Ministria e Drejtësisë

Call Directions Website

Ministria e Drejtësisë Contact information, map and directions, contact form, opening hours, services, ratings, photos, videos and announcements from Ministria e Drejtësisë, Public & Government Service, Luan Haradinaj, Pristina.

Ministrja Gërvalla mirëpret dekretimin e Ligjit për Byronë Shtetërore: Përfundon epoka e fshehjes së pasurisë pas pushte...
13/11/2026

Ministrja Gërvalla mirëpret dekretimin e Ligjit për Byronë Shtetërore: Përfundon epoka e fshehjes së pasurisë pas pushtetit dhe privilegjeve

Zëvendëskryeministrja dhe Ministrja e Drejtësisë, Donika Gërvalla, ka mirëpritur dekretimin e Ligjit për Byronë Shtetërore për Procedurën e Verifikimit dhe Konfiskimit të Pasurisë së Pajustifikueshme, duke e cilësuar këtë zhvillim si një hap të rëndësishëm drejt forcimit të sundimit të ligjit dhe luftimit të pasurisë së pajustifikueshme.

Dy javë pas miratimit në Kuvendin e Kosovës, Ligji mori dritën e gjelbër edhe përmes dekretimit nga Presidentja e Republikës së Kosovës, duke hapur rrugën për avancimin e një mekanizmi të rëndësishëm institucional në luftën kundër pasurisë së fituar në mënyrë të pajustifikueshme.

“Byroja Shtetërore përfundimisht shënon fundin e një epoke kur pasuria e pajustifikueshme mund të fshihej pas pushtetit dhe privilegjeve”, tha Ministrja Gërvalla.

Ajo ka ritheksuar parimin se askush nuk mund të jetë mbi ligjin dhe se përfitimi i pasurisë që nuk mund të justifikohet nuk mund të tolerohet.

“Askush nuk mund të jetë mbi ligjin, dhe askush nuk guxon të përfitojë pasuri që nuk mund ta justifikojë”, ka deklaruar ministrja Gërvalla.

Ligji për Byronë Shtetërore për Procedurën e Verifikimit dhe Konfiskimit të Pasurisë së Pajustifikueshme përcakton themelimin, organizimin dhe kompetencat e Byrosë, si dhe procedurat për verifikimin dhe konfiskimin e pasurisë së pajustifikueshme.

13/11/2026

Me 89 vota për, miratohet Marrëveshja për Ndihmë të Ndërsjellë Juridike në Çështjet Penale ndërmjet Kosovës dhe Belgjikës

Kuvendi i Republikës së Kosovës ka miratuar sot Projektligjin për ratifikimin e Traktatit për Ndihmë të Ndërsjellë Juridike në Çështjet Penale ndërmjet Republikës së Kosovës dhe Mbretërisë së Belgjikës, me 89 vota për, asnjë kundër dhe asnjë abstenim.

Zëvendëskryeministrja dhe Ministrja e Drejtësisë, Donika Gërvalla, tha se Traktati krijon mundësi konkrete për hetime më efikase, shkëmbim të provave, sekuestrim dhe konfiskim të pasurisë, si dhe themelim të grupeve të përbashkëta hetimore.

Ministrja Gërvalla vuri në pah rëndësinë e veçantë të bashkëpunimit në identifikimin, gjurmimin dhe konfiskimin e pasurisë së përfituar përmes veprimtarisë kriminale.

“Luftimi i krimit kërkon edhe goditjen e burimeve të tij financiare, jo vetëm ndjekjen penale të autorëve”, theksoi Ministrja Gërvalla.

Ajo shtoi se përmes këtij Traktati forcohen kapacitetet e institucioneve të Kosovës për të hetuar, bashkëpunuar dhe vepruar përtej kufijve shtetërorë, në mbrojtje të ligjshmërisë dhe drejtësisë.

13/11/2026

Miratohet Marrëveshja për Ndihmë të Ndërsjellë Juridike në Çështje Penale ndërmjet Kosovës dhe Suedisë

Me 85 vota për, asnjë kundër, asnjë abstenim, Kuvendi i Republikës së Kosovës ka miratuar sot Marrëveshjen për Ndihmë të Ndërsjellë Juridike në Çështje Penale ndërmjet Republikës së Kosovës dhe Mbretërisë së Suedisë, e cila synon forcimin e bashkëpunimit ndërinstitucional në hetimin dhe trajtimin e veprave penale.

Gjatë prezantimit të Marrëveshjes në seancën plenare, Zëvendëskryeministrja dhe Ministrja e Drejtësisë, Donika Gërvalla, theksoi se bashkëpunimi ndërmjet institucioneve të drejtësisë është i domosdoshëm në një realitet ku format e kriminalitetit gjithnjë e më shumë tejkalojnë kufijtë shtetërorë.

"Në një realitet kur format e kriminalitetit gjithnjë e më shumë I kapërcejnë kufijtë shtetërorë, bashkëpunimi ndërmjet institucioneve përgjegjës të drejtësisë është domosdoshmëri për hetimin efektiv të veprave penale dhe vënien e përgjegjësve para drejtësisë", deklaroi Ministrja Gërvalla.

Ajo tha se marrëveshja vendos një bazë të qëndrueshme për bashkëpunimin ndërmjet autoriteteve kompetente të të dyja shteteve, përmes sigurimit dhe shkëmbimit të provave, marrjes së deklaratave, dorëzimit të dokumenteve dhe formave të tjera të ndihmës juridike në procedurat penale.

"Marrëveshja përcakton gjithashtu kushtet për paraqitjen dhe ekzekutimin e kërkesave, legjislacionin e zbatueshëm dhe rrethanat në të cilat ndihma juridike mund të refuzohet, duke siguruar qartësi procedurale dhe respektim të garancive juridike", deklaroi Ministrja Gërvalla.

Tutje, ajo vlerësoi se përmes kësaj marrëveshjeje, Kosova zgjeron mekanizmat e bashkëpunimit me një shtet evropian dhe forcon kapacitetet institucionale për të adresuar kriminalitetin përtej kufijve të saj.

13/11/2026

Kuvendi miratoi Marrëveshjen për Transferimin e Personave të Dënuar ndërmjet Kosovës dhe Suedisë

Me 83 vota për, asnjë kundër dhe asnjë abstenim, Kuvendi i Republikës së Kosovës ka miratuar sot Marrëveshjen për Transferimin e Personave të Dënuar ndërmjet Republikës së Kosovës dhe Mbretërisë së Suedisë.

Kjo Marrëveshje parasheh që personat e dënuar të vazhdojnë vuajtjen e dënimit në shtetin me të cilin kanë lidhje të qëndrueshme shoqërore, përkatësisht në shtetin e vendbanimit të tyre të përhershëm.

Duke prezantuar Marrëveshjen para deputetëve, Zëvendëskryeministrja dhe Ministrja e Drejtësisë, Donika Gërvalla, theksoi rëndësinë e rehabilitimit dhe riintegrimit shoqëror si pjesë përbërëse të qëllimit të ekzekutimit të dënimit.

“Rehabilitimi dhe riintegrimi shoqëror janë pjesë përbërëse e qëllimit të ekzekutimit të dënimit. Në këtë proces, ruajtja e lidhjeve familjare dhe shoqërore ka rëndësi të veçantë për personat e dënuar dhe riintegrimin e tyre pas përfundimit të dënimit”, tha Ministrja Gërvalla.

Tutje, ajo tregoi se Marrëveshja tashmë e miratuar, përcakton kushtet dhe procedurat e transferimit, kompetencat e autoriteteve përkatëse dhe mënyrën e vazhdimit të ekzekutimit të dënimit, duke garantuar respektimin e të drejtave të personave të dënuar dhe zbatimin e detyrimeve përkatëse juridike.

Sipas Ministres Gërvalla, kjo formë e bashkëpunimit ndërkombëtar ndërthur përgjegjësinë penale me aspektin rehabilitues të drejtësisë dhe forcon bashkëpunimin juridik ndërmjet Republikës së Kosovës dhe Mbretërisë së Suedisë.

13/11/2026

Kuvendi miratoi Marrëveshjen për Ekstradim ndërmjet Kosovës dhe Suedisë

Kuvendi i Republikës së Kosovës me 81 vota për, asnjë kundër dhe asnjë abstenim, ka miratuar sot Marrëveshjen për Ekstradim ndërmjet Republikës së Kosovës dhe Mbretërisë së Suedisë, duke krijuar një bazë të re për thellimin e bashkëpunimit juridik ndërkombëtar ndërmjet dy shteteve.

Zëvendëskryeministrja dhe Ministrja e Drejtësisë, Donika Gërvalla, theksoi se kjo marrëveshje është pjesë e orientimit evropian të Kosovës dhe angazhimit për ndërtimin e partneriteteve të qëndrueshme me shtetet demokratike.

"Në orientimin e saj evropian dhe zotimin për të forcuar sundimin e ligjit dhe për të ndërtuar partneritete të qëndrueshme me shtetet demokratike, Republika e Kosovës, gjithnjë e më shumë thellon bashkëpunimin juridik ndërkombëtar. Në këtë frymë është negociuar edhe Marrëveshja me Mbretërinë e Suedisë për Ekstradim", tha Ministrja Gërvalla.

Tutje, Ministrja Gërvalla tregoi se kjo Marrëveshje e krijon një bazë juridike për bashkëpunim të drejtpërdrejtë në mes të autoriteteve kompetente të të dy shteteve, duke përcaktuar kushtet, procedurat dhe detyrimet për ekstradimin e personave të kërkuar, si për ndjekje penale, ashtu edhe për ekzekutimin e dënimeve.

Ajo tha se për Republikën e Kosovës, marrëveshje të tilla përfaqësojnë një dimension të rëndësishëm të bashkëpunimit evropian dhe të forcimit të kapaciteteve shtetërore për zbatimin efektiv të ligjit.

Ministrja Gërvalla tha se ratifikimi i kësaj marrëveshjeje është bërë në përputhje me kërkesat e nenit 18 të Kushtetutës së Republikës së Kosovës, për shkak të ndërlidhjes së saj me të drejtat dhe liritë themelore të njeriut.

Ministrja Gërvalla: “Në qendër të çdo përpjekjeje për përmirësimin e shërbimeve shëndetësore duhet të jetë pacienti, mir...
12/11/2026

Ministrja Gërvalla: “Në qendër të çdo përpjekjeje për përmirësimin e shërbimeve shëndetësore duhet të jetë pacienti, mirëqenia e tij dhe e drejta për kujdes shëndetësor cilësor”

Mbrëmë, Zëvendëskryeministrja dhe Ministrja e Drejtësisë, Donika Gërvalla, ishte e pranishme në hapjen solemne të Konferencës së Parë Ndërkombëtare për Cilësinë e Shërbimeve Shëndetësore, të organizuar për herë të parë nga Ministria e Shëndetësisë.

Në hapjen e kësaj konference u vu në qendër një nga sfidat dhe përgjegjësitë më thelbësore të çdo sistemi shëndetësor: garantimi i kujdesit cilësor, të sigurt dhe dinjitoz për çdo pacient.

“Në qendër të çdo përpjekjeje për përmirësimin e shërbimeve shëndetësore duhet të jetë pacienti, mirëqenia e tij dhe e drejta për kujdes shëndetësor cilësor”, u shpreh ministrja Gërvalla.

Ajo vlerësoi se një nga treguesit më të rëndësishëm të funksionimit të një sistemi shëndetësor mbetet cilësia e shërbimeve shëndetësore, sepse përcakton jo vetëm standardin e kujdesit që ofrohet, por edhe besimin e qytetarëve në institucionet shëndetësore.

“Prandaj, i uroj suksese ministrit, z. Arben Vitia, dhe ekipit të Ministrisë së Shëndetësisë në këtë nismë dhe në punën e mëtejshme për përmirësimin e cilësisë së shërbimeve shëndetësore në vendin tonë”, tha tutje ministrja Gërvalla.

Konferenca e Parë Ndërkombëtare për Cilësinë e Shërbimeve Shëndetësore është një platformë e rëndësishme për bashkimin e ekspertizës vendore dhe ndërkombëtare, shkëmbimin e përvojave dhe avancimin e standardeve në sistemin shëndetësor.

Ministrja Gërvalla: Mënyra se si një shoqëri i mbron fëmijët është një nga matësit më të rëndësishëm të drejtësisë dhe p...
12/11/2026

Ministrja Gërvalla: Mënyra se si një shoqëri i mbron fëmijët është një nga matësit më të rëndësishëm të drejtësisë dhe përgjegjësisë së saj

Për të diskutuar rreth forcimit të mekanizmave të raportimit dhe mbrojtjes së fëmijëve nga dhuna, Zëvendëskryeministrja dhe Ministrja e Drejtësisë, Donika Gërvalla, priti në takim znj. Donjeta Kelmendi, Drejtoreshën Ekzekutive të Koalicionit të OJQ-ve për Mbrojtjen e Fëmijëve (KOMF) dhe znj. Marija Vuksani nga Terre des hommes Kosovë.

Gjatë takimit, përveç rreth mekanizmave raportues e mbrojtës, u fol edhe për rëndësinë e bashkërendimit të përpjekjeve institucionale dhe shoqërisë civile në këtë aspekt. Me këtë rast, Ministrja Gërvalla vlerësoi edhe një nga projektet e KOMF-it për raportimin dhe luftimin e dhunës ndaj fëmijëve.

“Projekti i KOMF-it, “Platforma Digjitale për Raportimin dhe Luftimin e Dhunës ndaj Fëmijëve”, është një iniciativë e mbështetur nga Bashkimi Evropian, që synon t'u mundësojë fëmijëve raportimin e dhunës dhe abuzimit përmes një mekanizmi digjital të sigurt, të besueshëm dhe miqësor për ta. Projekti parasheh pilotimin e platformës në 55 shkolla, trajnimin e profesionistëve dhe hartimin e standardeve për trajtimin e rasteve të raportuara, me synim funksionalizimin e saj deri në vitin 2028”.

Ministrja Gërvalla dhe përfaqësueset e OJQ-ve, riafirmuan edhe rëndësinë e funksionalizimit të Linjës Telefonike për Fëmijë, si mekanizëm plotësues dhe i domosdoshëm, që së bashku me platformën digjitale të garantojë më shumë mundësi për raportim dhe qasje në mbrojtje.

“Mbrojtja e fëmijëve kërkon që asnjë formë dhune të mos relativizohet, asnjë sinjal të mos shpërfillet dhe asnjë rast të mos mbetet pa trajtimin e duhur”, u shpreh Ministrja Gërvalla.

Ajo deklaroi se si Koordinatore Kombëtare, do të angazhohet fuqishëm në mbështetje të çdo nisme dhe çdo përpjekjeje që e bën mbrojtjen reale, të prekshme dhe të pakushtëzuar.

Vazhdojnë punimet për hartimin e Planit të Veprimit 2027–2029 për mbrojtjen nga dhuna në familje dhe dhuna me bazë gjino...
12/11/2026

Vazhdojnë punimet për hartimin e Planit të Veprimit 2027–2029 për mbrojtjen nga dhuna në familje dhe dhuna me bazë gjinore

Për tri ditë me radhë, nga 10 deri më 12 nëntor, ka punuar Grupi Punues për hartimin e Planit të Veprimit 2027–2029, në kuadër të procesit të hartimit të Strategjisë Kombëtare për Mbrojtje nga Dhuna në Familje, Dhuna ndaj Grave dhe Dhuna me Bazë Gjinore 2027–2031.

Punëtoria treditore e organizuar nga Zyra e Koordinatorit Kombëtar, ka përfshirë sesione të ndara sipas katër objektivave strategjike, me pjesëmarrjen e nëngrupeve përkatëse.
Gjatë ditës së parë, diskutimet u përqendruan në Objektivin Strategjik 1 – Politikat e integruara dhe Objektivin Strategjik 2 – Parandalimi. Dita e dytë iu kushtua Objektivit Strategjik 3 – Mbrojtja, ndërsa dita e tretë Objektivit Strategjik 4 – Ndjekja penale.

Përmes këtyre punimeve, synohet përcaktimi i masave dhe aktiviteteve konkrete për zbatimin e objektivave strategjike, si dhe koordinimi i veprimeve ndërmjet institucioneve dhe akterëve përkatës, me qëllim të forcimit të mekanizmave për parandalimin dhe trajtimin e dhunës në familje, dhunës ndaj grave dhe dhunës me bazë gjinore.

Plani i Veprimit 2027–2029 do të përcaktojë hapat konkretë për zbatimin e Strategjisë Kombëtare 2027–2031 dhe avancimin e politikave institucionale në këtë fushë.

11/11/2026
Përfundon diskutimi i Projektligjit për Akademinë e Drejtësisë në Grupin Punues të Komisionit për LegjislacionNë kuadër ...
11/11/2026

Përfundon diskutimi i Projektligjit për Akademinë e Drejtësisë në Grupin Punues të Komisionit për Legjislacion

Në kuadër të shqyrtimit të projektligjit të pestë të pakos ligjore të reformës në drejtësi, Projektligjit për Akademinë e Drejtësisë, sot është mbajtur takimi i radhës i Grupit Punues të themeluar nga Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë kundër Korrupsionit.

Në këtë takim, përveç anëtarëve të grupit punues, ishin të pranishëm edhe përfaqësues të Ministrisë së Drejtësisë, përfaqësues të tjerë institucional dhe të shoqërisë civile.

Diskutimet u përqendruan në çështjet që ndërlidhen me organizimin dhe funksionimin e Akademisë së Drejtësisë, përbërjen dhe kompetencat e organeve drejtuese e programore, si dhe avancimin e trajnimit fillestar dhe të vazhdueshëm për gjyqtarët, prokurorët dhe profesionistët e tjerë të sistemit të drejtësisë.

Përmes projektligjit të ri, Akademia e Drejtësisë, synon të forcohet si institucion profesional për trajnimin fillestar, të vazhdueshëm dhe të specializuar të gjyqtarëve, prokurorëve dhe profesionistëve të tjerë të sistemit të drejtësisë.

Projektligji është hartuar dhe po shqyrtohet duke u mbështetur në rekomandimet e Komisionit të Venecias, standardet e Këshillit të Evropës dhe praktikat evropiane, me synim avancimin e kornizës ligjore për funksionimin e Akademisë së Drejtësisë me këto standarde.

Address

Luan Haradinaj
Pristina
10000

Opening Hours

Monday 08:00 - 16:00
Tuesday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00

Telephone

+38380010010

Alerts

Be the first to know and let us send you an email when Ministria e Drejtësisë posts news and promotions. Your email address will not be used for any other purpose, and you can unsubscribe at any time.

Shortcuts

Share