ARKEP - Autoriteti Rregullativ i Komunikimeve Elektronike dhe Postare

28/10/2026

ARKEP dhe MINTI bashkërendojnë veprimet për inspektime të përbashkëta

Autoriteti Rregullativ i Komunikimeve Elektronike dhe Postare (ARKEP), në bashkëpunim me Ministrinë e Industrisë, Ndërmarrësisë, Tregtisë dhe Inovacionit (MINTI) dhe institucionet e tjera relevante, do të mbështesë aksionin ndërinstitucional të inspektimeve të përbashkëta për mbikëqyrjen e tregtisë online dhe ofrimit të shërbimeve postare që ndërlidhen me këtë veprimtari, i cili fillon më 2 nëntor 2026.

Në kuadër të përgatitjeve për këtë aksion, kryetari i Bordit të ARKEP-it, z. Nazim Rahimi, së bashku me z. Sejdë Tolaj, drejtor i Departamentit për Mbrojtjen e Konsumatorit, dhe znj. Marcelë Restelica Ponosheci, drejtore e Departamentit Ligjor, pritën në takim z. Fatban Bunjaku, zv.ministër MINTI, z. Ali Tafarshiku këshilltarë i Ministres Kusari-Lila dhe zyrtarë të IQMT-së.

Takimi kishte karakter koordinues dhe përgatitor, ku u diskutua për rëndësinë e mbikëqyrjes së tregtisë online, përfshirë aspektet që ndërlidhen me transportimin dhe dorëzimin e dërgesave përmes ofruesve të shërbimeve postare, me qëllim të zbatimit të legjislacionit në fuqi, mbrojtjes së konsumatorëve dhe promovimit të një tregu të rregullt, transparent dhe të përgjegjshëm.

ARKEP konfirmoi gatishmërinë për të kontribuar në këtë aksion në përputhje me mandatin dhe kompetencat e tij ligjore, duke përfshirë edhe angazhimin e inspektorëve përkatës për mbikëqyrjen e çështjeve që bien në kuadër të fushëveprimtarisë së tij rregullative.

ARKEP vlerëson se koordinimi ndërinstitucional është i një rëndësie të veçantë për rritjen e efektivitetit të mbikëqyrjes së tregtisë online, përfshirë procesin e transportimit dhe dorëzimit të dërgesave postare nga ofruesit e këtyre shërbimeve, si dhe për garantimin e respektimit të të drejtave të konsumatorëve në përputhje me legjislacionin në fuqi.

ARKEP mbetet i përkushtuar për përmbushjen e mandatit të tij ligjor, me qëllim sigurimin dhe zbatimin e plotë të kornizës ligjore në fuqi..

Prishtinë, 28 tetor 2026.

26/10/2026

We're bringing three training courses to Pristina this November!

Whether you're managing Internet number resources, getting started with IPv6 or working with the RIPE Database, our trainers will help you put your knowledge into practice.

📍 18 November — Local Internet Registry Fundamentals
📍 19 November — IPv6 Fundamentals
📍 20 November — RIPE Database

Many thanks to our local hosts, https://www.facebook.com/ARKEP.RAEPC/ ARKEP, for helping us bring these learning opportunities to Kosovo! ❤️

All three courses are free for RIPE NCC members.

🔗 Find out more and register: https://academy.ripe.net/upcoming-courses

26/10/2026

KOMUNIKATË PËR MEDIA

Procesi i bartshmerise së numrave po zhvillohet me sukses, dhe me kohë të shkurtër të bartjes.

Autoriteti Rregullativ i Komunikimeve Elektronike dhe Postare (ARKEP) njofton opinionin publik se procesi i bartshmërisë së numrave, i cili ka filluar më 5 tetor 2026, është duke u zhvilluar mirë dhe pa ndonjë vështërsi.

Një nga aspektet më pozitive të këtij procesi është koha e realizimit të portimit të numrave, e cila aktualisht është rreth 5 deri në 7 minuta. Ky rezultat paraqet një përparim të rëndësishëm dhe është dukshëm më i shpejtë se afati i paraparë me kornizën rregullatore në fuqi.

ARKEP vlerëson angazhimin e të gjitha palëve të përfshira në zbatimin e këtij procesi dhe do të vazhdojë të monitorojë nga afër funksionimin e tij, me qëllim të garantimit të një procesi efikas, të besueshëm dhe në interes të konsumatorëve të shërbimeve të komunikimeve elektronike.

Megjithatë, duke pasur parasysh se kanë kaluar më pak se dy javë nga fillimi i zbatimit të bartshmërisë së numrave, ARKEP vlerëson se është ende herët për të nxjerrë përfundime të qëndrueshme lidhur me trendet e bartjes së numrave dhe lëvizjet e konsumatorëve ndërmjet operatorëve. Një vlerësim i tillë kërkon një periudhë më të gjatë monitorimi dhe analizimin e të dhënave të mjaftueshme për të pasqyruar në mënyrë sa më objektive sjelljen e konsumatorëve.

Prandaj, ARKEP u bën thirrje të gjitha palëve, përfshire mediave, që të përmbahen nga konstatimet dhe vlerësimet e parakohshme, duke i dhënë kohën e nevojshme ketij procesi.

ARKEP mbetet e përkushtuar për transparencë, monitorim të vazhdueshëm dhe informim të drejtë të publikut lidhur me zhvillimet dhe rezultatet e këtij procesi.

Prishtinë, 26 Tetor 2026

12/10/2026

Delegacioni i ARKEP-it, zhvillon vizitë pune në Kroaci për shkëmbimin e përvojave në fushën e shërbimit universal postar

Një delegacion i Autoritetit Rregullativ të Komunikimeve Elektronike dhe Postare (ARKEP) më 8 dhe 9 tetor 2026, zhvilloi vizitë pune në Republikën e Kroacisë, me ç’rast u mbajtën takime me përfaqësues të Rregullatorit Kroat për Rrjetet dhe Shërbimet e Komunikimeve Elektronike (HAKOM) dhe të Postës Kroate.

Qëllimi i vizitës ishte shkëmbimi i përvojave dhe praktikave të mira në fushën e shërbimit universal postar, si dhe njohja me kuadrin rregullativ, mënyrën e organizimit, zbatimit dhe mbikëqyrjes së këtij shërbimi në Republikën e Kroacisë.

Gjatë takimeve, përfaqësuesit e institucioneve shkëmbyen informacione dhe përvoja lidhur me rregullimin dhe mbikëqyrjen e shërbimit universal postar, me fokus në identifikimin e praktikave të mira që mund të shërbejnë për avancimin e mëtejshëm të këtij shërbimi në Kosovë.

Vizita shërbeu gjithashtu si një mundësi për identifikimin e fushave me interes të përbashkët dhe avancimin e bashkëpunimit ndërinstitucional ndërmjet ARKEP-it, HAKOM-it, Postës Kroate dhe Postës së Kosovës, me synim përmirësimin e mëtejshëm të rregullimit dhe ofrimit të shërbimeve postare në interes të qytetarëve.

Prishtinë, 12 tetor 2026.

06/10/2026

KOMUNIKATË PËR MEDIA

Ka filluar ofrimi i shërbimit të bartshmërisë së numrit në Kosovë
Autoriteti Rregullativ i Komunikimeve Elektronike dhe Postare (ARKEP) njofton publikun se nga data 5 tetor 2026 ka filluar ofrimi i shërbimit të bartshmërisë së numrit, duke u mundësuar qytetarëve që të ndërrojnë operatorin, duke e ruajtur numrin ekzistues.

Bartshmëria e numrit është një hap i rëndësishëm në fuqizimin e konsumatorëve, rritjen e konkurrencës dhe përmirësimin e kualitetit të shërbimeve të komunikimeve elektronike në Republikën e Kosovës.

ARKEP shpreh mirënjohjen dhe falënderimin për operatorët e komunikimeve elektronike, institucionet e zbatimit të ligjit, institucionet publike dhe të gjithë partnerët dhe profesionistët që kanë kontribuar në realizimin e këtij procesi të rëndësishëm.

ARKEP do të vazhdojë të monitorojë zbatimin e shërbimit dhe të ndërmarrë të gjitha masat e nevojshme për të siguruar funksionimin e tij në përputhje me Kornizën Rregullatore për Komunikimet Elektronike.

Prishtinë, 6 Tetor 2026

27/09/2026

NJOFTIM ME RËNDËSI....!
-CERT

NJOFTIM ZYRTAR NGA KOS-CERT

KOS-CERT njofton qytetarët se është duke trajtuar rastet e raportuara gjatë ditëve të fundit lidhur me komprometimin e llogarive në aplikacionin WhatsApp.

Në koordinim me institucionet përgjegjëse shtetërore dhe në bashkëpunim me operatorët e telefonisë mobile dhe partnerët ndërkombëtarë, KOS-CERT është nê kontakt me kompaninë Meta për të analizuar rastet e raportuara e për të identifikuar mënyrat dhe mekanizmat e përdorur për komprometimin e llogarive, si dhe për të ndërmarrë masat e nevojshme në kuadër të përgjegjësive të tij.

Deri në përfundimin e analizave, KOS-CERT u rekomandon qytetarëve kujdes të shtuar dhe zbatimin e këtyre masave të sigurisë:
• Mos e ndani me askënd kodin e verifikimit të WhatsApp (OTP) të pranuar përmes SMS-it apo kanaleve të tjera.
• Aktivizoni verifikimin me dy hapa (Two-Step Verification) në llogarinë tuaj WhatsApp.
• Kontrolloni pajisjet e lidhura (Linked Devices) me llogarinë tuaj. Nëse identifikoni një pajisje që nuk e njihni ose nuk e keni autorizuar, shkëputeni menjëherë.
• Mos klikoni në vegëza të dyshimta të pranuara përmes SMS-it, email-it, WhatsApp-it apo platformave të tjera, veçanërisht kur kërkohet verifikimi i llogarisë ose dhënia e të dhënave personale.
• Kushtojini vëmendje njoftimeve për regjistrimin e llogarisë në një pajisje tjetër. Nëse pranoni një kod ose njoftim për një tentativë regjistrimi që nuk është iniciuar nga ju, mos e ndani kodin dhe mos e autorizoni kërkesën.
• Mbroni edhe adresën e email-it të lidhur me llogarinë, duke përdorur një fjalëkalim unik dhe autentikim me shumë faktorë (MFA), kur kjo mundësi ofrohet.
• Mos ndani fjalëkalime, kode verifikimi apo të dhëna personale, edhe kur kërkesa duket se vjen nga një kontakt i njohur. Llogaria e personit që ju kontakton mund të jetë gjithashtu e komprometuar.

Nëse dyshoni se llogaria juaj është komprometuar, përdorni vetëm mekanizmat dhe kanalet zyrtare të WhatsApp për rikuperimin e llogarisë dhe raportoni incidentin tek KOS-CERT.

KOS-CERT do të vazhdojë monitorimin dhe analizimin e situatës, si dhe koordinimin me institucionet tjera, operatorët dhe partnerët relevantë, me qëllim të sqarimit të plotë të rasteve dhe ndërmarrjes së masave të nevojshme.

Për çdo zhvillim të rëndësishëm, publiku do të informohet përmes kanaleve zyrtare të KOS-CERT.

KOS-CERT
Njësia Nacionale për Siguri Kibernetike

25/09/2026

📢 Diçka e rëndësishme po vjen......

09/07/2026

Takim pune mes Bordit të ARKEP dhe Ministrit të Digjitalizimit dhe Administratës Publike, z. Lulëzon Jagxhiu.

Bordi i Autoritetit Rregullativ të Komunikimeve Elektronike dhe Postare (ARKEP), i udhëhequr nga Kryetari i Bordit, zhvilluan një takim produktiv pune me Ministrin e Digjitalizimit dhe Administratës Publike, z. Lulëzon Jagxhiu.

Në takimin u diskutuan prioritetet e sektorit të komunikimeve elektronike, avancimi i legjislacionit dhe projektet kryesore që kontribuojnë në zhvillimin digjital të vendit.

Në fokus të takimit ishte edhe Agjenda e Reformave në kuadër të Planit të Rritjes të Bashkimit Evropian dhe roli i ARKEP-it në përmbushjen e obligimeve që dalin nga ky proces.

U vlerësua progresi i Kosovës në fushën e teknologjisë 5G, ku mbulueshmëria ka arritur rreth 70% të popullsisë, duke tejkaluar objektivin e përcaktuar në Agjendën e Reformave.

Gjithashtu, u diskutua rëndësia e përdorimit efikas të spektrit frekuencor për zgjerimin e mëtejshëm të rrjetit 5G në të gjithë territorin e Kosovës, si dhe procesi i integrimit të Kosovës në zonën EU RLAH (Roam Like at Home), që synon heqjen e tarifave të roamingut ndërmjet Kosovës dhe vendeve të Bashkimit Evropian.

Bordi i ARKEP-it rikonfirmoi gatishmërinë dhe përkushtimin për të ndërmarrë hapat e nevojshëm, në kuadër të kompetencave të tij, dhe për të kontribuar në përmbushjen e kërkesave që lidhen me këtë proces.

Komunikimet elektronike mbeten një shtytës kyç i transformimit digjital të Kosovës.

Prishtinë, 09 korrik 2026

18/06/2026

KOMUNIKATË

Ushtruesi i Detyrës së Kryeprokurorit të Shtetit priti në takim Kryetarin e Bordit të ARKEP-it,

Kryetari i Bordit të Autoritetit Rregullativ të Komunikimeve Elektronike dhe Postare (ARKEP), z. Nazim Rahimi, së bashku me z. Ilir Imeri, drejtor i Departamentit të Komunikimeve Elektronike (DEK), u pritën në takim nga Ushtruesi i Detyrës së Kryeprokurorit të Shtetit, z. Agron Qalaj, i shoqëruar nga prokurori përgjegjës në Zyrën e Kryeprokurorit të Shtetit për Njësinë Ndërlidhëse të Përgjimeve, z. Lulzim Sylajmani, si dhe bashkëpunëtorët e tij.

Qëllimi i takimit ishte koordinimi ndërinstitucional lidhur me procesin e implementimit të bartshmërisë së numrave të telefonisë mobile dhe fikse, si dhe ndikimin që ky proces mund të ketë në aktivitetet dhe procedurat e organeve ligj zbatuese (LEA).

Gjatë takimit u konfirmua gatishmëria e të dyja palëve që ky proces të realizohet në përputhje me Rregulloren për bartshmërinë e numrave për parapaguesit e shërbimeve publike të komunikimeve elektronike dhe me obligimet që rrjedhin nga kjo rregullore. Po ashtu, u diskutuan edhe çështje të tjera profesionale me interes të përbashkët.

Në përfundim të takimit, Kryetari i Bordit të ARKEP-it, z. Rahimi, dhe Ushtruesi i Detyrës së Kryeprokurorit të Shtetit, z. Qalaj, u dakorduan për për vazhdimin dhe avancimin e mëtejmë të bashkëpunimit ndërinstitucional në funksion të përmbushjes së përgjegjësive ligjore dhe të interesit publik.

Prishtinë, 18 qershor 2026

12/06/2026

KOMUNIKATË

Autoriteti Rregullativ i Komunikimeve Elektronike dhe Postare (ARKEP) priti dje në takim ekipin zbatues të Studimit të Fizibilitetit për projektin “Upgrade to Very High-Capacity Networks – Feasibility Study (WB31-KOS-DII-02)”, të përbërë nga ekspertë ndërkombëtarë.

Gjatë takimit u prezantuan objektivat, metodologjia dhe aktivitetet e planifikuara në kuadër të studimit, me fokus në vlerësimin e nevojave dhe mundësive për zhvillimin e rrjeteve me kapacitet shumë të lartë “Upgrade to Very High-Capacity Networks’’ në Republikën e Kosovës.

Përfaqësuesit e ARKEP-it prezantuan gjendjen aktuale të sektorit të komunikimeve elektronike, zhvillimet rregullatore, si dhe sfidat dhe prioritetet kryesore që lidhen me avancimin e infrastrukturës digjitale.

Takimi shërbeu si platformë për shkëmbimin e informatave dhe diskutimin e aspekteve teknike, rregullatore dhe strategjike që do të kontribuojnë në përgatitjen e studimit të fizibilitetit dhe identifikimin e mundësive për zhvillimin e mëtejshëm të rrjeteve broadband me kapacitet shumë të lartë.

Projekti financohet nga Bashkimi Evropian në kuadër të Western Balkans Investment Framework (WBIF), ndërsa institucion përfitues është Qeveria e Kosovës përkatësisht Ministria e Digjitalizimit.

ARKEP rikonfirmoi gatishmërinë e saj për të bashkëpunuar ngushtë me të gjitha palët e përfshira dhe për të ofruar kontributin e nevojshëm në realizimin e aktiviteteve të projektit, me synim mbështetjen e zhvillimit të infrastrukturës moderne të komunikimeve elektronike dhe përshpejtimin e transformimit digjital në Republikën e Kosovës.

Prishtinë, 12 Qershor 2026