Pakistan People's Party Shikarpur

01/10/2026

شڪارپور: پيپلز پارٽي جي اڳواڻ، اڳوڻي صوبائي وزير ۽ ميمبر سنڌ اسيمبلي امتياز احمد شيخ جي ڪوششن سان قاضي هائوس سامهون نئين آر او پلانٽ جي تعمير جو ڪم جاري آهي.

ڊاڪٽر منصور ميمڻ جي نگراني هيٺ آر او پلانٽ جي تياري تيزي سان جاري آهي، جيڪو جلد مڪمل ٿيڻ جي اميد آهي. پلانٽ مڪمل ٿيڻ بعد علائقي جي عوام کي صاف ۽ مٺو پيئڻ جو پاڻي فراهم ٿيندو، جنهن سان رهواسين کي پيئڻ جي صاف پاڻي جي سهولت ميسر ٿيندي.

علائقي جي رهواسين پاران عوامي سهولت لاءِ ڪيل هن قدم تي امتياز احمد شيخ ۽ لاڳاپيل انتظاميا جا ٿورا مڃيا ويا آهن.

21/09/2026

شڪارپور: پيپلز پارٽي جي اڳواڻ، اڳوڻي صوبائي وزير ۽ ميمبر سنڌ اسيمبلي امتياز احمد شيخ ۽ پيپلز پارٽي لاڙڪاڻو ڊويزن جي اطلاعات سيڪريٽري فراز امتياز شيخ جي هدايتن تي چيئرمين پاڪستان پيپلز پارٽي بلاول ڀٽو زرداري جي 38هين سالگرهه شڪارپور هائوس تي جوش، جذبي ۽ خوشي سان ملهائي وئي.

ان موقعي تي سالگرهه جو ڪيڪ ڪاٽيو ويو، جنهن ۾ وڏي انگ ۾ پيپلز پارٽي جي ڪارڪنن، دوستن، همدردن ۽ ٻين شرڪت ڪئي. ڪيڪ وائيس چيئرمين ميونسپل ڪاميٽي شڪارپور وسيم الدين صديقي، لالا خالد هڪڙو، حاجي سميع الله شيخ، اقبال حسين عباسي، رضوان خان پهوڙ، محمد پريل عباسي، گرل داس، جميل شيخ، منصور شاھ، ۽ ٻين گڏجي ڪيڪ ڪاٽيو.

ان موقعي تي پارٽي اڳواڻن ۽ ڪارڪنن پاران بلاول ڀٽو زرداري کي سالگرهه جون واڌايون پيش ڪيون ويون ۽ سندس ڊگهي عمر، ڪاميابي ۽ صحت لاءِ دعائون پڻ ڪيون ويون.

21/09/2026

21/09/2026

17/09/2026

شڪارپور: فراز امتياز شيخ جا پي ايس-7 تڪ جا دورا، تعزيتون ۽ ملاقاتون

شڪارپور: پاڪستان پيپلز پارٽي لاڙڪاڻي ڊويزن جي انفارميشن سيڪريٽري فراز امتياز شيخ پي ايس-7 تڪ جي مختلف ڳوٺن ۽ شهر جو دورو ڪيو، جتي هن پارٽي ڪارڪنن، معززن ۽ علائقي جي مختلف ماڻهن سان ملاقاتون ڪيون ۽ فوت ٿيلن جي وارثن سان تعزيت ۽ عذرخواهي ڪئي.

ان سلسلي ۾ فراز امتياز شيخ سجاد احمد لوهر پاران منعقد ڪيل چانهه پارٽي ۾ شرڪت ڪئي، جتي هن مختلف ماڻهن سان ملاقاتون ڪيون.
درگاھ الف شاه شهيد ڀرسان ڊاڪٽر الطاف قريشي سان ملاقات ڪئي ۽ عيادت ڪئي، سندس طبيعت بابت خيريت معلوم ڪئي.
همايون ڀرسان ڳوٺ محمد عظيم ٻرڙو پهچي ڪري امداد علي ٻرڙو سان سندس والده جي وفات تي عذر خواهي ڪئي
بعد ۾ هو ڳوٺ کيڏو جعفري پهتو، جتي فيض محمد جعفري سان سندس سوٽ ۽ چاچي جي وفات تي عذرخواهي ڪئي ۽ مرحومن جي مغفرت لاءِ دعا ڪئي.

ان کان پوءِ فراز امتياز شيخ ڳوٺ کيڏو جعفري ۾ مرحوم سهڻو جعفري ۽ سندس ڀاءُ جي وفات تي وارثن سان پڻ عذرخواهي ڪئي ۽ مرحومن جي مغفرت لاءِ دعا گهري.

17/09/2026

شڪارپور: پيپلز پارٽي اڳواڻ، سابق صوبائي وزير ۽ ميمبر سنڌ اسيمبلي امتيار احمد شيخ سان پيپلز پارٽي سٽي صدر عقيل عباس سومرو شڪارپور هائوس تي خوشگوار ماحول ۾ ملاقات ڪئي، ملاقات دوران موجوده سياسي صورتحال ۽ مختلف اهم معاملن تي تفصيلي خيالن جي ڏي وٺ ڪئي وئي، جڏهن ته علائقي جي سياسي صورتحال تي پڻ تبادلهٔ خيال ڪيو ويو.

16/09/2026

شڪارپور: پيپلز پارٽي اڳواڻ، سابق صوبائي وزير ۽ ميمبر سنڌ اسيمبلي امتياز احمد شيخ، شهر جي مختلف محلن ۾ تعزيتون ۽ ملاقاتون ڪيون جنهن ۾ امجد جلباڻي سان شهيد ڀاء، انعام ﷲ ميمڻ سان والد، خليل ميمڻ سان والد، خزاني آفيسر غلام قادر جامڙو جي لاڏاڻي تي وارثن سان تعزيت ڪئي

16/09/2026

شڪارپور: پيپلز پارٽي اڳواڻ، اڳوڻو صوبائي وزير ۽ ميمبر سنڌ اسيمبلي امتياز احمد شيخ پاران نوجوانن سان گڏ ٽيبل ٽينس کيڏي راندين جي فروغ جو پيغام

پيپلز پارٽي اڳواڻ، اڳوڻي صوبائي وزير ۽ ميمبر سنڌ اسيمبلي امتياز احمد شيخ راندين کي فروغ ڏيڻ ۽ نوجوانن جي حوصلا افزائي لاءِ نوجوانن سان گڏ ٽيبل ٽينس کيڏي. ان موقعي تي وائيس چيئرمين ميونسپل ڪاميٽي شڪارپور وسيم الدين صديقي پڻ ٽيبل ٽينس راند ۾ حصو ورتو.

امتياز احمد شيخ چيو ته صحتمند معاشري لاءِ راندين جو فروغ انتهائي ضروري آهي. نوجوانن کي راندين جون بهتر سهولتون فراهم ڪرڻ سان سندن صلاحيتن کي اجاگر ڪرڻ سان گڏ کين مثبت ۽ صحتمند سرگرمين ڏانهن راغب ڪري سگهجي ٿو.