Agjencia e Menaxhimit Emergjent

Home
Kosovo
Pristina
Agjencia e Menaxhimit Emergjent

Directions Website

Misioni i Agjencisë është: përgatitja, mbrojtja, reagimi dhe rimëkëmbja nga rreziqet e mundshme

28/10/2026

AME/MPB dhe Universiteti i Prishtinës nënshkruajnë Memorandum Mirëkuptimi për avancimin e bashkëpunimit dhe menaxhimit të rrezikut nga fatkeqësitë

Prishtinë, 28 Tetor 2026

Agjencia e Menaxhimit Emergjent e Ministrisë së Punëve të Brendshme (AME/MPB) dhe Universiteti i Prishtinës kanë nënshkruar sot Memorandum Mirëkuptimi, me qëllim forcimin e bashkëpunimit institucional ndërmjet komunitetit akademik dhe institucioneve përgjegjëse ekzekutive për menaxhimin emergjent në Republikën e Kosovës.

Memorandumi krijon një kornizë bashkëpunimi për avancimin e sistemeve të paralajmërimit të hershëm, parandalimin dhe zvogëlimin e rrezikut nga fatkeqësitë, gatishmërinë, reagimin dhe rimëkëmbjen, përmes shfrytëzimit të njohurive shkencore, teknologjive të avancuara kompjuterike dhe sistemeve satelitore të vrojtimit të Tokës.
Bashkëpunimi synon gjithashtu forcimin e kapaciteteve institucionale në nivel qendror dhe lokal, përmirësimin e analizës dhe shkëmbimit të të dhënave, si dhe mbështetjen e vendimmarrjes së bazuar në dëshmi dhe të dhëna shkencore, në përputhje me standardet dhe praktikat evropiane e ndërkombëtare.

Memorandumi u nënshkrua nga U.d. Drejtori Ekzekutiv i AME-së MPB , z. Shefki Abdullahu, dhe Rektori i Universitetit të Prishtinës, prof. Arben Hajrullahu.
Një mundësi e rëndësishme për konkretizimin e këtij bashkëpunimi paraqet edhe projekti i përbashkët “KOS-ARISE”, i financuar nga Bashkimi Evropian, ku koordinator i projektit është Agjencia e Menaxhimit Emergjent, ndërsa përfitues është edhe Universiteti i Prishtinës që nga shtatori 2026. Projekti fokusohet në përdorimin e teknologjive satelitore dhe të vrojtimit të Tokës për mbështetjen dhe avancimin e sistemeve të paralajmërimit të hershëm.

AME/MPB e vlerëson këtë bashkëpunim si një hap të rëndësishëm drejt ndërlidhjes së kërkimit shkencor në shërbim të ngritjes cilësore për nevojat operacionale të menaxhimit emergjent, duke synuar zhvillimin e zgjidhjeve inovative, forcimin e gatishmërisë institucionale dhe rritjen e aftësisë ripërtëritëse të komuniteteve përballë rreziqeve nga fatkeqësitë.
Ky memorandum riafirmon përkushtimin e AME-së për të promovuar partneritete të qëndrueshme me institucionet akademike, në funksion të mbrojtjes së jetës, pronës, mjedisit dhe sigurisë së qytetarëve të Republikës së Kosovës.

27/10/2026

Me mbështetje nga projekti TAFF 2, sot u mbajte ushtrimi në tavoline për testimin e planeve dhe procedurave sipas Planit të Reagimit Kombëtar

Prishtine, 27 Nëntor 2026

Agjencia e Menaxhimit Emergjent/MPB përmes ushtrimit në tavolinë, teston kapacitetet koordinuese dhe ndërvepruese me institucionet relevante të nivelit lokal dhe qendrore.

U.d. Drejtori Ekzekutiv z. Shefki Abdullahu nga afër përcjelli ngjarjen, ku me një fjalë rasti ju drejtua audiences prezente përmes së cilës spikati rëndësinë e ushtrimit dhe përfitimet e institucioneve pjesëmarrëse.
Znj.Anita Ellmauer -Klambauer në emër të projektit, shprehu mirënjohjen e bashkëpunimit nga institucionet vendore me theks të veçante Agjencinë e Menaxhimit Emergjent e cila për tri vite me radhë ështe përfituese e projekteve nga Komisioni Evropian të lehtësuara nga GFDRR dhe Banka Botërore.

Pjesëmarrësit në ushtrime përveq Agjencise Menaxhimit Emergjent MPB ishin nga: Ministria e Shëndetësisë, Ministria e Financave, RMC FSK, PK, NALT, QS SKSK, KFOR, IHMK, Kryqi i Kuq i Kosovës, MBPZHR, Komuna e Prishtinës dhe Komuna e Prizrenit.
Audienca e pranishme në ushtrim shprehu zell dhe gatishmëri për të kontribuar me diskutime, me qëllim të identifikimt të zbrazëtive në të kuptuarin e zbatimit të mandatit dhe obligimeve ligjore të përcaktuara në Planin e Reagimit Kombëtare me funksionet mbështetëse emergjente.

Ushtrimi i sotëm, paraqet veprimin e duhur i cili duhet të paraprije inicimeve për planifikimet dhe përmirësimet e ardhshme përmes testimeve në ushtrimet e radhes.

22/10/2026

Drejtori Ekzekutiv i AME-së, z. Shefki Abdullahu me stafin e tij priti në takim Ekipin e Çështjeve Civile Amerikane dhe Njësisë së Operacioneve Speciale të FSK-së

Prishtinë, 22 Tetor 2026

Dje, në ambientet e Agjencisë së Menaxhimit Emergjent/MPB u zhvillua një takim për rritjen e gatishmërisë operacionale. Tema kryesore e bashkëpunimit ishte organizimi i trajnimeve profesionale, veçanërisht për ndihmën e parë.

Në këtë takim patëm kënaqësinë të presim:
Ekipin e Çështjeve Civile të Ushtrisë së SHBA-së, të udhëhequr nga Kapiten Brian Davis;
Njësinë e Operacioneve Speciale të FSK-së (Ekipet e Çështjeve Civile), të udhëhequr nga Nëntoger Sahit Berisha dhe Rreshter i Klasit të Parë Lorik Ramaj.
Gjatë takimit u diskutua mbështetja që këto ekipe do të ofrojnë në organizimin dhe realizimin e trajnimeve të specializuara, duke fuqizuar edhe më tej partneritetin tonë dhe përgatitjen profesionale në shërbim të sigurisë së qytetarëve.
Në fund të takimit, Drejtori Ekzekutiv, z. Shefki Abdullahu, i falënderoi të pranishmit për vizitën dhe bashkëpunimin si dhe për gatishmërinë e mbështetjen që ofruan për realizimin e këtyre trajnimeve me rëndësi të veçantë.

18/10/2026

AME-ja dhe AKSP-ja në mobilitetin e stafit në kuadër të Programit Erasmus+ në Varshavë të Polonisë

Agjencia e Menaxhimit të Emergjent/MPB dhe Përfaqësues të Akademisë së Kosovës për Siguri Publike (AKSP) kanë marr pjesë në Mobilitetin e Stafit për Trajnim (STT), në kuadër të Programit Erasmus+ të Bashkimit Evropian, që u zhviua nga 12 deri më 16 Tetor 2026 në Akademinë e Zjarrfikjes (Akademia Pożarnicza) në Varshavë të Polonisë.

Në këtë mobilitet, përveç përfaqësuesve nga Kosova, morën pjesë edhe përfaqësues të Universitetit Amikom Yogyakarta nga Indonezia dhe të Universitetit Shtetëror të Burgasit nga Bullgaria.

Gjatë qëndrimit në Poloni, pjesëmarrësit kishin mundësinë të vizitojnë kampusin e Akademisë së Zjarrfikjes në Varshavë, të njihen nga afër me laboratorët dhe infrastrukturën trajnuese, si dhe me metodat dhe praktikat e punës që zbatohen në procesin edukativo-arsimor dhe profesional në fushën e zjarrfikjes.

Këto vizita mundësojnë njohjen me çasjet bashkëkohore të mësimdhënies dhe trajnimit, si dhe me mënyrat e përgatitjes profesionale të personelit për përballimin e situatave emergjente.
Programi përfshiu gjithashtu prezantime nga institucionet pjesëmarrëse, përmes të cilave prezantuan përvojat, praktikat dhe veçoritë e sistemeve përkatëse të edukimit dhe trajnimit. Po ashtu, njohja nga afër me profesionistë të fushës në kuadër të praktikave bashkohore do jenë mundësi për shkëmbimin e njohurive, diskutimin e sfidave të përbashkëta dhe identifikimin e mundësive për bashkëpunim të mëtejshëm ndërinstitucional.

Ky aktivitet u finalizua me ndarjen e çertifikatave për pjesëmarrësit nga ana e programit ERASMUS+.
Ky mobilitet realizohet në bazë të marrëveshjes ndërinstitucionale ndërmjet AKSP-së dhe Akademisë së Zjarrfikjes në Varshavë, bashkëpunim i cili daton që nga viti 2015. Pjesëmarrja në këtë program përbën një mundësi të rëndësishme për zhvillimin profesional të stafit, avancimin e kapaciteteve institucionale dhe forcimin e bashkëpunimit ndërkombëtar në fushën e sigurisë publike dhe menaxhimit të emergjencave.

16/10/2026

Me ftesë të AFAD-it, drejtori i Agjencisë së Menaxhimit Emergjent po qëndron për vizitë zyrtare në Turqi

Prishtinë, 16 tetor 2026

Me ftesë të Agjencisë për Menaxhimin e Fatkeqësive dhe Emergjencave të Republikës së Turqisë (AFAD), ushtruesi i detyrës së drejtorit ekzekutiv të Agjencisë së Menaxhimit Emergjent (AME), z. Shefki Abdullahu, po qëndron për vizitë zyrtare në Ankara, ku po merr pjesë në Takimin e Platformës së Paqes për Menaxhimin e Fatkeqësive në Ballkan.

Ky takim përbën një mundësi të rëndësishme për forcimin e bashkëpunimit rajonal, shkëmbimin e përvojave dhe avancimin e mekanizmave të përbashkët për parandalimin, gatishmërinë dhe reagimin ndaj fatkeqësive.

Në fjalën e tij hyrëse, z. Abdullahu shprehu mirënjohjen e Republikës së Kosovës për mikpritjen dhe organizimin e këtij takimi nga institucionet turke, duke vlerësuar rolin dhe përvojën e Turqisë në menaxhimin e fatkeqësive.

Ai theksoi se solidariteti, kapacitetet e fuqishme institucionale dhe bashkëpunimi ndërkombëtar janë faktorë vendimtarë për shpëtimin e jetëve, mbrojtjen e komuniteteve dhe rimëkëmbjen pas fatkeqësive.

Në kuadër të programit të vizitës zyrtare, delegacioni i Kosovës do të vizitojë edhe rajonin e Gaziantepit, një nga zonat e goditura nga tërmetet shkatërruese të shkurtit të vitit 2023. Kjo vizitë synon njohjen nga afër me përvojat e institucioneve turke në operacionet e kërkim-shpëtimit, menaxhimin e pasojave, si dhe procesin e rindërtimit dhe rimëkëmbjes.

Pjesëmarrja e AME-së në këtë platformë riafirmon përkushtimin e Republikës së Kosovës për thellimin e partneritetit me AFAD-in dhe vendet e rajonit, si dhe për zhvillimin e kapaciteteve të qëndrueshme dhe ndërvepruese në fushën e mbrojtjes civile dhe menaxhimit të fatkeqësive.

12/10/2026

Gatishmëria dhe parandalimi për qëndrueshmëri ndërkufitare ndaj zjarreve pyjore në Kosovë, Mal të Zi dhe Shqipëri, projekt ky i financuar nga Bashkimi Evropian

Prishtinë,12 Tetor 2026

Gjithçka është gati për Punëtorinë e parë të KOMOAL-PREP për Validim me Palët e Interesit, e cila po mbahet në Tiranë!
Gjatë dy ditëve të ardhshme, përfaqësuesit e 12 komunave partnere nga Kosova, Mali i Zi dhe Shqipëria do t’ju bashkohen partnerëve të konsorciumit për të ndarë përvojat vendore, për të validuar njohjen me rreziqet dhe zonat e nxehta të zjarreve pyjore, ku gjithashtu do te shqyrtohen mënyrat se si mund të përgatitemi, të komunikojmë dhe të reagojmë më mirë së bashku.

Në dy ditët e ardhshme ku priten diskutime të frytshme, shkëmbim të njohurive dhe bashkëpunim praktik për fuqizimin e gatishmërisë ndërkufitare përballë rreziqeve nga zjarret pyjore!
Partnerët e konsorciumit KOMOAL-PREP:
Resilience Solutions – Austri
Ministria e Punëve të Brendshme – Drejtoria për Mbrojtje dhe Shpëtim – Mali i Zi
Agjencia e Menaxhimit Emergjent MPB– Kosovë
Agjencia Kombëtare e Mbrojtjes Civile MM – Shqipëri
CERIDES – Center of Excellence in Risk and Decision Sciences – Qendra e Ekselencës për Shkencat e Rrezikut dhe Vendimmarrjes – Qipro
Prime Consulting – Kosovë
Together for Life – Shqipëri
KOMOAL-PREP financohet nga Bashkimi Evropian në kuadër të Mekanizmit të Mbrojtjes Civile të Bashkimit.

09/10/2026

TELEGRAM NGUSHËLLIMI

Të nderuar familjarë të të ndjerit Liridon Rexha,
Të nderuar kolegë dhe bashkëpunëtorë të NJPZSH- Skenderaj dhe komunitetit të Zjarrfikjes dhe Shpëtimit në mbarë vendin.

Me pikëllim të thellë dhe dhimbje të madhe pranuam lajmin për ndarjen nga jeta e zjarrfikësit tonë të respektuar, Liridon Rexha,pas një sëmundjeje të rëndë, ndërroi jetë më 06.10.2026, në moshën 43-vjeçare.
Liridon Rexha, i lindur më 01.06.1983 në Vajnike të Skenderajt, që nga mosha 16-vjeçare iu bashkua radhëve të UÇK-së, duke dhënë kontributin e tij për lirinë e vendit.

Pas luftës, nga 09.09.2003 ai vazhdoi t’i shërbente vendit dhe komunitetit të tij, duke punuar si zjarrfikës në Skenderaj, ku me përkushtim dhe guxim u ishte gjendur pranë njerëzve në momentet më të vështira.

Pas një sëmundjeje të rëndë, Liridoni ndërroi jetë më 06.10.2026, në moshën 43-vjeçare.

Ai do të kujtohet gjithmonë për guximin, përkushtimin dhe dashurinë që kishte për familjen dhe vendin e tij.

I paharruar qoftë kujtimi për Liridonin.

08/10/2026

Takim pune ndërmjet AME-së dhe Delegacionit të Mbrojtjes nga Sllovenia për fuqizimin e kapaciteteve emergjente

Prishtinë,08 Tetor 2026

Drejtori Ekzekutiv i Agjencisë së Menaxhimit Emergjent/MPB z.Shefki Abdullahu ka pritur në takim pune përfaqësuesit e Ministrisë së Mbrojtjes Sllovene znj. Aleksandra Petrović-Drejtoreshë e sektorit për sfidat moderne, dhe znj. Vita Povšnar- Drejtoreshë e Departamentit të Kapaciteteve Civile, nga Drejtoria për Çështje të Mbrojtjes (DOZ).Ekspertët e projektit znj. Slavka Zupan dhe z. Gorazd Jenko-përfaqësues të TG CIMIC; Po ashtu edhe përfaqësues nga AKSP- ja dhe përfaqësuesit e komunave :Skenderaj, Vushtrri, Drenas.

Gjatë takimit, z. Abdullahu shprehu falënderimet për mbështetjen e vazhdueshme të shtetit Slloven dhe KFOR-it Slloven në ngritjen e kapaciteteve reaguese në Kosovë.

Qëllimi kryesor i këtij takimi ishte prezantimi i propozim-projekteve të hartuara në kuadër të iniciativës "Sigurimi i Fondeve Evropiane", si dhe koordinimi i hapave për bashkëpunim të mëtejshëm dhe aktivitete të përbashkëta në fushën e menaxhimit të emergjencave.

Fokusi kryesor i takimit ishte prezantimi i projekteve të reja për përfitimin e fondeve evropiane dhe fuqizimi i mëtejshëm i kapaciteteve reaguese emergjente në nivel lokal e qendror.

06/10/2026

Mbahet punëtoria treditore për hartimin e Projektligjit për Ndryshimin dhe Plotësimin e Ligjit Nr. 04/L-027 për Mbrojtje nga Fatkeqësitë Natyrore dhe Fatkeqësitë Tjera

Më datat 2–4 tetor 2026, është mbajtur një punëtori treditore me Grupin Punues për hartimin e Projektligjit për Ndryshimin dhe Plotësimin e Ligjit Nr. 04/L-027 për Mbrojtje nga Fatkeqësitë Natyrore dhe Fatkeqësitë Tjera.

Gjatë punëtorisë, anëtarët e Grupit Punues kanë diskutuar dhe shqyrtuar çështje të rëndësishme lidhur me përmirësimin dhe plotësimin e kuadrit ligjor në fushën e mbrojtjes nga fatkeqësitë natyrore dhe fatkeqësitë e tjera, me qëllim të avancimit të mëtejshëm të legjislacionit dhe forcimit të mekanizmave institucionalë për parandalimin, përgatitjen dhe reagimin ndaj fatkeqësive.

Punëtoria ka shërbyer si një platformë për diskutim profesional, bashkëpunim dhe harmonizim të qëndrimeve të Grupit Punues, në funksion të hartimit të një projektligji sa më gjithëpërfshirës dhe të zbatueshëm.

02/10/2026

Agjencia e Menaxhimit Emergjent/MPB dorëzon tre automjete të reja të zjarrfikjes në vlerë mbi 1.7 milion euro për komunat Shtime, Lipjan dhe Drenas

Prishtinë, 2 Tetor 2026

Në ambientet e Agjencisë së Menaxhimit Emergjent/MPB, u zhvillua sot ceremonia zyrtare e dorëzimit të tri automjeteve të reja dhe moderne të zjarrfikjes për Njësitë Profesionale të Zjarrfikjes dhe Shpëtimit në komunat e Shtimes, Lipjanit dhe Drenasit, ky Investim kap vlerën e përgjithshme prej 1,780,046 eurove.

Në këtë ceremoni morën pjesë zv.Minisitri i MPB-së z.Enver Dugolli , u.d Drejtori Ekzekutiv i AME-së z.Shefki Abdullahu, zyrtarë të Agjencisë, përfaqësues të nivelit komunal si dhe komandantë e pjesëtarë të ekipeve të zjarrfikësve.

Ky investim kapital i Agjencisë së Menaxhimit Emergjent/MPB,ka për qëllim fuqizimin e kapaciteteve operacionale të menaxhimit emergjent, duke rritur shpejtësinë, efikasitetin dhe profesionalizmin e reagimit në terren gjatë situatave emergjente.

Ndërkaq, u.d. Drejtori Ekzekutiv i AME-së, z. Shefki Abdullahu, gjatë prezantimit të raportit zyrtar, detajoi specifikat teknike dhe rëndësinë e këtyre automjeteve moderne, duke theksuar se këto tri automjete do të rrisin gatishmërinë reaguese dhe sigurinë operative të ekipeve të zjarrfikësve në terren.

Ndërsa zv.Ministri z.Dugolli theksoi: Ndonëse ky moment mund të duket ceremonial, në thelb kjo është pjesë e punës dhe angazhimit tonë të vazhdueshëm që nuk do të ndalet. Fokusi i Qeverisë dhe MPB-së mbetet përmirësimi i vazhdueshëm i kushteve të punës për zjarrfikësit përmes investimeve në automjete e pajisje, në mënyrë që ata të kryejnë me sukses misionin e tyre.

Automjetet e reja të dorëzuara sot do të ndikojnë drejtpërdrejt në rritjen e sigurisë së përgjithshme, mbrojtjen e infrastrukturës dhe gatishmërisë reaguese të njësive emergjente në rajonet përkatëse.

Address

Rr. Dëshmorët E Gollakut Pn. Hajvali
Pristina

Website

http://ame.rks-gov.net/

Alerts

Be the first to know and let us send you an email when Agjencia e Menaxhimit Emergjent posts news and promotions. Your email address will not be used for any other purpose, and you can unsubscribe at any time.