Xafiiska jidadka DDS

26/10/2026

Waxaa madasha shirarka Gaaraad Maxamed Dool ee Xarunta Madaxtooyada DDS ka furmay dhagaysiga qiimaynta warbixinta rubuca koowaad ee xafiisyada heer deegaan ee sannad-miisaaniyadeedka 2019-ka T.I.

Madaxweyne-ku-xigeenka DDS, Mudane Ibraahim Cusmaan Faarax, oo furay qiimayntan, ayaa sheegay inay muhiim tahay in si dhab ah loo fuliyo qorshayaashii mashaariicda horumarineed ee la isla qaatay bilawgii sannad-miisaaniyadeedkan.

Kulanka qiimaynta oo ay ka soo qaybgaleen masuuliyiinta xafiisyada heer deegaan, iyo sidoo kale Madaxa Xafiiska Xisbiga Barwaaqo ee Soomaalida Eng. Maxamed Shaalle Isaaq ayaa lagu soo bandhigay warbixinnada mashaariicaha oo ay soo jeediyey Wasiirka Xafiiska Qorshaynta, Mudane Cumar Faaruuq Xaaji Warfaa, iyo Wasiir ku-xigeenka Xafiiska Madaxweynaha DDS, Mudane Cabdixakiin Sheekh Xasan.

Warbixinnada ayaa lagu faahfaahiyey mashaariicaha ilaa hadda qabsoomay, caqabadaha jira iyo xalka loo baahan yahay si loo dardargeliyo fulinta qorshayaasha horumarineed ee xafiisyada heer deegaan.

22/10/2026

Muuqaal:Tababarka Ku Lamaanaynta Jinsiga ee Hawllaha Qorshaynta, Fulinta iyo Kormeerka Mashaariicda Jidadka Oo Ka qabsoomay Gudaha Xafiiska Jidadka DDS.

22/10/2026

Waxaa Gudaha Xafiiska Jidadka DDS, ka qabsoomay Tababar Ay Soo diyaarisay Waaxda Arimaha Jinsiga Ee Xafiiska.

Tababarkan oo Ujeedadiisu ahayd Ku Lamaanaynta Jinsiga ee Hawllaha Qorshaynta, Fulinta iyo Kormeerka Mashaariicda Jidadka , Ayaa Waxaa Furay Wasiirka Xafiiska Jidadka DDS, Mudane Idiris Muuse Cabdi,oo ay Ku Wehelinayso Agaasinka Waaxda arimaha Jinsiga ee Xafiiska Marwo, Istaahil Axmed Maxamuud, iyada oo ay kasoo Qayb-galleen Shaqaalaha Xafiisku.Wasiirka, ayaa Tababar-qaatayasha Kula dardaarmay In ay Sidii Loogu Talagay Uga Faa'iidaystaan Casharada Tababarkani Xambaarsan yahay.

Tababarkan ayaa Mudada uu Socdo Waxaa Diirada Lagu saari doonaa Sidii kor loo qaadi lahaa Ka qayb-galka Haweenka ee Mashaariicaha Jidadka, iyada Oo Tababar-qaatayasha Fahan Buuxa Laga siinayo Hawlaha Ku Lamaanaynta Jinsiga ee Kaabayaasha aas aasiga ee Jidadka Iyo Guud ahaan Dooorka ay Lu Leeyihiin Horumarka, iyada oo Tababarkani Ka dib K a-qaybgalayaashu awood u yeelan doonaan, Islamarkaana Fahan Buuxa ka qaadan doonaan hirgelinta mashaariicda Jidadka, Kaas oo tixgelinaya sinnaanta jinsiga, isla markaana taageeraya horumar loo dhan yahay

"Dhamaad Waaxda Warfaafinta iyo Xidhiidhka Dadweynaha Xafiiska jidadka DDS"

21/10/2026

21/10/2026

Madal lagu Qiimaynayay Warbixinta Waxqabadka rubaca 1aad ee Mashaariicaha Jidadka Federaalka ee Sannad Miisaaniyeedka 2019-ka t.i oo Qabsoontay

Madashan lagu Qiimaynayay Warbixinta Waxqabadka Rubaca 1 aad Sm 2019TI ee Mashaariicaha Jidadka Federaalka oo uu Soo Diyaariyay Xafiiska jidadka DDS, Ayaa waxaa furay Wasiirka Xafiiska Jidadka DDS, Mudane Idiris Muuse Cabdi, oo Uu Ku Wehelinayay La- taliyaha Xafiiska Madaxweyne-kuxigenka DDS, ee dhanka kabayasha aas-aasiga ah ,Mudane Muuse Cusmaan Ibraahim, ayna kasoo qaybgaleen bahwadaagta kaladuwan ee Fadaraalka,gaar ahaan xubno kasocday Wasaaradda Magaalooyinka iyo Kaabayaasha J.D.F.I, Wakaaladda Maamulka Jidadka Dalka, ( ERA) iyo qaar kamida Maamullada Degmooyinka Ay Mashaariicahani ka socdaan.

Qiimayntan,ayaa si gaar ah diirada loogu saaray Sidii Loo Xoojin lahaa Mashariicaha federalka ee deegaanka laga wado, gar ahaan Qaybta Masharicaha Maamulka jigjiga ( PMO) ee Mashaariicaha Fadaraalku ka fulinayo Deegaanka sida Jidka laamiga ah ee isku-xidha Jigjiga-Tuliguuleed -Samakaab-Harmukale iyo Jidka Laamiga ah ee Fiiq, yoxoob, sagag ilaa Garbo oo la isla qaatay in la saxo caqabadaha ka jira rubacyada xigana la sii dardargeliyo shaqooyinka kasocda.

Ugu dambayntiina Wasiirka Xafiiska Jidadka DDS, Mudane Idiris Muuse Cabdi, oo madasha Kasoo Jeediyey hadalo xidhitaana, ayaa xusay in hawlo badan la qabtay saddexdii bilood ee la soo dhaafay laga bilaabo diyaarinta qorshaha. Wuxuu tilmaamay inay lagama maarmaan tahay in dib loo eego loona lana Lafa-guro qorshaha saddexda bilood ee soo socda iyadoo la raacayo yoolalka istiraatiijiyadeed ee la asteeyay.

Sidoo kale Wuxuu Masuulku, jihooyin ka bixiyay Sidii shaqooyinka loo hirgelin lahaa iyadoo lala kaashanayo Bah-wadaagta Segtarka Kaabayaasha,islamarkaana Lasii Xoojiyo Shaqooyinka Socda iyo sidii Caqabadaha loo xalin lahaa, iyada oo laga soo saaray qorshe hawleed cad oo halkaasi lagu Kala qaatay.

"Dhammaad Waaxda Warbahinta Xidhiidhka Dadweynaha Xafiiska jidadka DDS "

15/10/2026

Hambalyo Eng. Ahmednasir Cali soofe iyo Eng. Cabdikarim Cabdiraxman oo Markale Loo Magacaabay Wasiir-kuxigeenada Xafiiska Jidadka DDS.

13/10/2026

Wasiirka Cusub ee Wasaaradda Magaalooyinka iyo Kaabayaasha J.D.F.I Enj. Maxammed Cabdiraxmaan, ayaa Xilkii kala wareegay Wasiiradii h**e ee Wasaaradda Marwo. Chaltu Sani.

10/10/2026

HAMBALYO

Ra'iisal Wasaaraha J.D.F.I Dr. Abiy Ahmed,ayaa Magacaabay Wasiir U-Dowlayaasha Wasaaradda Magaalooyinka iyo Kaabayaasha J.D.F.I oo Kala ah.

1.Mudane Dr. Cabdifataax Sheekh Biixi
2.Mudane. Iyob Mesafeent