OSCA- Malabon City

Busy tuwing weekdays?

May pagkakataon pa rin para mapabakunahan ang inyong anak!

🏥 Tuwing Sabado at Linggo, maaari kayong magtungo sa Super Health Centers para sa Ligtas Tigdas Vaccination.

⏰ 8:00 AM hanggang 12:00 NN

- Catmon Super Health Center
- Longos Super Health Center
- Potrero Super Health Center
- Tonsuya Super Health Center

Pabakunahan ang inyong mga anak at magkaisa tayong protektahan ang mga batang Malabueño laban sa tigdas.

Paalala sa mga Motorista at Commuters❗️

Magkakaroon ng pansamantalang pagsasara ng kalsada sa Rizal Avenue (General Luna Area) ngayong Hunyo 7, 2025, alas-2:00 ng hapon para sa pagdaraos ng Reyna ng Bulaklakan.

Ruta ng Sagala:
📍 Rizal Avenue
Kaliwa sa Gen. Luna
Kaliwa sa Don Basilio Blvd.
Kaliwa sa Women’s Club (Hulong Duhat)
End Point: Hulong Duhat Covered Court

Pinapayuhan ang lahat na gamitin ang itinakdang alternatibong ruta at maglaan ng sapat na oras sa pagbiyahe.

Alternatibong Ruta:
Ang mga sasakyang manggagaling sa Rizal Avenue Extension patungong Palengke ay maaaring:
• Kumanan sa Gen. Luna
• Kumaliwa sa Sacristia patungong F. Sevilla (Market Area)

Hindi lahat ng pantal ay simpleng sakit lamang.

Ang tigdas ay maaaring magsimula sa lagnat, sipon, at ubo bago lumabas ang pantal sa katawan. Dahil ito ay napakadaling makahawa, mabilis itong kumalat lalo na sa mga batang hindi pa nababakunahan.

Sa ilang kaso, maaari itong magdulot ng pulmonya, impeksyon sa utak, at iba pang komplikasyon na nangangailangan ng pagpapa-ospital.

💉 Ang pinakamabisang proteksyon laban sa tigdas ay bakuna.

✅Magpabakuna. Magpalakas. Magprotekta.

Manatiling nakasubaybay para sa mga susunod pang impormasyon at kaalaman tungkol sa pag-iwas sa Tigdas.

🚸 READY SA ARAL, READY DIN SA KALIGTASAN!

Malapit na ang pasukan, at kasabay ng pagbabalik ng mga estudyante sa paaralan ay ang pagdami rin ng mga naglalakad, tumatawid, at bumibiyahe araw-araw. 🎒

Huwag nating kalimutang paalalahanan ang ating mga anak ng mga simpleng tuntunin sa road safety upang maging ligtas ang kanilang pagpasok at pag-uwi mula sa paaralan.

🚶 Gumamit ng pedestrian lane sa pagtawid
🚦 Sumunod sa traffic lights at traffic enforcers
👀 Tumingin sa kaliwa at kanan bago tumawid
🚶‍♀️ Gumamit ng sidewalk kung mayroon. Kung wala, maglakad sa kaliwang bahagi ng kalsada upang makita ang mga paparating na sasakyan
📱 Iwasan ang paggamit ng cellphone habang naglalakad o tumatawid
🛵 Magsuot ng helmet kung sasakay ng bisikleta o motorsiklo

Sa mga magulang at tagapag-alaga, ang simpleng paalala tungkol sa road safety ay malaking tulong sa paghubog ng disiplina at responsibilidad ng ating mga anak.

Tandaan: Ang road safety ay isang mahalagang aral na dapat baunin araw-araw. 💙

💦👵 Ginhawang Ramdam sa Malinis na Palengke

Para kay Gng. Amalia Vergonio, 62, mas naging komportable ang bawat pagpunta sa Hulong Duhat Public Market matapos ang isinagawang flushing operation at clean-up activity na nakatulong upang mapanatiling malinis at maayos ang pamilihan.

Ayon sa kanya, malaking ginhawa ang paglilinis ng palengke lalo na para sa mga senior citizen dahil nababawasan ang panganib ng pagkadulas at mas nagiging maayos ang karanasan sa pamimili.

Aniya, “Nababawasan din ang dulas sa daanan, na malaking tulong lalo na sa mga senior citizen na tulad ko.”

Nagpasalamat din siya sa Pamahalaang Lungsod ng Malabon sa patuloy na pagsasagawa ng mga programang nakatutulong sa mga mamimili at tindero.

“Maraming salamat po kay Mayor Jeannie Sandoval sa mga ganitong aktibidad. Sana po ay magpatuloy ito upang mapanatiling malinis, ligtas, at maayos ang ating palengke para sa lahat ng mamimili at tindero.” 💙