការក្រសួងមហាផ្ទៃ ដោយមានការអញ្ជើញចូលរួមពីថ្នាក់ដឹកនាំលេខាធិការដ្ឋាន គ.ប.ផ.ក. និងថ្នាក់ដឹកនាំសមាគមទាំង០៣ ក្នុងគោលបំណងបន្តពិភាក្សាលម្អិតបន្ថែមលើការងារសំខាន់ចំនួន០២រួមមាន ទី១៖ បង្កើនកិច្ចសហការឱ្យកាន់តែជិតស្និត ដើម្បីឈានទៅចុះអនុស្សារណៈយោគយល់គ្នារវាងគ.ប.ផ.ក. និងសមាគមទាំង០៣ និងទី២៖ ពិភាក្សាលើការងារត្រៀមសហការរៀបចំសិក្ខាសាលាផ្សព្វផ្សាយមួយ ដែលគ្រោងនឹងប្រព្រឹត្តទៅក្នុងត្រីមាសទី៣ ឆ្នាំ២០២៦ នៅពេលខាងមុខនេះ៕

ពិធីសំណេះសំណាលជាមួយថ្នាក់ដឹកនាំ សមាជិក សមាជិកា អ្នកសេដ្ឋកិច្ចក្រៅប្រព័ន្ធខេត្តតាកែវ ក្រោមប្រធានបទ “ការវិនិយោគភាពធន់នៃសេដ្ឋកិច្ចគ្រួសារនាំឱ្យសង្គមជាតិរីកចម្រើន” ក្រោមអធិបតីភាព ឯកឧត្តមសមូហកបណ្ឌិត ឡី សុភាព សមាជិកគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ និងជាប្រធានសមាគមសហព័ន្ធយុវជនសេដ្ឋកិច្ចកម្ពុជា ដោយមានការចូលរួមពី ឧកញ៉ាសាស្ត្រាចារ្យបណ្ឌិត សាង អ៊ាប ប្រធានគណៈកម្មការអភិវឌ្ឍន៍សេដ្ឋកិច្ចក្រៅប្រព័ន្ឋរាជធានី-ខេត្ត និងជានាយកប្រតិបត្តិសមាគមសម្ពន័្ធភាព អង្គការ -សមាគម និងវិស័យឯកជននៅកម្ពុជា លោក ម៉ៅ ចិន្តា នាយកប្រត្តិបត្តិសមាគមសហពន័្ធអាជីវករកម្ពុជា និង ឧកញ៉ាសាស្ត្រាចារ្យបណ្ឌិត ចេង ខេង ប្រធានគណៈកម្មាធិការអភិវឌ្ឍន៍ដីធ្លី និងសំណង់ថ្នាក់កណ្តាល នៅសាលប្រជុំវិទ្យាស្ថានពហុបច្ចេកទេសភូមិភាគតេជោសែនតាកែវ ខេត្តតាកែវ កាលពីព្រឹកថ្ងៃទី១៦ ខែឧសភា ឆ្នាំ២០២៦៕

ការវិនិយោគភាពធន នៃសេដ្ឋកិច្ចគ្រូសារនំាអោយសង្គមជាតិរីកចំរើន៕