02/06/2026
❗Pressematdeelung - Zesumme fir d’Lëtzebuerger Sprooch? ❗
Bréissel, Belsch - 1. Juni 2026
👉No engem Instagram-Post vun enger Lëtzebuerger EU-Deputéierter iwwert eis Sprooch huet de Fernand Kartheiser haut d’Initiativ geholl, fir deenen anere fënnef EU-Deputéierten an engem Bréif ze proposéieren, sech mat him zesumme fir eng Opwäertung vun der Lëtzebuerger Sprooch am Europäesche Parlament anzesetzen.
Den Text vun deem Bréif an dem Fernand Kartheiser seng rezentst Propositioune fannt Dir am Unhang.
Matgedeelt vum Büro vum EU-Deputéierte Fernand Kartheiser.
👇Hei den oppene Bréif vum Fernand Kartheiser:
02/06/2026
De Bezierk Zentrum hat eng Visitt an der Assemblée Nationale zu Paräis organiséiert.
Hiren Deputéierten, den Tom Weidig, war invitéiert vum Deputéierten Thibaut Monnier vun der Partei Identité-Libertés, déi an der selwechter europäescher Mammepartei wéi d’ADR ass: der ECR (European Conservatives and Reformists). Déi zwee sinn am Conseil vun New Direction, der politescher Stëftung vun der ECR.
No engem flotten Iessen, wou och d'Marion Maréchal, eng vun de bekanntste Politikerinne vu Frankräich, sech derbäigesellt huet, sinn si d'Assemblée Nationale kucke gaangen. Dono ass et an eng Seance selwer gaangen, wou et dacks haart hiergeet. D'Thema war: Gewalt géint Kanner.
D'Ekipp ëm d'Marion Maréchal ass enorm dynamesch, jonk a gutt organiséiert. A Frankräich spiert een den Ëmschwong, an hir konservativ Iddie gi vun ëmmer méi Leit an der politescher Mëtt gedeelt.
Hire Message un all d'ADR-Memberen, déi present waren: Maacht weider a loosst iech net oflenke vun Attacken!
