Xafiiska Golaha Xildhibaanada DDS

14/11/2026

Muuqaal; Tababarka horumarinta awoodda maaraynta khayraadka aan dawliga ahayn, oo hay’adda CR ay uqabatey aggaasinadda Xafiiska Gollaha Xildhibaanadda DDS.

14/11/2026

Aggaasinadda Xafiiska Gollaha Xildhibanaadda DDS ayaa loo qabtey tababar ku saabsan xoojinta awoodda aqooneed ee ururinta iyo isticmaalida qorshayaasha hay,adaha iyo deeq bixiyayaalka taageera dhismaha dimuqraadiyada iyo maamulka suuban

Tababarkan oo ay bixinaysay hay’adda CR (Conciliation Resources), ayaa ahaa mid xoogga lagu saarayay qiimaynta awoodda hay’adaha ee raadinta maalgelinta, aqoonsiga baahiyaha iyo caqabadaha jira, diyaarinta codsiyada maalgelinta iyo sidii loo aqoonsan lahaa fursadaha iskaashi ee suurtagalka ah.

Sidoo kale, waxaa tababarka lagu adkeeyey muhiimadda ay leedahay in hay’aduhu si cad u muujiyaan shaqadooda iyo saamaynta ay bulshada ku leeyihiin, dhisidda xidhiidh waara oo lala yeesho hay’adaha maalgelinta iyo u diyaargarowga fursadaha iskaashi ee soo baxa.

14/11/2026

Subaxdii h**e ee saaka waxaa magaalada Jigjiga ka qabsoommay jimicsi wadareed ay ka qaybgaleen qaybaha kala duwan ee bulshada.

Jimicsigan oo ay soo qabanqaabiyeen Xafiiska Dhalinyarada iyo Ciyaaraha DDS oo kaashanaya Xafiiska Golaha Xildhibaanada DDS, ayaa isugu jiray orod iyo jimicsi wadareed (Mass Sport).

Dhanka kale, qaab-dhismeedka kalla duwan ee xafiiska dhalinyarada iyo ciyaaraha DDS ayaa loo qabtay tababar ku saabsan Dastuurka iyo nidaamka Federaalka, kaas oo qayb ka ah hawlaha lagu xusayo sannad-guurada 21-aad ee maalinta Qowmiyadaha iyo Shucuubta Itoobiya.

13/11/2026

13/11/2026

Qaar ka mida haweenka magaalada Jigjiga ayaa loo qabtay kulan ku saabsan ujeedada iyo ahmiyadda xuska qoomiyadaha iyo shucuubta Dalka.

Kullankan oo qayb ka ah Munaasibadaha Xuska 21-aad ee Qoomiyadaha iyo Shucuubta Dalka, ayaa waxaa soo diyaariyay Xafiiska Arrimaha Haweenka iyo Caruurta DDS, oo kaashanaya Xafiiska Golaha Xildhibaanadda. Ueedada kulankan ayaa ahayd in haweenka faham laga siiyo nidaamka awood-qaybsiga iyo ismaamulka ku dhisan dastuurka (Federalism), dastuurka dalka iyo doorka ay haweenku ku leeyihiin ilaalinta iyo xoojinta midnimada, wadajirka iyo wada noolaanshaha bulshada.

12/11/2026

Galinkii dambe ee maanta oo ay taariikhdu tahay 03/03/2019 t.i. waxaa qabsoomay barnaamijyada kadis iyo ol’ole nadaafadeed oo qayb ka ah hawlaha lagu maamuusayo xuska 21aad ee maalinta Qawmiyadaha iyo Shucuubta Dalka.

Barnaamijyadan oo uu soo diyaariyay Xafiiska Golaha Xildhibaanada DDS ayaa ahaa tartan su’aaleedka Kadis ayaa dhexmaray ardayda dugsiga hoose/dhexe ee Wiilwaal, iyadoo ardaydii ku guulaysatay tartanka la guddoonsiiyey abaalmarinno. Sidoo kale, ardayda dugsiga sare ee Jigjiga ayaa sameeyay olole nadaafadeed oo qayb ka ah xuskan 21aad ee 29-ka Hidhaar.

Hawlahan xuska 21aad ee maalinta Qowmiyadaha iyo Shucuubta Dalka oo ka socda Deegaanka ayaa munaasabadda heer qaran ee sannadkan lagu qaban doonaa magaalada Jimma ee Deegaanka Oromiya.

12/11/2026

Masuuliyiinta heer Deegaan ayaa ka qayb qaatay Ol’ole Dhiig-shubis ah oo qayb ka ah munaasabadaha lagu xusayo xuska 21-aad ee Qowmiyadaha iyo Shucuubta dalka, taasi oo maalintii shalay si rasmi ah uga bilaabatay Deegaanka.

Afhayeenka Golaha Xildhibaanada DDS, Mudane Mubashir Dibad Raage, ayaa sheegay in dhiig-shubistu tahay tallaabo lagu badbaadinayo nolosha dadka, laguna muujinayo iskaashiga iyo masuuliyadda bulshada.

11/11/2026

Xafiiska Golaha Xildhibaanadda DDS waxaa ka qabsoomay kulan ay ka qayb-galeen xubno ka socday hay’adaha caalamiga ah ee SIDA iyo CR, kuwaas oo ka shaqeeya xoojinta dimuqraadiyadda iyo nabadgelyada, iyadoo ay sidoo kale goob-joog ka ahayd hay’adda KasmoDev.

Kulanka oo diiradda lagu saaray xoojinta wada-shaqaynta dhinacyada horumarinta dimuqraadiyadda, kordhinta ka-qaybgalka haweenka ee siyaasadda, iyo kobcinta aqoonta iyo kartida hoggaamineed ee haweenka ka tirsan Golaha Xildhibaannada, gaar ahaan madasha haweenka xildhibaannada (Women’s Caucus), ayaa intii uu kulanku socday, waxaa la isla qaatay in la buuxiyo goldaloolooyinka jira, lana sii xoojiyo taageerada iyo hawlaha horumarineed ee laga fuliyo Xafiiska Golaha xildhibaanadda DDS, gaar ahaan shantan qodob:

1. Horumarinta iyo xoojinta hay’adaha dimuqraadiyadda.
2. Kobcinta aqoonta iyo kartida haweenka xildhibaannada.
3. La-dagaallanka tacaddiyada ka dhanka ah haweenka.
4. Dhexgelinta arrimaha jinsiga.
5. Taageeridda iyo ilaalinta xuquuqda dadka nugul.

Kulankan ayaa qayb ka ah dadaallada lagu xoojinayo wada-shaqaynta hay’adaha taageera dimuqraadiyadda, korna loogu qaadayo matalaadda haweenka ee siyaasadda, laguna horumarinayo awoodda iyo waxqabadka Golaha Xildhibaanadda DDS.

11/11/2026

Waxaa maanta guud ahaan Deegaanka si rasmi ah looga daah-furay xuska maalinta Qowmiyadaha iyo Shucuubta Dalka.

Afhayeenka Golaha Xildhibaanada DDS, Mudane Mubashir Dibad Raage, ayaa si rasmi ah ugu dhawaaqey in xuska 21-naad ee maalinta Qawmiyadaha iyo Shucuubta Dalka uu guud ahaan Deegaanka ka bilaabmay maanta oo ay taariikhdu tahay 2-da Hidar 2019 T.I.

Xuskan 21-naad oo halku-dhigiisu yahay “Hodantinimadda kalla duwanaanshaheena iyo asalka wadatashigu waa ilbaxnimada itoobiya”, xuskan ayaa si guud deegaanadda Dalka looga xusayaa waxaana uu Deegaanka ka socon doona muddo 17 maalmood ah, iyadoona lagu qabanayo xuska guud ee sanadkan magaaladda Jimma ee Deegaanka Oromiya.

08/11/2026

Af-hayeenka Gollaha Baarlamaanka JDFI Mudane Axmed Shide, ayaa lagu soo dhaweeyay garoonka diyaaradaha Garaad Wiil-waal.

Madaxweynaha DDS, Mudane Mustafe Muxummed Cumar, iyo masuuliyiin kale oo heer deegaan ah ayaa Garoonka Diyaaradaha Garaad Wiil-Waal ee magaalada Jigjiga ku soo dhaweeyay wafdi uu hoggaaminayo Afhayeenka Golaha Baarlamaanka JDFI, Mudane Axmed Shide.