What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

National Commission on Indigenous Peoples

Home
Philippines
Quezon City
National Commission on Indigenous Peoples

Call Directions Website Contact the organization

TO RECOGNIZE, RESPECT, PROMOTE, AND PROTECT THE RIGHTS OF ICCs/IPs

MANDATE

The NCIP shall protect and promote the interest and well-being of the ICCs/IPs with due regard to their beliefs, customs, traditions and institutions. VISION

By 2040, all Philippine Indigenous Cultural Communities/Indigenous Peoples will be fully empowered, their rights genuinely fulfilled and realized, their cultural heritage observed, respected, and preserved, and their ancestral domains and land sustainably protected and developed, ensuring active participation and contribution to nation-building with their identity remaining intact as they adapt to evolving times, and thus securing a lasting legacy for future generations.

11/11/2026

𝗞𝗔𝗥𝗔𝗣𝗔𝗧𝗔𝗡 𝗦𝗔 𝗟𝗨𝗣𝗔𝗡𝗚 𝗡𝗜𝗡𝗨𝗡𝗢 𝗡𝗚 𝗠𝗚𝗔 𝗗𝗨𝗠𝗔𝗚𝗔𝗧 𝗦𝗔 𝗖𝗔𝗟𝗔𝗚𝗨𝗔𝗦 𝗜𝗦𝗟𝗔𝗡𝗗, 𝗣𝗜𝗡𝗔𝗚𝗧𝗜𝗕𝗔𝗬 𝗦𝗔 𝗣𝗔𝗚-𝗔𝗣𝗥𝗨𝗕𝗔 𝗡𝗚 𝗖𝗥𝗔𝗗!

Isang makabuluhang tagumpay para sa mga Dumagat Indigenous Cultural Communities/Indigenous Peoples (ICCs/IPs) ang opisyal na pag-apruba sa kanilang aplikasyon para sa Certificate of Recognition of Ancestral Domain (CRAD) na sumasaklaw sa humigit-kumulang 1,600 ektarya ng lupang ninuno at katubigang ninuno sa Sitio Cutaba at Sitio Sampitan, Barangay Pinagtigasan, Calaguas Island, Vinzons, Camarines Norte.

Ang pagkilalang ito ay bunga ng sama-samang pagkilos at matatag na hangarin ng komunidad na mapangalagaan ang kanilang karapatan sa lupaing matagal nang bahagi ng kanilang kasaysayan at pamumuhay. Sa loob ng maraming henerasyon, ang dagat, kagubatan, at mga likas na yaman ng Calaguas ay nagsilbing pundasyon ng kanilang kabuhayan, katutubong kaalaman, tradisyon, at pagkakakilanlan.

Mula sa mga salaysay ng kanilang mga nakatatanda, pagtukoy sa mga tradisyunal na hangganan, hanggang sa isinagawang pananaliksik, konsultasyon, at aktuwal na pagsisiyasat sa kanilang teritoryo, naging mahalagang bahagi ng proseso ang aktibong pakikilahok ng komunidad upang mapagtibay ang kanilang makasaysayang ugnayan sa lupang ninuno.

Ang pag-apruba sa CRAD ay isang mahalagang hakbang sa pormal na pagkilala sa kanilang ancestral domain claim, na nagbibigay ng higit na batayan sa pagtataguyod ng kanilang mga karapatan at pangangalaga sa pamanang kultural na patuloy nilang ipinapasa sa mga susunod na salinlahi.

Para sa mga Dumagat, ang lupang ninuno ay hindi lamang lugar na kanilang tinitirhan. Ito ang buhay na saksi sa kanilang pinagmulan, tahanan ng kanilang kultura, at pundasyon ng kanilang kinabukasan.

Sa makabuluhang yugtong ito, muling pinagtitibay ng National Commission on Indigenous Peoples (NCIP) ang matatag nitong paninindigan na kilalanin, igalang, at pangalagaan ang mga karapatan ng mga Katutubong Pamayanan, kabilang ang kanilang karapatan sa lupang ninuno, sariling pagkakakilanlan, at pagpapatuloy ng kanilang mga tradisyon.

Sapagkat sa bawat lupang ninunong kinikilala, isang pamana ang pinangangalagaan at isang kinabukasang may dignidad ang higit na pinagtitibay.

“𝙈𝙖𝙨𝙖𝙜𝙖𝙣𝙖𝙣𝙜 𝙆𝙖𝙩𝙪𝙩𝙪𝙗𝙤𝙣𝙜 𝙋𝙖𝙢𝙖𝙮𝙖𝙣𝙖𝙣: 𝙎𝙖𝙣𝙙𝙞𝙜𝙖𝙣 𝙣𝙜 𝙋𝙖𝙢𝙗𝙖𝙣𝙨𝙖𝙣𝙜 𝙆𝙖𝙪𝙣𝙡𝙖𝙧𝙖𝙣”

11/11/2026

Dumalo at nakibahagi ang NCIP sa pangunguna ni Secretary Nancy Catamco kasama ang mga Bureau Directors ng Komisyon mula sa Legal Affairs Office (LAO), Foreign Assisted and Special Projects Office (FASPO), at Office on Policy, Planning, and Research (OPPR) sa regular meeting ng House Committee on Indigenous Cultural Communities and Indigenous Peoples sa House of Representatives ngayong araw, November 10, 2026.

Tinalakay sa pagpupulong ang mga panukalang batas na may kinalaman sa karapatan at kapakanan ng ICCs/IPs:

- HB No. 10201 – Philippine Indigenous Farming Practices Protection Act
- HB No. 11633 – Tribal Health Workers Act
- HB No. 11594 – Zamboanga Cultural Center for Indigenous Peoples Act
- HB No. 09501 – Kabuhayan sa Katutubong Barangay Act

Inilahad ng NCIP ang mga posisyon at rekomendasyon nito upang higit pang mapahusay ang mga panukalang batas at matiyak ang kanilang pagkakatugma sa Indigenous Peoples' Rights Act (IPRA) of 1997, partikular sa mga karapatan ng ICCs/IPs sa sariling pamamahala, Free and Prior Informed Consent (FPIC), at pangangalaga ng kanilang kultura at kaalaman.

Natalakay rin ang usaping inilahad ni Rep. Jose “Joboy” S. Aquino II kaugnay ng Panaad sa Barangay Anticala, Butuan City. Bilang kasunod na hakbang, napagkasunduan nina Sec. Nancy at Cong. Joboy ang muling pagpupulong upang mapalalim ang talakayan, mapakinggan ang mga kinauukulang panig, at matukoy ang mga posibleng hakbang tungo sa paglutas ng usapin.

Kasama rin sa talakayan ang 2026 FPIC Guidelines, kung saan nagpahayag ng mga obserbasyon at mungkahi ang mga kinatawan ng civil society organizations na CBCP Episcopal Commission on Indigenous Peoples, Legal Rights and Natural Resources Center (LRC) at UP Institute of Human Rights.

Kabilang sa mga mungkahing tinalakay ang pagsasalin sa Filipino ng Guidelines at pagtiyak na may sapat na panahon at impormasyon ang mga pamayanan upang makapagpasya alinsunod sa kanilang mga kaugalian at proseso. Pinahalagahan ng NCIP ang pagkakataong ibinigay ng komite, sa pangunguna ni Rep. Mauricio G. Domogan, upang talakayin ang mahahalagang usaping ito.

Bilang bahagi ng mga susunod na hakbang, nakatuon ang NCIP, sa ilalim ng pamumuno ni Sec. Nancy Catamco, sa pagsusumite ng mga kinakailangang dokumento at pagtupad sa mga aksiyong hiniling ng House Committee upang masuportahan ang pagpapatuloy ng mga talakayan at proseso.

Patuloy na isinusulong ng NCIP ang mga hakbang na kumikilala at nagtatanggol sa karapatan ng mga ICCs/IPs, alinsunod sa mandato nito at sa mga prinsipyong nakapaloob sa IPRA.

“𝙈𝙖𝙨𝙖𝙜𝙖𝙣𝙖𝙣𝙜 𝙆𝙖𝙩𝙪𝙩𝙪𝙗𝙤𝙣𝙜 𝙋𝙖𝙢𝙖𝙮𝙖𝙣𝙖𝙣: 𝙎𝙖𝙣𝙙𝙞𝙜𝙖𝙣 𝙣𝙜 𝙋𝙖𝙢𝙗𝙖𝙣𝙨𝙖𝙣𝙜 𝙆𝙖𝙪𝙣𝙡𝙖𝙧𝙖𝙣”

10/11/2026

𝗠𝗔𝗞𝗔𝗦𝗔𝗬𝗦𝗔𝗬𝗔𝗡𝗚 𝗣𝗔𝗚𝗞𝗜𝗟𝗔𝗟𝗔 𝗦𝗔 𝗞𝗔𝗥𝗔𝗣𝗔𝗧𝗔𝗡 𝗔𝗧 𝗟𝗨𝗣𝗔𝗡𝗚 𝗡𝗜𝗡𝗨𝗡𝗢 𝗡𝗚 𝗔𝗚𝗧𝗔-𝗗𝗨𝗣𝗔𝗡𝗜𝗡𝗚𝗔𝗡!

Isang mahalagang yugto sa kasaysayan ng mga Agta-Dupaningan Indigenous Cultural Communities/Indigenous Peoples (ICCs/IPs) ang naitala sa opisyal na pag-apruba ng kanilang aplikasyon para sa Certificate of Ancestral Domain Title (CADT) na sumasaklaw sa 13,200.8219 ektarya ng lupang ninuno at katubigang ninuno sa Palaui Island, Barangay San Vicente, Santa Ana, Cagayan.

Higit pa sa pagkilala sa hangganan ng kanilang nasasakupang teritoryo, ang pag-aprubang ito ay pagkilala sa malalim na ugnayan ng mga Agta-Dupaningan sa kanilang lupang ninuno, isang pamana na nakaugat sa kanilang kasaysayan, pagkakakilanlan, kultura, kabuhayan, at mga tradisyong ipinasa mula sa isang henerasyon tungo sa susunod.

Ang makabuluhang tagumpay na ito ay naisakatuparan sa ilalim ng pamumuno ni NCIP Secretary Nancy A. Catamco, sa pangunguna ni Commissioner Rhodex Valenciano sa paghahain ng mosyon para sa pag-apruba, at sa suporta nina Commissioner Alex Centena, Commissioner Marie Grace Pascua, Commissioner Purisimo Tiam, Atty. Leslie Mae Plaza, at Atty. Alberto Lagamon.

Ang pag-apruba sa CADT ay hindi lamang katuparan ng matagal nang hangarin ng komunidad para sa pormal na pagkilala sa kanilang lupang ninuno. Isa rin itong mahalagang hakbang tungo sa higit na pangangalaga sa kanilang karapatan, pagpapanatili ng kanilang katutubong kaalaman at kaugalian, at pagtiyak na ang kanilang pamanang kultural ay patuloy na mabibigyang-halaga ng mga susunod na salinlahi.

Sapagkat ang lupang ninuno ay hindi lamang teritoryong minana. Ito ang tahanan ng kasaysayan, pagkakakilanlan, at kinabukasan ng isang katutubong pamayanan.

Patuloy na maninindigan ang National Commission on Indigenous Peoples (NCIP) sa pagtataguyod ng karapatan ng mga Katutubong Pamayanan, pagkilala sa kanilang dignidad, at pangangalaga sa kanilang mga lupang ninuno at pamanang kultural.

Ang pagkilala sa lupang ninuno ay pagkilala sa karapatan, pagkakakilanlan, at kinabukasan ng Katutubong Pamayanan.

“𝙈𝙖𝙨𝙖𝙜𝙖𝙣𝙖𝙣𝙜 𝙆𝙖𝙩𝙪𝙩𝙪𝙗𝙤𝙣𝙜 𝙋𝙖𝙢𝙖𝙮𝙖𝙣𝙖𝙣: 𝙎𝙖𝙣𝙙𝙞𝙜𝙖𝙣 𝙣𝙜 𝙋𝙖𝙢𝙗𝙖𝙣𝙨𝙖𝙣𝙜 𝙆𝙖𝙪𝙣𝙡𝙖𝙧𝙖𝙣”

10/11/2026

𝗜𝗦𝗔 𝗡𝗔 𝗡𝗔𝗠𝗔𝗡𝗚 𝗠𝗔𝗞𝗔𝗦𝗔𝗬𝗦𝗔𝗬𝗔𝗡𝗚 𝗧𝗔𝗚𝗨𝗠𝗣𝗔𝗬 𝗣𝗔𝗥𝗔 𝗦𝗔 𝗠𝗚𝗔 𝗞𝗔𝗧𝗨𝗧𝗨𝗕𝗢𝗡𝗚 𝗔𝗚𝗧𝗔 𝗡𝗚 𝗕𝗔𝗔𝗢, 𝗖𝗔𝗠𝗔𝗥𝗜𝗡𝗘𝗦 𝗦𝗨𝗥!

Isang mahalagang hakbang tungo sa ganap na pagkilala at pangangalaga sa karapatan ng mga Katutubo ang nasaksihan sa pag-apruba ng aplikasyon para sa Certificate of Ancestral Domain Title (CADT) ng mga Agta/Agta-Tabangnon/Agta-Cimaron sa Bayan ng Baao, Camarines Sur.

Saklaw ng aplikasyon ang humigit-kumulang 4,910.6234 ektarya ng lupang ninuno na sumasaklaw sa mga bahagi ng 15 barangay, na kumikilala sa ugnayan ng mga Katutubo sa kanilang lupang ninuno, kultura, pagkakakilanlan, at karapatang minana pa sa kanilang mga ninuno.

Sa pamumuno ni NCIP Secretary Nancy A. Catamco, pinangunahan ni Commissioner Rhodex Valenciano ang pagsusulong ng pag-apruba sa aplikasyon, na buong suporta namang tinanggap ng iba pang mga Komisyoner, kabilang sina Commissioner Alex Centena, Commissioner Marie Grace Pascua, Commissioner Purisimo Tiam, Atty. Leslie Mae Plaza, at Alberto Lagamon.

Ang pag-aprubang ito ay bunga ng mahabang proseso, patuloy na pagsisikap, at sama-samang pagkilos ng komunidad at ng NCIP upang maisulong ang pagkilala sa karapatan ng mga Katutubo sa kanilang lupang ninuno.

Higit pa sa pagkilala sa lupain, ito ay pagkilala sa kasaysayan, identidad, at kinabukasan ng isang pamayanang patuloy na nag-iingat at nagtataguyod ng kanilang kultura at tradisyon.

Isang makabuluhang tagumpay para sa karapatan ng mga Katutubo. Isang hakbang tungo sa katarungan, pagkilala, at proteksyon ng kanilang lupang ninuno.

“𝙈𝙖𝙨𝙖𝙜𝙖𝙣𝙖𝙣𝙜 𝙆𝙖𝙩𝙪𝙩𝙪𝙗𝙤𝙣𝙜 𝙋𝙖𝙢𝙖𝙮𝙖𝙣𝙖𝙣: 𝙎𝙖𝙣𝙙𝙞𝙜𝙖𝙣 𝙣𝙜 𝙋𝙖𝙢𝙗𝙖𝙣𝙨𝙖𝙣𝙜 𝙆𝙖𝙪𝙣𝙡𝙖𝙧𝙖𝙣”

09/11/2026

Nakipagpulong ang National Commission on Indigenous Peoples (NCIP) sa mga kinatawan ng Initiatives for Dialogue and Empowerment through Alternative Legal Services (IDEALS) ngayong araw, Nobyembre 9 upang talakayin kung paano maaaring magtulungan ang dalawang panig sa pagsuporta sa mga Katutubong Pamayanan.

Ang IDEALS ay isang nonprofit na organisasyong nagbibigay ng tulong legal at teknikal sa mga sektor na nahihirapang makakuha ng mga serbisyong ito.

Mahalagang magsilbing gabay sa anumang pagtutulungan ang mga pangangailangan at prayoridad na mismong tinutukoy ng mga Katutubong Pamayanan.

“𝙈𝙖𝙨𝙖𝙜𝙖𝙣𝙖𝙣𝙜 𝙆𝙖𝙩𝙪𝙩𝙪𝙗𝙤𝙣𝙜 𝙋𝙖𝙢𝙖𝙮𝙖𝙣𝙖𝙣: 𝙎𝙖𝙣𝙙𝙞𝙜𝙖𝙣 𝙣𝙜 𝙋𝙖𝙢𝙗𝙖𝙣𝙨𝙖𝙣𝙜 𝙆𝙖𝙪𝙣𝙡𝙖𝙧𝙖𝙣”

06/11/2026

𝗔𝗽𝗿𝘂𝗯𝗮𝗱𝗼 𝗻𝗮 𝗮𝗻𝗴 𝗖𝗔𝗗𝗧 𝗮𝗽𝗽𝗹𝗶𝗰𝗮𝘁𝗶𝗼𝗻 𝗻𝗴 𝗽𝗮𝗺𝗮𝘆𝗮𝗻𝗮𝗻𝗴 𝗜𝘀𝗻𝗮𝗴-𝗜𝗺𝗮𝗹𝗮𝘄𝗮 𝘀𝗮 𝗩𝗶𝗻𝘁𝗮𝗿, 𝗜𝗹𝗼𝗰𝗼𝘀 𝗡𝗼𝗿𝘁𝗲!

Kabilang sa mga inaprubahan sa 36th Regular Commission En Banc (CEB) Session ng 10th Commission ang aplikasyon para sa Certificate of Ancestral Domain Title (CADT) ng pamayanang Isnag-Imalawa sa Vintar, Ilocos Norte.

Pinangunahan ni Secretary Nancy A. Catamco ang sesyon ng National Commission on Indigenous Peoples (NCIP).

Saklaw ng aplikasyon ang 22,148.1973 ektarya sa Barangays Isic-isic, Canaam, Cabangaran at Dagupan sa bayan ng Vintar, Ilocos Norte.

Ang CADT ay pormal na titulo na inilalabas ng NCIP bilang pagkilala sa sama-samang pagmamay-ari at karapatan ng Indigenous Cultural Communities/Indigenous Peoples (ICCs/IPs) sa kanilang lupaing ninuno. Ang pag-apruba sa aplikasyon ay mahalagang hakbang tungo sa pagkilalang ito para sa pamayanang Isnag-Imalawa.

Binabati ng NCIP ang pamayanan at pinasasalamatan ang mga lider, nakatatanda at kawani ng NCIP na nagsikap upang maisulong ang aplikasyon.

“𝙈𝙖𝙨𝙖𝙜𝙖𝙣𝙖𝙣𝙜 𝙆𝙖𝙩𝙪𝙩𝙪𝙗𝙤𝙣𝙜 𝙋𝙖𝙢𝙖𝙮𝙖𝙣𝙖𝙣: 𝙎𝙖𝙣𝙙𝙞𝙜𝙖𝙣 𝙣𝙜 𝙋𝙖𝙢𝙗𝙖𝙣𝙨𝙖𝙣𝙜 𝙆𝙖𝙪𝙣𝙡𝙖𝙧𝙖𝙣”

06/11/2026

𝗖𝗔𝗗𝗧 𝗮𝗽𝗽𝗹𝗶𝗰𝗮𝘁𝗶𝗼𝗻 𝗻𝗴 𝗛𝗶𝗴𝗮𝗼𝗻𝗼𝗻 𝗻𝗴 𝗗𝘂𝗹𝗮𝗻𝗴𝗮𝗻 𝘀𝗮 𝗠𝗶𝘀𝗮𝗺𝗶𝘀 𝗢𝗿𝗶𝗲𝗻𝘁𝗮𝗹, 𝗶𝗻𝗮𝗽𝗿𝘂𝗯𝗮𝗵𝗮𝗻 𝗻𝗴 𝗖𝗘𝗕

Inaprubahan ng Commission En Banc (CEB) ng National Commission on Indigenous Peoples (NCIP) ang aplikasyon para sa Certificate of Ancestral Domain Title (CADT) ng pamayanang Higaonon ng Dulangan, na sumasaklaw sa 18,788.4832 ektarya sa Opol at Manticao, Misamis Oriental.

Ginawa ang pag-apruba sa ika-36 na Regular Session ng CEB noong Nobyembre 5, 2026, sa pangunguna ni Secretary Nancy A. Catamco.

Saklaw ng aplikasyon ang walong barangay: Awang, Bagocboc, Tingalan, Nangcaon, Cauyonan at Limonda sa Opol; at Mahayahay at Upper Malubog sa Manticao.

Dumaan ang aplikasyon sa pangangalap at pagpapatunay ng mga ebidensya, survey, mapping, publication at pagsusuri sa mga teknikal at dokumentaryong kinakailangan.

Dumalo ang walong lider ng gaop bilang pagpapakita ng pagkakaisa ng pamayanan. Naging bahagi rin ng pag-usad ng aplikasyon ang suporta ni Opol Mayor Jayfrancis “Jay” Bago at ng mga kawani ng NCIP.

Ang pag-aprubang ito ay mahalagang hakbang sa pormal na pagkilala sa karapatan ng pamayanang Higaonon sa kanilang lupaing ninuno, kung saan nakaugat ang kanilang kasaysayan, kultura at sariling pamamahala.

“𝙈𝙖𝙨𝙖𝙜𝙖𝙣𝙖𝙣𝙜 𝙆𝙖𝙩𝙪𝙩𝙪𝙗𝙤𝙣𝙜 𝙋𝙖𝙢𝙖𝙮𝙖𝙣𝙖𝙣: 𝙎𝙖𝙣𝙙𝙞𝙜𝙖𝙣 𝙣𝙜 𝙋𝙖𝙢𝙗𝙖𝙣𝙨𝙖𝙣𝙜 𝙆𝙖𝙪𝙣𝙡𝙖𝙧𝙖𝙣”

03/11/2026

𝐂𝐎𝐏 𝐂𝐁𝐃 𝐀𝐩𝐩𝐫𝐨𝐯𝐞𝐬 𝐑𝐮𝐥𝐞𝐬 𝐟𝐨𝐫 𝐏𝐞𝐫𝐦𝐚𝐧𝐞𝐧𝐭 𝐁𝐨𝐝𝐲 𝐟𝐨𝐫 𝐈𝐏𝐋𝐂𝐬

The Conference of the Parties to the Convention on Biological Diversity (C*D) approved the modus operandi of its Subsidiary Body on Article 8(j) and Other Provisions Related to Indigenous Peoples and Local Communities in the early hours of of 31 October 2026, at the closing plenary of COP17 in Yerevan Armenia. The modus operandi establishes the rules that will guide the permanent body’s operation and participation arrangements of Indigenous Peoples and local communities.

The approval followed extensive negotiations on how the body, known as SB8J, will operate and how Indigenous Peoples and local communities (IPLCs) will take part in its work. Delegations considered a range of proposals and worked constructively to reach consensus.

The discussions focused on how IPLCs will help shape the work of a body dedicated to their knowledge, practices and contributions to biodiversity. Parties gave careful attention to arrangements for representation, nomination and selection, guided by the shared goal of full and effective participation and respect for communities’ own procedures.

Building on these discussions, deliberations took place across contact groups, informal consultations, bilateral meetings and Friends of the Chair sessions, and continued in open plenary. Throughout the process, delegations worked to develop language that reflected the range of views expressed. Their aim was a balanced outcome that upholds the principles of full and effective participation and respect for the procedures of Indigenous Peoples and local communities.

Established at COP16 in Cali, Colombia, in 2024, SB8J succeeded the Ad Hoc Working Group on Article 8(j). The adoption of its modus operandi provides the procedural framework for carrying that work forward within the Convention’s permanent institutional arrangements.

Article 8(j) addresses the knowledge, innovations and practices of Indigenous and local communities relevant to biodiversity conservation and sustainable use. It calls for their wider application with the approval and involvement of the holders of that knowledge, and for equitable sharing of the benefits arising from its use.

For communities, the implications reach beyond procedure. They concern whose knowledge informs biodiversity policy, whose representatives participate in discussions, and how international decisions respond to the people sustaining lands, waters and resources through customary governance and practice.

The National Commission on Indigenous Peoples (NCIP) led all negotiations on Article 8(j) on behalf of the Philippines, representing the country in working and contact groups, informal consultations, bilateral discussions, Friends of the Chair meetings and open plenary deliberations.

The Philippine engagement drew on the country’s experience with the Indigenous Peoples Rights Act, including its recognition of ancestral domains, customary institutions and Indigenous Peoples’ participation in decisions affecting their communities.

The agreement carries the difficult compromises through which it was reached. Its implementation will now test whether the space secured through negotiation enables IPLCs to participate effectively and influence the Convention’s work.

With the rules now approved, the work moves to putting them into practice. For the Indigenous Peoples and local communities whose participation was negotiated across countless meetings, the measure of this agreement will be whether their voices carry weight when the next decisions are made.

“𝙈𝙖𝙨𝙖𝙜𝙖𝙣𝙖𝙣𝙜 𝙆𝙖𝙩𝙪𝙩𝙪𝙗𝙤𝙣𝙜 𝙋𝙖𝙢𝙖𝙮𝙖𝙣𝙖𝙣: 𝙎𝙖𝙣𝙙𝙞𝙜𝙖𝙣 𝙣𝙜 𝙋𝙖𝙢𝙗𝙖𝙣𝙨𝙖𝙣𝙜 𝙆𝙖𝙪𝙣𝙡𝙖𝙧𝙖𝙣”

Address

Sunnymede IT Center, 6th & 7th Floors, 1614 Quezon Avenue
Quezon City
1008

Opening Hours

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm

Telephone

+63285751200

Website

http://ncip.gov.ph/

Alerts

Be the first to know and let us send you an email when National Commission on Indigenous Peoples posts news and promotions. Your email address will not be used for any other purpose, and you can unsubscribe at any time.