Ministry of Education Ethiopia

Call Directions Website Contact the organization

Ministry of Education  Ethiopia This is FDRE Ministry of Education Official Face Book Page.We are promoting Educational Achievement & Attainment.

በአማራጭ የመምህርነት ሙያ የሰለጠኑ የመጀመሪያዎቹ 693 ዕጩ መምህራን ተመረቁ።                   ----------------------- // ------------------------...
28/10/2026

በአማራጭ የመምህርነት ሙያ የሰለጠኑ የመጀመሪያዎቹ 693 ዕጩ መምህራን ተመረቁ።

----------------------- // -------------------------
‎
‎(ጥቅምት 18/2019 ዓ.ም) በአማራጭ የመምህርነት ሙያ ሥልጠና የሰለጠኑ የመጀመሪያዎቹ 693 ዕጩ መምህራን ከኮተቤ የትምህርት ዩኒቨርሲቲ ተመረቁ።

ትምህርት ሚኒስቴር እንደ ሀገር የሚስተዋለውን የመምህራን አቅርቦት ችግር ለመቅረፍ ከወሰዳቸው አማራጮች መካከል በተለያዩ የትምህርት መስኮች ተመርቀው ወደመምህርነት ሙያ መቀላቀል ለሚፈልጉ ምሩቃን ባመቻቸው የስልጠና እድል በኮተቤ የትምህርት ዩኒቨርስቲ ስልጠናቸውን ሲከታተሉ የቆዩ 693 እጩ መምህራንን አስመርቋል።

‎
በምረቃ ሥነ ሥርዓቱ ላይ የተገኙት የመምህራንና የትምህርት አመራር ልማት ተ/ሥራ አስፈጻሚ ወ/ሮ አሰገደች ምሬሳ፣ መምህርነት ለትውልድ ቀረጻ እና ለሀገር ግንባታ ወሳኝ ሙያ መሆኑን ገልጸው ምሩቃኑም ይህንኑ ኃላፊነት በመገንዘብ፣ በታማኝነት፣ ሙያው በሚጠይቀው ሥነ ምግባርና በቁርጠኝነት በመሥራት ለተማሪዎቻቸው አርአያ እንዲሆኑና ለሀገራቸው እድገት የድርሻቸውን እንዲወጡ አደራ ብለዋል።

‎ወ/ሮ አሰገደች አክለውም ዩኒቨርስቲው ትምህርት ሚኒስቴር አዲስ በጀመረው አማራጭ የመምህርነት ሙያ ስልጠና መርሀ-ግብር ዕጩ መምህራንን በማስመረቅ የመጀመሪያው ዩኒቨርሲቲ መሆኑንም አመልክተዋል።

‎
‎የኮተቤ የትምህርት ዩኒቨርሲቲ የአካዳሚክ ጉዳዮች ምክትል ፕሬዝዳንት ዶ/ር አለባቸው ኬሚሶ በበኩላቸው ምሩቃኑ በተለየ አዲስ ሥርዓተ ትምህርት በ24 የትምህርት ዘርፎች የሰለጠኑና የሚፈለግባቸውን ብቃት ያሟሉ መሆናቸውን ገልጸዋል።

‎
‎በዩኒቨርስቲው በአማራጭ የመምህራን ሙያ ስልጠና መርሀ-ግብር ለምረቃ ከበቁት 693 ዕጩ ምሩቃን መካከልም 578 ወንዶች ቀሪዎቹ 115 ያህሉ ደግሞ ሴቶች መሆናቸው ተናግረዋል፡፡

‎
‎በእለቱ እጅግ ከፍተኛ ውጤት በማምጣት በማዕረግ ለተመረቁ ዕጩ ምሩቃን የምስክር ወረቀትና እና ሽልማት ተሰጥቷቸዋል።

ተጨማሪ መረጃዎችን በሚከተሉት ማስፈንጠሪያዎች ያግኙ፡-
በፌስቡክ -https://www.facebook.com/fdremoe/
በቴሌግራም -https://t.me/ethio_moe
በትዊተር - http://twitter.com/fdremoe
ዩቱዩብ- https://www.youtube.com/-of-education-ethiopia
በሊንክዲን - https://www.linkedin.com/.../ministry-of-education-ethiopia
በዌብሳይት - www.moe.gov.et ይከታተሉ
See less

‎
‎

ማስታወቂያበፌዴራል ልዩ አዳሪ 2ኛ ደረጃ ትምህርት ቤቶች ባሉ ክፍት ቦታዎች ለተመደባችሁ ተማሪዎች በሙሉ፤በፌዴራል ልዩ አዳሪ 2ኛ ደረጃ ትምህርት ቤቶች ባሉ ክፍት ቦታዎች ተማሪዎችን ለመቀበል...
28/10/2026

ማስታወቂያ

በፌዴራል ልዩ አዳሪ 2ኛ ደረጃ ትምህርት ቤቶች ባሉ ክፍት ቦታዎች ለተመደባችሁ ተማሪዎች በሙሉ፤

በፌዴራል ልዩ አዳሪ 2ኛ ደረጃ ትምህርት ቤቶች ባሉ ክፍት ቦታዎች ተማሪዎችን ለመቀበል በወጣው ማስታወቂያ መሠረት የመግቢያ ፈተና ወስዳችሁ ያለፋችሁ ተማሪዎች የተመደባችሁበትን ትምህርት ቤት ቀደም ሲል በተመዘገባችሁበት ሊንክ በመግባት እንድታረጋግጡና የኦንላይን ምዝገባችሁን እንድታጠናቅቁ እየጠየቅን፤

ምዝገባችሁን ካጠናቀቃችሁ በኋላ፣ እስከ እሁድ ጥቅምት 22 ቀን 2019 ዓ.ም ድረስ ወደ ተመደባችሁበት ትምህርት ቤት በመግባት ትምህርታችሁን እንድትጀምሩ እናሳስባለን።

የትምህርት ሚኒስቴር

የተፋጠነ የትምህርት መርሃ ግብሮችን ለማሻሻል ያለመ አህጉራዊ አውደ ጥናት በአዲስ አበባ በመካሄድ ላይ ነው።------------------- // -------------------(ጥቅምት 16/2...
27/10/2026

የተፋጠነ የትምህርት መርሃ ግብሮችን ለማሻሻል ያለመ አህጉራዊ አውደ ጥናት በአዲስ አበባ በመካሄድ ላይ ነው።

------------------- // -------------------

(ጥቅምት 16/2019 ዓ.ም) የኢትዮጵያን የተፋጠነ የትምህርት ፕሮግራም (ALP) ተሞክሮዎች ለአፍሪካ አገራት ለማካፈል እና የትምህርት ቀውሶችን በዘላቂነት ለመቅረፍ ያለመ አህጉራዊ አውደ ጥናት በአዲስ አበባ በመካሄድ ላይ ይገኛል።

በአውደ ጥናቱ መክፈቻ መልዕክት ያስተላለፉት የጎልማሶችና መደበኛ ያልሆነ ትምህርት መሪ ሥራ አስፈጻሚ ዶ/ር ዬሴፍ አበራ የትምህርት ቀውሱን ለመፍታት ከትምህርት ውጪ የሆኑ ሕፃናትን ችግር በከተማ እና በገጠር ነባራዊ ሁኔታዎች ላይ በተመሠረቱ የጣልቃ-ገብነት ስልቶች ማስተካከል እንደሚገባ አስገንዝበዋል።

ከዚሁ ጋር በተያያዘም የኢትዮጵያን የተፋጠነ የትምህርት ፕሮግራም (ALP) ተሞክሮዎች ለሌሎች የአፍሪካ አገራት በማካፈል እና ሰፋ ያለ ልምድ ልውውጥ በማድረግ የመንግሥትን የመሪነት ሚና ማጠናከር እንደሚገባ አሳስበዋል።

በተጨማሪም የትምህርት ባለሙያዎች አቅም ግንባታ እና የጥራት ማረጋገጫ ሥራዎች ተጠናክረው መቀጠል እንዳለባቸው አበክረው ገልጸዋል።

ለሴት ሕፃናት፣ ለአካል ጉዳተኞች፣ ለስደተኞች እና ለተፈናቃዮች ልዩ ትኩረት በመስጠት አካታች እና ፍትሃዊ ትምህርት እውን ማድረግ የዕለቱ አንኳር ትኩረት መሆኑን ያነሱት ዶ/ር ዮሴፍ ማንም ሕፃን ከትምህርት ገበታ ውጭ እንዳይሆን ቴክኖሎጂን፣ አስተማማኝ መረጃን፣ የማኅበረሰብ ተሳትፎን እና ጠንካራ አጋርነቶችን ይበልጥ ማጠናከር እንደሚገባ አመላክተዋል።

በመድረኩ ላይ የተሳተፉ የሌሎች ተባባሪ ተቋማት ሥራ ኃላፊዎችም በአፍሪካ ደረጃ በትምህርት ገበታ ላይ የማይገኙ ሕፃናትን እና ስደተኞችን መሠረታዊ የትምህርት ፍላጎት መመለስ በሚያስችሉ ጉዳዮች ላይ ያተኮሩ ሐሳቦች አንጸባርቀዋል።

ይህ አህጉራዊ አውደ ጥናት አገራት የተሻሉ ልምዶችን እንዲለዋወጡ እና ዘላቂ መፍትሔዎችን እንዲያዘጋጁ ምቹ ሁኔታን የሚፈጥር መሆኑ የተገለጸ ሲሆን በተለይም በትምህርት ዕድል ተጠቃሚ ላልሆኑ ተጋላጭ የኅብረተሰብ ክፍሎች እና ለስደት የተጋለጡ የማህበረሰብ ክፍሎች ጥራት ያለው ትምህርት ተደራሽ ለማድረግ አዳዲስ ፖሊሲዎችን እና የትግበራ ማዕቀፎችን ለመንደፍ ትልቅ ፋይዳ እንዳለው ተመላክቷል።

📢 የመግቢያ ፈተና ጥሪ ማስታወቂያ ለፌዴራል ልዩ አዳሪ ትምህርት ቤቶች ተመዝጋቢዎች በሙሉ የትምህርት ሚኒስቴር በፌዴራል ልዩ አዳሪ ትምህርት ቤቶች ባሉት ክፍት ቦታዎች ተማሪዎችን ለመቀበል ባ...
16/10/2026

📢 የመግቢያ ፈተና ጥሪ ማስታወቂያ


ለፌዴራል ልዩ አዳሪ ትምህርት ቤቶች ተመዝጋቢዎች በሙሉ


የትምህርት ሚኒስቴር በፌዴራል ልዩ አዳሪ ትምህርት ቤቶች ባሉት ክፍት ቦታዎች ተማሪዎችን ለመቀበል ባወጣው ማስታወቂያ መሠረት ተመዝግባችሁ ለፈተና የተመረጣችሁ ተማሪዎች በሙሉ፡


የመግቢያ ፈተናው ነገ ቅዳሜ ከጠዋቱ 3፡00 ሰዓት ላይ የሚሰጥ መሆኑን ቀደም ብለው ማሳወቃችን ይታወቃል። በዚሁ መሰረት በተጠቀሰው ቀንና ሰዓት በሚቀርባችሁ የመፈተኛ ማዕከል በአካል በመገኘት ፈተናችሁን እንድትወስዱ እናሳስባለን።


📌 ማሳሰቢያ፦

የፈተና መስጫ ማዕከላትን በተመለከተ ተጨማሪ ማብራሪያ ወይም መረጃ ከፈለጋችሁ የየክልሎቻችሁን ትምህርት ቢሮ መጠየቅ የምትችሉ መሆኑን እንገልጻለን።

ትምህርት ሚኒስቴ

በትምህርት ሚኒስቴር ሚኒስትር ዴኤታነት የተመደቡት አዲስ አመራሮች የስራ ርክክብ አደረጉ፤               ----------------------- // -------------------(ጥቅ...
14/10/2026

በትምህርት ሚኒስቴር ሚኒስትር ዴኤታነት የተመደቡት አዲስ አመራሮች የስራ ርክክብ አደረጉ፤

----------------------- // -------------------

(ጥቅምት 04/2019 ዓ.ም) በትምህርት ሚኒስቴር ሚኒስትር ዴኤታነት የተመደቡት ዶ/ር ቶላ በሪሶ እና ዶ/ር ሰለሞን አብርሃ ከቀድሞ ሚኒስትር ዴኤታዎች የስራ ርክክብ አድርገዋል።

በዚህም የቀድሞ የአጠቃላይ ትምህርት ልማት ዘርፍ ሚኒስትር ዴኤታ ክብርት ወ/ሮ አየለች እሸቴ አዲስ ለተመደቡት ዶ/ር ቶላ በሪሶ መልካም የስራ ዘመን በመመኘት የስራ ርክክብ ያደረጉ ሲሆን፤
በተመሳሳይ የከፍተኛ ትምህርት ልማት ዘርፍ ሚኒስትር ዴኤታ የነበሩት አቶ ኮራ ጡሹኔ በዘርፉ አዲስ ለተመደቡት ሚኒስትር ዴኤታ ዶ/ር ሰለሞን አብርሃ የስራ ርክክብ አድርገዋል።

በሥራ ርክክብ መድረኩ ላይ የተገኙት የትምህርት ሚኒስትሩ ፕሮፌሰር ብርሃኑ ነጋ ባስተላለፉት መልዕክት፣ ባለፉት ዓመታት በትምህርት ዘርፉ የተጀመሩ የሪፎርም ሥራዎች የማይቀለበሱበት ምዕራፍ ላይ መድረሳቸውን ገልጸው የቀድሞ አመራሮች ላበረከቱት ከፍተኛ አስተዋጽኦ ምስጋና አቅርበዋል። አዲስ የተመደቡት አመራሮችም ያላቸውን ሰፊ ልምድ በመጠቀም ለዚህ ታሪካዊ ምዕራፍ ስኬትና ቀጣይነት ትልቅ አቅም እንደሚሆኑ ሙሉ እምነት እንዳላቸው ተናግረዋል።

አክለውም በቀጣዮቹ አምስት ዓመታት በሁለቱም የትምህርት ዘርፎች ስር ከፍተኛ ለውጥ ለማምጣት በትኩረት እንደሚሰራ ተናግረው የተጀመሩ የሪፎርም ስራዎች ተጠናክረው እንደሚቀጥሉ የገለጹት ክቡር ሚኒስትሩ ለብልሹ አሰራሮች የሚዳርጉ የአሰራር ክፍተቶችን በመፈተሽ ማስተካከያ እንደሚደረግባቸውም ጠቅሰዋል፡፡

በመጨረሻም አዲስ የተመደቡት ሚኒስትር ዴኤታዎች የተሰጣቸው ኃላፊነት ወሳኝና ትምህርት ዘርፉ ዕድገት ከፍተኛ አስተዋጽኦ የሚያበረክት መሆኑን በመግለጽ፣ በዘርፉ የተጀመሩ ሪፎርሞችን በተሻለ ብቃትና ቁርጠኝነት ለመፈጸም፣ እንዲሁም የትምህርት ጥራት ለማረጋገጥ በከፍተኛ ትጋት እንደሚሠሩ አረጋግጠዋል።

📢  የማስታወቂያበፌዴራል ልዩ አዳሪ ሁለተኛ ደረጃ ትምህርት ቤቶች ለመማር ለተመዘገባችሁ ተማሪዎች በሙሉ፤ትምህርት ሚኒስቴር በፌዴራል ልዩ አዳሪ ሁለተኛ ደረጃ ትምህርት ቤቶች ባሉ ክፍት ቦታዎ...
14/10/2026

📢 የማስታወቂያ

በፌዴራል ልዩ አዳሪ ሁለተኛ ደረጃ ትምህርት ቤቶች ለመማር ለተመዘገባችሁ ተማሪዎች በሙሉ፤

ትምህርት ሚኒስቴር በፌዴራል ልዩ አዳሪ ሁለተኛ ደረጃ ትምህርት ቤቶች ባሉ ክፍት ቦታዎች ተማሪዎችን ለመቀበል ባወጣው ማስታወቂያ መሠረት ለተመዘገባችሁ ተማሪዎች በሙሉ የመግቢያ ፈተና የሚሰጥበት ቀን፣ ሰዓት እና ቦታ መወሰኑን እንገልጻለን።

📝 የፈተናው ዝርዝር መረጃ

📅 የፈተናው ቀን፦ መጪው ቅዳሜ፣ ጥቅምት 7 ቀን 2019 ዓ.ም

⏰ የመግቢያ ሰዓት፦ ከጠዋቱ 3፡00 ሰዓት

📍 የፈተና ቦታ፦ በአቅራቢያችሁ በሚገኙ የ12ኛ ክፍል ብሔራዊ ፈተና በኦንላይን (Online) በተሰጠባቸው የፈተና ማዕከላት

⚠️ ማሳሰቢያ፦

ተማሪዎች ፈተናውን አልፈው በሚመደቡባቸው የትምህርት ቤቶች ለመማር ፈቃደኛ መሆን ይጠበቅባቸዋል።

የትምህርት ሚኒስቴር አመራሮችና ሠራተኞች 19ኛውን የሰንደቅ ዓላማ ቀን አከበሩ
12/10/2026

የትምህርት ሚኒስቴር አመራሮችና ሠራተኞች 19ኛውን የሰንደቅ ዓላማ ቀን አከበሩ

10/10/2026
📢 ማስታወቂያ📌 በትግራይ ክልል በሚገኙ ዩኒቨርሲቲዎች ስትማሩ ለነበራችሁ ነባር ተማሪዎች፡በጊዜያዊ ምደባ ሂደቱ ላይ የቀረቡ ቅሬታዎችን የማጣራት ሥራ ተጠናቆ ምላሽ የተሰጠ በመሆኑ፣ በጊዜያዊነ...
10/10/2026

📢 ማስታወቂያ

📌 በትግራይ ክልል በሚገኙ ዩኒቨርሲቲዎች ስትማሩ ለነበራችሁ ነባር ተማሪዎች፡
በጊዜያዊ ምደባ ሂደቱ ላይ የቀረቡ ቅሬታዎችን የማጣራት ሥራ ተጠናቆ ምላሽ የተሰጠ በመሆኑ፣ በጊዜያዊነት የተመደባችሁበትን ዩኒቨርሲቲ https://student.ethernet.edu.et/university-transfer/ በሚለው ማስፈንጠሪያ በመግባት መመልከት የምትችሉ መሆኑን እንገልጻለን።

የምደባ መረጃችሁ በቀጥታ ለየዩኒቨርሲቲዎቹ የሚላክ ሲሆን፣ ተቋማቱ በሚያወጡት የጥሪ መርሃ-ግብር መሠረት በጊዜያዊነት ወደተመደባችሁባቸው ዩኒቨርሲቲዎች በመሄድ ትምህርታችሁን መቀጠል ትችላላችሁ።

እንዲሁም የተስትካከለ ምደባ ሊኖር ስለሚችል ከመሄዳቹህ በፊት በዚህ ማስፈንጠሪያ በመግባት https://student.ethernet.edu.et/university-transfer/ እንድታረጋግጡ ይሁን

📌 አዲስ ተማሪዎች፡
የምደባ ቦታችሁን https://student.ethernet.edu.et/view-placement/ በሚለው ማስፈንጠሪያ በመግባት ማረጋገጥ የምትችሉ መሆኑን እናሳውቃለን።

ማሳሰቢያ፦ ሁኔታዎች እየተሻሻሉ ስለሆነ በትግራይ ክልል በሚገኙ ዩኒቨርሲቲዎች ትምህርታችሁን መቀጠል የምትፈልጉ ተማሪዎች(በጊዜያዊነት የተመደባችሁትን ጨምሮ) ዩኒቨርሲቲዎቹ የሚያወጡትን የጥሪ ማስታወቂያ በመከታተል ትምህርታችሁን በነበራቹሁበት መቀጠል እንደምትችሉ እናሳውቃለን።

ትምህርት ሚኒስቴር

Address

Arat Kilo/Patriot Square
Addis Ababa

Opening Hours

Monday 08:00 - 17:30
Tuesday 08:00 - 17:30
Wednesday 08:00 - 17:30
Thursday 08:00 - 17:30
Friday 08:00 - 17:30

Telephone

+251111565529

Alerts

Be the first to know and let us send you an email when Ministry of Education Ethiopia posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Ministry of Education Ethiopia:

Shortcuts

Share