What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

Presidential Commission for the Urban Poor

Home
Philippines
Quezon City
Presidential Commission for the Urban Poor

Call Directions Website Contact the organization

Sandigan ng Maralitang Tagalungsod. 🇵🇭

01/11/2026

𝗣𝗔𝗞𝗜𝗞𝗜𝗡𝗜𝗚 𝗦𝗔 𝗕𝗢𝗦𝗘𝗦 𝗡𝗚 𝗣𝗔𝗠𝗔𝗬𝗔𝗡𝗔𝗡, 𝗛𝗔𝗞𝗕𝗔𝗡𝗚 𝗦𝗔 𝗠𝗔𝗦 𝗠𝗔𝗞𝗔𝗕𝗨𝗟𝗨𝗛𝗔𝗡𝗚 𝗣𝗔𝗚𝗟𝗜𝗡𝗚𝗔𝗣: 𝗙𝗢𝗗–𝗠𝗜𝗡𝗗𝗔𝗡𝗔𝗢, 𝗠𝗔𝗧𝗔𝗚𝗨𝗠𝗣𝗔𝗬 𝗡𝗔 𝗡𝗔𝗜𝗦𝗔𝗚𝗔𝗪𝗔 𝗔𝗡𝗚 𝗞𝗘𝗬 𝗜𝗡𝗙𝗢𝗥𝗠𝗔𝗡𝗧 𝗜𝗡𝗧𝗘𝗥𝗩𝗜𝗘𝗪

Isinagawa ng PCUP, sa pamamagitan ng Research, Planning, and Monitoring Division (RPMD), katuwang ang Field Operations Division–Mindanao (FOD-Mindanao), ang Key Informant Interview (KII) sa Davao City bilang bahagi ng patuloy na pagsusuri sa 𝗖𝗮𝗽𝗮𝗯𝗶𝗹𝗶𝘁𝘆 𝗕𝘂𝗶𝗹𝗱𝗶𝗻𝗴 𝗣𝗿𝗼𝗴𝗿𝗮𝗺 (𝗖𝗕𝗣). Kabilang sa mga nakapanayam ang mga kinatawan mula sa 𝗕𝗮𝗿𝗮𝗻𝗴𝗮𝘆 𝗧𝗮𝗹𝗼𝗺𝗼, 𝗪𝗼𝗺𝗲𝗻’𝘀 𝗦𝘁𝘂𝗱𝗶𝗲𝘀 𝗮𝗻𝗱 𝗥𝗲𝘀𝗼𝘂𝗿𝗰𝗲 𝗖𝗲𝗻𝘁𝗲𝗿, 𝗜𝗻𝗰., 𝗮𝘁 𝗨𝗻𝗶𝘃𝗲𝗿𝘀𝗶𝘁𝘆 𝗼𝗳 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 𝗠𝗶𝗻𝗱𝗮𝗻𝗮𝗼 upang makalap ang kanilang mahahalagang pananaw at karanasan hinggil sa pagpapatupad, bisa, at kontribusyon ng programa sa pagpapalakas ng kakayahan ng mga organisasyon ng maralitang tagalungsod at kanilang mga katuwang na institusyon.

Layunin ng mga panayam na matukoy ang mga mabubuting gawi, hamon sa pagpapatupad, at mga oportunidad para sa higit pang pagpapabuti ng programa. Magsisilbi rin ang mga nakalap na impormasyon bilang batayan sa pagbuo ng mga rekomendasyong magpapalakas sa ugnayan at pagtutulungan ng PCUP, mga lokal na pamahalaan, mga institusyong pang-akademiko, at mga organisasyon ng lipunang sibil sa pagsusulong ng inklusibo at napapanatiling kaunlarang pangkomunidad.

Alinsunod sa direktiba ni PCUP Chairperson at CEO, Usec. Michelle Anne "Che-Che" B. Gonzales, patuloy na pinagtitibay ng Komisyon ang pagsusuri at pagpapahusay sa mga programang naglalayong palakasin ang kakayahan ng mga organisasyon ng maralitang tagalungsod. Sa pamamagitan ng gawaing ito, patuloy na isinusulong ng PCUP ang 𝗽𝗮𝗴𝘀𝘂𝘀𝘂𝗿𝗶 𝗻𝗴 𝗺𝗴𝗮 𝗽𝗿𝗼𝗴𝗿𝗮𝗺𝗮 𝗯𝗮𝘁𝗮𝘆 𝘀𝗮 𝗱𝗮𝘁𝗼𝘀 𝗮𝘁 𝗮𝗸𝘁𝘂𝘄𝗮𝗹 𝗻𝗮 𝗸𝗮𝗿𝗮𝗻𝗮𝘀𝗮𝗻 upang matiyak na ang mga hakbangin para sa pagpapaunlad ng kakayahan ay tumutugon sa mga pangangailangan at adhikain ng mga maralitang tagalungsod.

31/10/2026

𝗔𝗟𝗟 𝗦𝗔𝗜𝗡𝗧𝗦' 𝗗𝗔𝗬 🙏🏻

Ngayong ika-1 ng Nobyembre, ating ipinagdiriwang ang 𝗔𝗿𝗮𝘄 𝗻𝗴 𝗺𝗴𝗮 𝗦𝗮𝗻𝘁𝗼 at ang kanilang mga buhay na naging inspirasyon ng pananampalataya, pagmamahal, at kabutihan. 📿

Nawa’y magsilbing gabay ang kanilang mga aral na iniwan sa ating araw-araw na pamumuhay. Sa bawat pagsubok na ating hinaharap, patuloy nawa tayong humugot ng lakas sa pananampalataya at manatiling may pag-asa, pasasalamat, at kapayapaan sa ating puso. 🕊

30/10/2026

𝐃𝐀𝐘 𝟑 | 𝐌𝐮𝐥𝐚 𝐬𝐚 𝐊𝐚𝐬𝐚𝐧𝐚𝐲𝐚𝐧, 𝐓𝐮𝐧𝐠𝐨 𝐬𝐚 𝐏𝐚𝐠𝐤𝐚𝐤𝐚𝐭𝐚𝐨𝐧𝐠 𝐔𝐦𝐮𝐧𝐥𝐚𝐝!

Bawat bagong kasanayan ay maaaring maging puhunan para sa mas magandang kinabukasan!

Sa ikatlong araw ng Livelihood Skills Training (LST), patuloy na binibigyang-kakayahan ang mga Project-Affected Persons (PAPs) ng South Commuter Railway Project (SCRP) mula sa San Vicente, Biñan City, at mga Barangay ng Tagapo, Labas, Pooc, at Dita sa Santa Rosa City, Laguna.

Sa pangunguna ng Presidential Commission for the Urban Poor (PCUP), kasama ang Department of Transportation - Philippines (DOTr), mga lokal na pamahalaan, at mga barangay, isinasagawa ang pagsasanay sa Bread and Pastry Production at Cookery (Hot Meals) upang mabigyan ang mga kalahok ng praktikal na kaalaman at kasanayang maaari nilang magamit sa paghahanap ng trabaho o pagsisimula ng sariling pagkakakitaan.

Sa ilalim ng Project, sa pamumuno ni PCUP Chairperson at CEO Usec. Michelle Anne "Che-Che" B. Gonzales, patuloy na isinusulong ang mga programang nagbibigay ng mas malawak na oportunidad sa mga PAPs upang mapaunlad ang kanilang kakayahan at makapaghanda para sa mga pagbabagong kaakibat ng mga proyektong pangkaunlaran.

Hindi lamang pagsasanay ang hatid nito, kundi paghahanda sa mga bagong posibilidad—kung saan ang bawat natutuhang kasanayan ay maaaring maging simula ng sariling kabuhayan at mas matatag na kinabukasan.

30/10/2026

𝟮𝟮𝟱 𝗣𝗔𝗣𝘀, 𝗠𝗔𝗦 𝗣𝗜𝗡𝗔𝗚𝗧𝗜𝗧𝗜𝗕𝗔𝗬 𝗔𝗡𝗚 𝗞𝗔𝗦𝗔𝗡𝗔𝗬𝗔𝗡 𝗔𝗧 𝗠𝗨𝗟𝗜𝗡𝗚 𝗕𝗜𝗡𝗨𝗕𝗨𝗛𝗔𝗬 𝗔𝗡𝗚 𝗣𝗔𝗚-𝗔𝗦𝗔! ❤️👨‍🍳

📍 Brgy. 10, Lucena City, Quezon

Patuloy ang paghubog ng bagong kakayahan at pagbubukas ng oportunidad sa pamamagitan ng Livelihood Skills Training Program: Cookery (Hot Meals) para sa 225 Project-Affected Persons (PAPs) ng PNR South Long-Haul Railway Project.

Sa bawat araw ng pagsasanay, hindi lamang bagong kaalaman at kasanayan sa pagluluto ang kanilang natatamo. Bawat aktibidad ay nagiging daan upang muling manumbalik ang kanilang pag-asa, magkaroon ng tiwala sa sariling kakayahan, at makita ang mga bagong posibilidad para sa kanilang kinabukasan.

Sa ilalim ng ALPAS Komunidad Project ng Presidential Commission for the Urban Poor (PCUP), patuloy na isinusulong ang mga programang nagbibigay ng konkretong suporta at pagkakataon para sa mas matatag na kabuhayan ng mga maralitang tagalungsod.

Sa pangunguna ni PCUP Chairperson and CEO, Hon. Usec. Michelle Anne "Che-Che" B. Gonzales, patuloy na binibigyan ng pagkakataon ang mga PAPs na matuto, mapaunlad ang kanilang kakayahan, at makapagsimula muli.

Sa pagtatapos ng bawat aktibidad, baon ng mga kalahok hindi lamang ang mga bagong kasanayan kundi pati ang pag-asang may bagong oportunidad na naghihintay para sa kanila at sa kanilang pamilya.

30/10/2026

𝐀𝐋𝐏𝐀𝐒 𝐏𝐈𝐋𝐋𝐀𝐑 𝐀 - 𝐜𝐜𝐞𝐬𝐬 𝐭𝐨 𝐁𝐚𝐬𝐢𝐜 𝐒𝐞𝐫𝐯𝐢𝐜𝐞𝐬 | 𝐏𝐂𝐔𝐏, 𝐏𝐈𝐍𝐀𝐋𝐀𝐋𝐀𝐊𝐀𝐒 𝐀𝐍𝐆 𝐊𝐀𝐊𝐀𝐘𝐀𝐇𝐀𝐍 𝐒𝐀 𝐏𝐀𝐆𝐇𝐀𝐇𝐀𝐍𝐃𝐀 𝐀𝐓 𝐏𝐀𝐆𝐏𝐑𝐎𝐓𝐄𝐊𝐓𝐀 𝐒𝐀 𝐌𝐆𝐀 𝐍𝐀𝐊𝐀𝐓𝐀𝐓𝐀𝐍𝐃𝐀 👩‍🦳👴
Hindi lamang pisikal na kalusugan ang mahalaga sa pagtanda, kundi pati ang emosyonal na kapakanan at proteksyon laban sa pang-aabuso.

Kaya naman, naghatid ang PCUP Visayas ng Capability Building Training tungkol sa pagharap sa pagdadalamhati, stress management, at pag-iwas sa elder abuse noong Oktubre 24, 2026, sa Bacolod City.

Lumahok dito ang mga senior citizen mula sa apat na homeowners associations. Isa sa mga nagbahagi ng makabuluhang karanasan si Roberto Sumugat Jr., na nagsabing nakatulong ang mga aral upang mas maalagaan ang kaniyang 87-anyos na ina nang may higit na pag-unawa, pasensya, at malasakit.

via | PCUP Visayas

30/10/2026

𝐔𝐑𝐁𝐀𝐍 𝐏𝐎𝐎𝐑 𝐆𝐑𝐎𝐔𝐏, 𝐍𝐀𝐆𝐊𝐀𝐑𝐎𝐎𝐍 𝐍𝐆 𝐊𝐎𝐍𝐒𝐔𝐋𝐓𝐀𝐒𝐘𝐎𝐍 𝐒𝐀 𝐏𝐂𝐔𝐏!🏘️🤝

Nakipagdayalogo kahapon si PCUP Chairperson and CEO Usec. Michelle Anne "Che-Che" B. Gonzales sa mga residente ng Sitio Maagay 1, Barangay Inarawan, Antipolo City, upang pakinggan ang kanilang mga hinaing, panukala, at pangangailangan.

Kasama sina PCUP Commissioner Atty. Emmanuel Gison Jr. at PCUP Luzon Rizal Province Area Coordinator Kimberly Edraisa, tinalakay ang mga isyung kinahaharap ng komunidad at ang mga posibleng hakbang at pakikipag-ugnayan sa mga kinauukulang ahensiya ng pamahalaan upang matugunan ang mga ito.

Bilang tulay ng maralitang tagalungsod sa pamahalaan, patuloy na isinusulong ng PCUP ang makabuluhang konsultasyon at pakikipag-ugnayan sa mga urban poor organizations at civil society organizations (CSOs) upang matiyak na napakikinggan ang kanilang mga boses at naihahatid ang kanilang mga pangangailangan sa mga kinauukulang tanggapan.

𝗦𝗮 𝗣𝗖𝗨𝗣, 𝗯𝗮𝘄𝗮𝘁 𝗯𝗼𝘀𝗲𝘀 𝗮𝘆 𝗺𝗮𝗵𝗮𝗹𝗮𝗴𝗮!

30/10/2026

𝐃𝐀𝐘 𝟐 | 𝐁𝐚𝐠𝐨𝐧𝐠 𝐊𝐚𝐬𝐚𝐧𝐚𝐲𝐚𝐧, 𝐁𝐚𝐠𝐨𝐧𝐠 𝐏𝐚𝐠-𝐚𝐬𝐚 𝐩𝐚𝐫𝐚 𝐬𝐚 𝐦𝐠𝐚 𝐏𝐀𝐏𝐬 𝐧𝐠 𝐁𝐢ñ𝐚𝐧 𝐂𝐢𝐭𝐲! 🍞🥖🍛

Nagpapatuloy ang Livelihood Skills Training (LST) para sa mga Project-Affected Persons (PAPs) ng South Commuter Railway Project (SCRP), sa pagkakataong ito ay para sa mga kalahok mula sa mga Barangay ng Sto. Niño, Canlalay, at Platero sa Biñan City, Laguna.

Sa pangunguna ng Presidential Commission for the Urban Poor (PCUP), katuwang ang Department of Transportation - Philippines (DOTr), Lokal na Pamahalaan, at mga Barangay, tampok sa pagsasanay ang Bread and Pastry Production at Cookery (Hot Meals) upang malinang ang praktikal na kasanayan ng mga kalahok at mabuksan ang mga oportunidad para sa trabaho at sariling pagkakakitaan.

Sa ilalim ng Project, sa pamumuno ni PCUP Chairperson at CEO Usec. Michelle Anne "Che-Che" B. Gonzales, patuloy na isinusulong ang mga programang nagbibigay-kakayahan sa mga PAPs upang mapaunlad ang kanilang kakayahan at makapaghanda para sa mas matatag at napapanatiling kabuhayan.

Dahil ang tunay na pag-unlad ay hindi lamang nasusukat sa mga imprastrakturang naitatayo, kundi pati sa mga buhay na nabibigyan ng bagong kakayahan at oportunidad.

30/10/2026

📢 𝐇𝐀𝐏𝐏𝐄𝐍𝐈𝐍𝐆 𝐍𝐎𝐖 | 𝐃𝐀𝐘 𝟒 – 𝐌𝐔𝐋𝐀 𝐒𝐀 𝐏𝐀𝐆𝐊𝐀𝐓𝐔𝐓𝐎 𝐓𝐔𝐍𝐆𝐎 𝐒𝐀 𝐁𝐀𝐆𝐎𝐍𝐆 𝐏𝐀𝐆𝐊𝐀𝐊𝐀𝐓𝐀𝐎𝐍! ❤️👨‍🍳

📍 Brgy. Lutucan 1, Sariaya, Quezon

Sa bawat pagkaing niluluto, may mga pangarap na unti-unting nabibigyang-buhay at pag-asang muling pinatitibay.

Ngayong ikaapat na araw ng Livelihood Skills Training on Cookery – Hot Meals, 100 Project-Affected Persons (PAPs) ng PNR South Long-Haul Railway Project ang patuloy na humahasa ng kanilang kakayahan sa pagluluto upang magkaroon ng dagdag na oportunidad sa paghahanap ng trabaho o pagsisimula ng sariling negosyo.

Sa pangunguna ng Presidential Commission for the Urban Poor (PCUP) sa ilalim ng pamumuno ni PCUP Chairperson and CEO, Hon. Usec. Michelle Anne "Che-Che" B. Gonzales, patuloy na nabibigyan ng inspirasyon ang mga PAPs na harapin ang mga hamon at magsikap para sa mas maayos na kinabukasan.

Sa pamamagitan ng ALPAS Komunidad Project, nagkakaroon sila ng bagong kaalaman at kasanayang maaaring maging puhunan sa pagkakaroon ng mas matatag na kabuhayan. Kalakip nito ang taos-pusong pasasalamat ng mga kalahok sa pagkakataong matuto at magkaroon ng panibagong pag-asa para sa kanilang pamilya.

Dahil bawat bagong kasanayan ay maaaring maging simula ng pagbabago at mas magandang bukas.

30/10/2026

𝐈𝐁𝐀’𝐓 𝐈𝐁𝐀𝐍𝐆 𝐓𝐈𝐍𝐈𝐆, 𝐈𝐈𝐒𝐀𝐍𝐆 𝐋𝐀𝐘𝐔𝐍𝐈𝐍: 𝐏𝐀𝐆𝐏𝐀𝐏𝐀𝐇𝐔𝐒𝐀𝐘 𝐍𝐆 𝐂𝐁𝐏 𝐒𝐀 𝐌𝐈𝐍𝐃𝐀𝐍𝐀𝐎

𝗗𝗔𝗩𝗔𝗢 𝗖𝗜𝗧𝗬 | 𝗢𝗖𝗧𝗢𝗕𝗘𝗥 𝟮𝟬𝟮𝟲

Sa likod ng bawat organisasyon ay mga kuwentong sumasalamin sa mga hamon, tagumpay, at adhikain ng mga pamayanang kanilang kinabibilangan. Sa Mindanao, kung saan nagtatagpo ang iba't ibang kultura at karanasan, mahalagang marinig ang mga tinig ng maralitang tagalungsod upang higit na maunawaan ang kanilang mga pangangailangan at mapahusay ang mga programang naglalayong palakasin ang kanilang kakayahan.

Bilang bahagi ng pagsusuri sa Capability Building Program (CBP), nagsagawa ang Presidential Commission for the Urban Poor (PCUP), sa pamamagitan ng Research, Planning and Monitoring Division (RPMD) at sa suporta ng Field Operations Division–Mindanao (FOD–Mindanao), ng Focus Group Discussion (FGD) kasama ang mga miyembro ng iba't ibang Urban Poor Organizations (UPOs) sa Davao City.

Sa talakayan, ibinahagi ng mga kalahok ang kanilang mga karanasan, pananaw, at mungkahi hinggil sa CBP, kabilang ang mga kaalamang kanilang natutuhan, mga hamong kinakaharap, at mga pangangailangan ng kanilang mga organisasyon. Naging mahalagang bahagi rin ng diskusyon ang pagkakaiba-iba ng mga sektor sa Mindanao, kabilang ang mga katutubo (Indigenous Peoples o IPs), mga Muslim, at iba pang pangkat sa pamayanan. Ipinakita ng kanilang mga salaysay na mahalagang isaalang-alang ang natatanging kultura, kalagayan, at pangangailangan ng bawat sektor sa pagbuo at pagpapatupad ng mga programang pangkaunlaran.

Nagbigay ng pambungad na pananalita si Assistant Chief Engr. Homer A. Atanoza, habang naghatid naman ng pangwakas na pananalita si Chief of Operations Atty. Ferdinand C. Iman. Naging mahalaga rin ang aktibong pakikiisa at suporta ng mga Technical Operations and Support Groups (TOSGs) ng FOD–Mindanao sa pagsasagawa ng aktibidad.

Ang mga pananaw at mungkahing nakalap ay magsisilbing mahalagang batayan sa pagtukoy sa mga kalakasan ng CBP at sa mga aspektong nangangailangan ng pagpapahusay. Kasama ng mga resulta ng survey at Key Informant Interview (KII), makatutulong ang mga ito sa pagbuo ng mas komprehensibong pagsusuri sa kontribusyon ng programa sa pagpapalakas ng kakayahan ng mga organisasyon at pamayanan ng maralitang tagalungsod.

Alinsunod sa direktiba ni PCUP Chairperson at CEO, Usec. Michelle Anne "Che-Che" B. Gonzales, patuloy na isinusulong ng Komisyon ang mga programang nakabatay sa ebidensya at kumikilala sa pagkakaiba-iba ng mga pamayanan. Sa pamamagitan ng pakikinig sa iba't ibang tinig at karanasan, layunin ng PCUP na higit pang mapahusay ang mga programang nagtataguyod ng inklusibo, makatarungan, at makabuluhang pag-unlad para sa lahat.

29/10/2026

𝐌𝐎𝐑𝐍𝐈𝐍𝐆 𝐏𝐑𝐀𝐘𝐄𝐑 | 30 October 2026 🙏

Address

9th Floor, Sunnymede, IT Center, South Triangle, Philippines
Quezon City
1117

Opening Hours

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm

Telephone

+63283620220

Website

http://pcup.gov.ph/

Alerts

Be the first to know and let us send you an email when Presidential Commission for the Urban Poor posts news and promotions. Your email address will not be used for any other purpose, and you can unsubscribe at any time.