Kryeqyteti Prishtina

📢 NJOFTIM

Prishtina bëhet qendra e lidershipit dhe fuqizimit të grave mbarëkombëtare!

📅 Më 29 maj 2026, në Hotel Emerald, Prishtinë, mbahet Konferenca IV Ndërkombëtare e Prishtinës, e organizuar nga Aleanca Kombëtare e Këshilltareve Bashkiake të Shqipërisë (AKKB), në bashkëpunim me Kryeqytetin e Republikës së Kosovës – Prishtinën.

🏛️ Konferenca mbahet nën patronatin e Kryetarit të Kryeqytetit, z. Përparim Rama.

🎯 Tema qendrore:
“IMAZHI DHE LIDERSHIPI POLITIK I GRAVE SHQIPTARE: VLERA, IDENTITET DHE PERSPEKTIVË EVROPIANE”

💬 Në këtë konferencë do të zhvillohen diskutime mbi lidershipin politik dhe institucional të grave, akademinë, diplomacinë, zhvillimin lokal, ekonominë, bashkëpunimin rajonal e ndërkombëtar, si dhe fuqizimin e rolit të grave në vendimmarrje.

Aleanca Kombëtare e Këshilltareve Bashkiake

📢 NJOFTIM

Ju ftojmë të merrni pjesë në diskutimin publik lidhur me plotësim-ndryshimin e Rregullores 01.nr.110-2782, datë 02.12.2011, për tarifa, ngarkesa dhe gjoba në Kryeqytet.

Diskutimi publik do të mbahet më 04.06.2026, duke filluar nga ora 10:00, në Sallën e Kuvendit Komunal, objekti i vjetër i Komunës së Prishtinës.

Për më shumë detaje lidhur me plotësim-ndryshimin e kësaj rregulloreje, dokumentet mund t’i gjeni në vegëzën e mëposhtme:

Plotësim ndryshimi i rregullores 01.nr.110-2782 më2.12.2011 për Tarifa, Ngarkesa dhe Gjoba Plotësim ndryshimi i rregullores 01.nr.110-2782 më2.12.2011 për Tarifa, Ngarkesa dhe GjobaData e fillimit: 25.05.2026Data e përfundimit...

NJË TJETËR SUKSES 🙏🏻

Në bashkëpunim me shkollën Mileniumi i Tretë dhe KOMF, Drejtoria e Mirëqenies Sociale zhvilloi aktivitetin “Shesim që të dhurojmë”.

Fëmijët, së bashku me prindërit e tyre, dhanë një shembull të jashtëzakonshëm solidariteti dhe empatie, duke treguar se vlerat humane kultivohen që në moshë të hershme.

Falënderojmë stafin e Drejtorisë për përkushtimin dhe angazhimin në realizimin me sukses të këtij aktiviteti. ❤️

Fondet e grumbulluara nga sh*tja e ushqimeve, pikturave dhe punimeve të dorës do t’i dedikohen KOMF. 🙌

Drejtoria e Mirëqenies Sociale
Adelinë Sahiti

📢 NJOFTIM

Kryeqyteti organizon ceremoninë përkujtimore me rastin e 70 dhe 71-vjetorit të lindjes së heronjve Fehmi dhe Xhevë Lladrovci.

Më 28 maj 2026, duke filluar nga ora 17:00, në Sallën e Kuqe të Pallatit të Rinisë dhe Sportit në Prishtinë, do të mbahet ceremonia përkujtimore kushtuar jetës dhe veprës së heronjve Fehmi dhe Xhevë Lladrovci.

Në këtë përvjetor të veçantë, me respekt e mirënjohje kujtojmë guximin, sakrificën dhe kontributin e tyre të jashtëzakonshëm për lirinë e vendit, emrat e të cilëve mbeten simbol i qëndresës dhe dashurisë për atdheun.

Ftojmë qytetarët dhe të gjithë të interesuarit të marrin pjesë në këtë ceremoni përkujtimore.

📍 Salla e Kuqe, Pallati i Rinisë dhe Sportit
28 maj 2026 - Ora 17:00

Ndiqeni drejtpërdrejt seancën e jashtëzakonshme të Kuvendit të Kryeqytetit 👇

Mbledhja e jashtëzakonshme e Kuvendit të Kryeqytetit Mbledhja e jashtëzakonshme e Kuvendit të Kryeqytetit

🚫 GJOBA PËR PARKIM NË HAPËSIRA TË GJELBËRUARA

Inspektorati i Kryeqytetit po vazhdon kontrollet në terren ndaj parkimeve të paligjshme në hapësirat publike dhe zonat e gjelbëruara. 🌿

U shqiptua gjobë për parkim të automjetit në hapësirë të dedikuar për gjelbërim, duke dëmtuar ambientin e përbashkët të qytetarëve.

Hapësirat e gjelbra nuk janë parking.
Ato janë për qytetarët, për lagjet dhe për një kryeqytet më të pastër e më të jetueshëm.

Nuk do të ketë tolerim për shkelësit.

Inspektorati i Kryeqytetit

🚫 4 GJOBA ME NGA 500€ U SHQIPTUAN SOT NGA EKIPET TONA

4 gjoba me nga 500€ u shqiptuan sot nga ekipet tona për hedhje të mbeturinave vëllimore në hapësira publike.

Nuk do të ketë tolerim për ata që ndotin lagjet dhe bllokojnë hapësirat e qytetarëve. Inspektoriati i Kryeqytetit po vepron vazhdimisht në terren dhe secili shkelës do të përballet me masa ndëshkuese.

Prishtina duhet të mbahet pastër. 🌿

Mjedisi është i përbashkët, ta ruajmë së bashku.

📞 Raportoni shkelësit në numrat më poshtë:

0800 12233
0800 12244

Drejtoria e Shërbimeve Publike
Leutrim Retkoceri

🚯 GJOBË 500 EURO PËR HEDHJE TË PALIGJSHME TË MBETURINAVE

Ekipet e Drejtorisë së Shërbimeve Publike po vazhdojnë çdo ditë aksionet për largimin e mbeturinave vëllimore në lagje të ndryshme të Kryeqytetit.

Pavarësisht angazhimit të vazhdueshëm në terren, ende ka qytetarë të pandërgjegjshëm që hedhin mbeturina në vende jo adekuate, duke dëmtuar hapësirat publike dhe mjedisin.

🚨 Mbrëmë, në orët e vona të natës, Inspektorati i Kryeqytetit ka shqiptuar gjobë prej 500 euro ndaj një qytetari të kapur në flagrancë duke hedhur mbeturina në mënyrë të paligjshme.

📌 Kontrollet dhe inspektimet do të vazhdojnë edhe në ditët në vijim, ndërsa të gjithë shkelësit do të përballen me masa ndëshkuese sipas legjislacionit në fuqi.

📞 Ftojmë qytetarët që çdo shkelje të tillë ta raportojnë në:

0800 12233
0800 12244

Drejtoria e Shërbimeve Publike
Leutrim Retkoceri

NJOFTIM PËR QYTETARËT

Të nderuar qytetarë,

Ju njoftojmë se Forca e Sigurisë së Kosovës (FSK), në kuadër të aktiviteteve dhe stërvitjeve të planifikuara operative, do të realizojë stërvitje fushore në zonën e Liqenit të Badovcit, duke përfshirë edhe një pjesë përgjatë rrugës “Pëllazgët” në fshatin Mramor, në datat 21-22.05.2026 dhe 28.05.2026.

Gjatë zhvillimit të ushtrimeve mund të ketë:

* lëvizje të shtuar të automjeteve dhe personelit të FSK-së;
* përdorim të armëve dhe të shtëna stërvitore.

Andaj, kërkojmë mirëkuptimin e qytetarëve që të mos shqetësohen nga aktivitetet e lartëcekura, pasi bëhet fjalë për ushtrime të planifikuara dhe të kontrolluara nga institucionet përgjegjëse të sigurisë.

Faleminderit për bashkëpunimin dhe mirëkuptimin tuaj.

FSK - Forca e Sigurisë së Kosovës